[sheko fun]

بسم الله الرحمن الرحيم



اولا يارجالة مصراوى انا بجد بشكركم من كل قلبي لتعاونكم مع الاعضاء المبتدئين ومساعدتكم ليهم من غير ماتنتظروا كلمة شكر حتى من حد .... ربنا يجعلوا فى ميزان حسناتكم يارب .



ثانيا : المشكلة بإختصار : ان واحد قريبى ساكن قريب مننى قالى انا عايز اتفرج زيك على كل البطولات

وهو عندو طبق 180 متحرك بريفكس قدييم اوييييي .... فروحتلوا لاقيت الطبق جايب 6 اقمار بس بإشارات عالية لاكن مش راضى يجيب اى قمر غيرهم .

فطلعت وظبطلوا الطبق وجبت 20 قمر لاكن المشكلة ان كل الأقمار اللى جت إشارتها قليلة .

يعنى القمر التركى مثلا على قناة NTV Spor جايبا إشارة 79 %

رغم ان عندى جايبا 91 % وانا ساكن قبليه بشارع واحد ... يعنى المكان مش المشكلة ..

وقنوات Idman مش راضيا تيجى عندو غير بتقطيع

وقنوات SILK SPOR جايا بإشارة 64 %

كل الأقمار كدة جاييا بإشارة قليلة

فأنا مستغرب لأن انا شايف ان المدار مظبوط والدليل ان كل الاقمار جت على المدار

وإلا كنت هلاقى فيه قمرين تلاتة فى النص مش موجودين او إشارتهم عالية جدا فكنت هعرف ان المدار مش مظبوط كويس .

وكمان حاولت ارفع الطبق عن كدة سننة او انزله سننة الإشارة بتقل اوى مش بترضى تزيد عن كدة فى كل الاقمار ...


فكننت عايز اعرف من حضراتكم الغلط فى إييه او المشكلة فى إييه ...


مع العلم ان لما روحتلو كان جايية عندو 6 اقمار بس لاكن كانوا بإشارات عاليا

كانوا النايل سات - الاسرائيلى - ASTRA4 - الافريقى - Eutelsat 10 - الاوروبى

ولكم جزييييييييييل الشكـــــــــــــــــــــــــــــــــــــر

[فني تركيبات]

كل ده كلام جميل
ولكنك لم تذكر نوع القطعه عند صاحبك

[sheko fun]

انا بردوا شاكك فى القطعة فعلا ياباش مهندس ابراهيم

هى قطعة شبه الفوجى بالمللى ..... لاكن مش هى الفوجى لأن عندى الفوجى الاصلية وعارفها ..

هو بيقوللى انو جابها من حوالى 14 سنة .

لاكن مش مكتوب عليها حاجة خالص .....

[عادل عامر]

ضبط الطبق المتحرك بتردد واحد مصورة لعيون مصراوى سات $$$

[sheko fun]

انا من متابعيييي مواضيع حضرتك بإهتمام يا باش مهندس عامر ..... وهو ده بالظبط فعلا الى اتبعته وعملته فى ظبط المدار ...... وهى طريقة جمييلة جدا فعلا ...... لاكن ده الى حصل عندو فى الاخر ... والاشارات مش راضيا تزيد عن كده للأسف

[عادل عامر]

القطعة ممكن تاخد الفيد بتاعها وتركبة على قطعة سترونج حديد او اى قطعة جيدة فى التعديل

[sheko fun]

بس انا مش بعرف فى موضوع تعديل القطع دة يا باش مهندس عادل للأسف

[عادل عامر]

شوف نوع القطعة الاول وتكون سترونج حديد او بلاستيك او اريون ونعدلها من خلال المنتدى مع بعض

[حجاج تى فى]

حضرتك ذكرت انك تستقبل 20 قمر
هل من بينهم استرا 28 وهيسباسات على مدار واحد ام عندما تذهب للهسبا تقوم بلف البولار او تعلية الطبق ام لا تستقبلهم من الاساس
وممكن صورة للطبق تكون واضحة وللقطعة

[aboisam]

فعلا ممكن تكون القطعة
الهسباسات كان عندى مشكلة فى استقبالة علما كنت مستقبل المدار بالكامل
غيرت القطعة استقبلت القمر

[حماد]

يا غالى... قبل ما تغير القطعة . حاول اولا تلف القطعة لفوق او لتحت .. بس بشويش جدا وتابع الاشارة..

مع مراعاة ان اى عدسة شبيهة الفوجى لابد ان يكون الزور بتاعها جايب لاخر الفلانشة . زيى الصورة دى..






جرب وربك يسهلها...

[sheko fun]

هو فعلا يا باش مهندس حماد ( القطعة شبه الفوجى بالملى ) والزور بتاعها واصل للأخر فى الفلانشة زى الصورة اللى حضرتك حاططتها بالظبط ....

انا زهقت منو وسيبتهالو على كدة ..... جبتلوا كل البطولات الى هو عايز يتفرج عليها وخلاص ..

لاكن الاشارة بجد مش راضيا تزيد عن كدة ابدا .

[خالد الغمراوى]

يمكن يكون الطبق بورتة مش مظبوطة

[hassanaboail]

صح ممكن تكون العدسه ضعيفه شويه واما السلك مهرب بعض الاشاراه واما بوره الطبق مش مزبوطه