[mahmoudfathy]

انا مركب اربعة اقمار على طبق 100 سم استرا وهوتبيرد وw3 ونايل سات
المهم نايل سات على تلفزيون لوحده والباقى على تلفزيون تانى
ولما اشغل قناة فى قمر استرا 19 تقطع الاشاره بتاعت النايل سات فى التلفزيون التانى
ده طبيعى ولا ايه
؟؟؟؟؟؟؟؟؟؟؟؟؟؟؟؟

[mahmoudfathy]

ايه يا جماعة الخير فيه ايه ولا رد واحد حتى

[الحاج شريف]

المشاركة الأصلية كتبت بواسطة mahmoudfathy

انا مركب اربعة اقمار على طبق 100 سم استرا وهوتبيرد وw3 ونايل سات
المهم نايل سات على تلفزيون لوحده والباقى على تلفزيون تانى
ولما اشغل قناة فى قمر استرا 19 تقطع الاشاره بتاعت النايل سات فى التلفزيون التانى
ده طبيعى ولا ايه
؟

ده طبيعى فى حاله واحده ،إنك منزل كابل واحد من السطح وواخد من خرج تيونر الأسترا ورايح لتيونر ريسيفر النايلسات

[playstation.2]

المشاركة الأصلية كتبت بواسطة asharif

ده طبيعى فى حاله واحده ،إنك منزل كابل واحد من السطح وواخد من خرج تيونر الأسترا ورايح لتيونر ريسيفر النايلسات

بالظبط كدا أكيد هي دي سبب المشكلة ... والأفضل إستخدام قطعة بمخرجين خاصة بالنايل سات ويتم تركيب منفذ منها مع الدايزك وباقي العدسات وأما المنفذ الآخر فيكون له سلك خاص به إلى الرسيفر

[hassanaboail]

انتا منزل سلك للنايل لوحده وباقي الاقمار سلك تاني ولا هوا سلك واحد وواخد من رسيفر لرسيفر يرجي التوضيح

[mahmoudfathy]

سلك للنايل لوحده وباقي الاقمار على الديزك
عدسة النايل لها تليفيزيون خااااص بها وباقي الاقمار على تليفيزيون اخر

[playstation.2]

يبقى أكيد المشكلة في الدايزك طالما إن التوصيلات سليمة

[عادل عامر]

يا اخى انت بتقول النايل سات نازل لريسفر لوحدة وبسلك خاص بية يبقى المفروض ملوش علاقة بالاقمار التانية
الا اذا كان الاربع اقمار على ديزك واحد او ان السلك بتاع النايل سات ملمس فى جسم الطبق ممكن يعمل شورت اى قطع للاشارة تاكد من الاسلاك يا غالى مش مقطوعة ولاملامسة لبعضها ولا للطبق لان الرابط بينهم انهم على طبق واحد بس ومش وصلين على ديزك واحد عشان نقول انة من الديزك شوف واخبرنا بالنتيجة يا غالى

[playstation.2]

المشاركة الأصلية كتبت بواسطة عادل عامر

يا اخى انت بتقول النايل سات نازل لريسفر لوحدة وبسلك خاص بية يبقى المفروض ملوش علاقة بالاقمار التانية
الا اذا كان الاربع اقمار على ديزك واحد او ان السلك بتاع النايل سات ملمس فى جسم الطبق ممكن يعمل شورت اى قطع للاشارة تاكد من الاسلاك يا غالى مش مقطوعة ولاملامسة لبعضها ولا للطبق لان الرابط بينهم انهم على طبق واحد بس ومش وصلين على ديزك واحد عشان نقول انة من الديزك شوف واخبرنا بالنتيجة يا غالى

تمام كدا أستاذ عامر ... لكن إللي أنا فهمته من العضو صاحب المشكلة إن عنده طبق واحد عليه قطعة بمخرجين للنايل سات مخرج منهم على رسيفر لوحده وقطع أخرى منهم الأوروبي تم توصيلهم بدايزك مع المخرج الثاني لقطعة النايل سات ليعملوا على رسيفر مستقل لكن كلام حضرتك بيقول إن أنا فهمت غلط من العضو صاحب المشكلة وبالتالي أتمنى التوضيح من صاحب المشكلة حتى يكون هناك حل متفق عليه من جميع الأطراف

[عادل عامر]

يبقى التعارض من القطعة نفسها
ولازم تتغير وكلامك سليم اخى بلاستيشن

[الحاج شريف]

المشاركة الأصلية كتبت بواسطة playstation.2

تمام كدا أستاذ عامر ... لكن إللي أنا فهمته من العضو صاحب المشكلة إن عنده طبق واحد عليه قطعة بمخرجين للنايل سات مخرج منهم على رسيفر لوحده وقطع أخرى منهم الأوروبي تم توصيلهم بدايزك مع المخرج الثاني لقطعة النايل سات ليعملوا على رسيفر مستقل لكن كلام حضرتك بيقول إن أنا فهمت غلط من العضو صاحب المشكلة وبالتالي أتمنى التوضيح من صاحب المشكلة حتى يكون هناك حل متفق عليه من جميع الأطراف

أنا قريت كلام الأخ محمود صاحب المشكله أكتر من مره ماوصلنيش المعنى ده أبدا ولم يصل حتى الآن ولن يصل ، كلامه مابيقولش كده، هل مطلوب من كل صاحب مشكله إنه يشاور والخبرا يفهموا من الإشاره
صحيح آمال خبرا إزاى
ده بيفكرنى بواحد صاحبنا راح يصلح تيليفيزيون زمان ففتح التيليفيزيون وفتح دايرته ، الراجل صاحب التيليفيزيون قال له إنت لسه جاى تذاكر هنا وطرده .

[mahmoudfathy]

[mahmoudfathy]

لو شغلت قنوات الاسترا وكان التلفزيون التانى شغال تقطع الاشاره
.
.
.
.
واسف على عدم التوضيح سابقا

[المهندس كرم ستالايت]

الافضل توصيل الطبق النايل سات لوحدة على تليفزيون وبالنسبة لنايل اللى على المستطرة اعد ضبطة ثم توصيلة مع الدايزك وحاول تعكس مداخل الدايزك نايل سات مدخل1 والاوربى مدخل3 وw3 على مدخل 2 واسترا على مدخل4

[playstation.2]

لو على الرسم إللي إنتا موضحه يبقى المفروض إن التلفزيون التاني ملهوش أي علاقة بالموضوع وبصراحة مش قادر أفهم إيه علاقة التلفزيون التاني بالموضوع بما إنه شغال على قطعة لوحده ولا يتصل معاه أي شئ بغض النظر عن كون القطعة على مسطرة أو غيره