[hany yasser]

أحب أعرض للأعضاء الكرام تجربتي مع الشيرنج والساتلايت جايز يلاقوا فيها حاجة مفيدة

الشيرنج اختراع رهيب وأنا اعتبرته أفضل اختراع في مجال الساتلايت
ولكنه فقد بريقة بعد اغلاق قنوات Bein
وبعد التجارب والبحث من واحد بيحب الكورة وجرب كل الحلول أقدر أقول ان مفيش ليه بديل مناسب حتي الاّن

للأسباب الأتية :
الـ IP أدائة ضعيف وبيقطع حتي في الريسيفرات اللي فيها اشتراك وصورتة مش كويسة واللينكات اللي علي النت كلها بتقعد يومين بالكتير وتقفل

الباقات الأجنبية الناقلة للبطولات جربتها واتفرجت عليها كتير ولكن للأسف مش بحس اني بتفرج علي ماتش زي زمان ومبيشدنيش وبسيبه شغال وبعمل أي حاجة رغم انه يتميز بجودة الصورة ولكن ينقصة روح الماتش

الراديو من النت مع الـقنوات الأجنبية جربته ولكن بيكون في فارق مش مريح بين الصوت والصورة وبشوف الجون والأقي المعلق بيقول جوووون بعد ما اللاعيبه تستنر وتعمل هجمة جديدة :D
وحكاية التايم شيفت دي مش بتنفع دايما ومش مقتنع بيها

البرامج المهكرة والمبرمجة كلها بتقعد أسبوع أو اتنين بالكتير أوي وتقفل

دهوك والسليمانية مش بتنقل غير حاجات معينة ومش بتقرب من أفريقيا مثلا ومش هتتفرج غير علي الماتشات اللي يحبوا يذيعوها بصوت المعلق اللي يختاروه وبصورة SD ده غير صعوبة وعناء العثور علي فني يقدر يجيبلك القمر الهولندي في مصر لو لقيت

لما بتفرج علي اسرائيل بحس اني متضايق وأعتقد ده بسبب اننا اتربينا علي كره الدولة دي بكل ما يتعلق بها والتعليق كمان عبري مش مفهوم منه كلمة وفي الأيام الأخيرة قنواتها الـ HD قافلة علي الشيرنج وقد تكون في طريقها للخروج من الشيرنج

تبقي المشاهدة علي الإنترنت عن طريق المواقع ولكن بتقطع كتير ومفيش مره الماتش كمل من غير ما يفصل وكمان ادارة bein بعد تفعيل البث الأمن شددت الرقابة علي الإنترنت جدا وحتي الفيديوهات المباشرة للمباريات علي اليوتيوب بتتقفل وأي برنامج متهكر بيقفلوه وأي موقع بيشوفوا رقم الجهاز ويقفلوا الإشتراك


للأسف معرفتش الشيرنج ده غير قبل ما يقفل بسنة وزعلت علي كل السنين اللي ضاعت وكان ممكن اتفرج فيها كأني مشترك :D

مش هقول في الاخر نستسلم ونشترك لأني صعب أشترك ب 1500 عشان مجرد أشوف كورة غير ان ليهم أسعار تانية في البطولات الكبيرة
وأكيد في حاجات تانية في حياتنا أهم من مجرد المشاهدة رغم اني من عشاق الرياضة
لكن أتمني يكون في حلول جديدة وبدائل من المبدعين زي ما أبدعوا في اختراع الشيرنج قبل كده ننتظر حل أخر بخلاف ال IP وان كنت لا أتوقعه قريبا خصوصا ان باقات O S N و أبو ظبي بقالها سنين ومتكسرتش

ده ملخص تجربتي مع الشيرنج وبشكر موقع مصراوي سات لأني اتعلمت منه حاجات كتير في مجال الساتلايت وأتمني مكونش طولت عليكوا :)

[عصام الدين1975]

اخي الشيرنج فعلا مريح وجميل وهوتطور عبر مراحل فبمثلما تطور التشفير سيتطور الشيرنج فقط يحتاج زمن لان الشيرنج جهد قرصان كثر وليس جهة واحدة لاتياس واصبر مثلنا سياتي يوم وتشاهد بن سبورت شيرنج

[eiasgh]

والله عندك حق فى كل اللى قولتوا واظاهر فعلا ان الباقه اللى بتغادر الشيرنج مابترجعش تانى بس لو جينا نبص من منظور تانى الشيرنج صناعه كبيره وضخمه اكيد القائمين عليها مش هيسكتوا وفى انتظار اى جديد وان كنت لا اتوقع فى القريب العاجل اى شئ

[شريف عبدألمنعم]

كلامك مظبوط الاي بي فاشل

[كاشانى]

للاسف لا يوجد بديل لقنوات البى ان كما ذكرت الان نحن فى انتظار فك تشفيرها ودخلوها الشيرنج

[DmgRoxx]

بديلك الوحيد هو الوصله بس للاسف مش متوفره عند ناس كتير
وحوار تعليق اجنبى مش حوار اوى زى م انت نبين اوى كده
والتايم شيفت انا متفرج على كاس العالم كولوا بنفس الطريقه وكان حلو جدا

[محمد فتحى الطباخ]

كل اول ليه اخر

[abanop]

ولله عندك حق شكلها ملهاش حل