[مستر ابراهيم فوزى]

• السلام عليكم
  
• انا كان عندى دائره باور كيوماكس فرجن 9 بهدلتنى علشان اظبط الفولت عليها
  
• الغريب انك تحس ان خط ال 5 فولت وال 3فولت بيتأثروا مع يعض عند تغيير اى قطعه فى الخط 3 او 5
• وكنت طرحت موضوع فى المنتدى وما وصلناش لحل ومازال الوضع
  
• خط 3 فولت كان مخرج 4,5 وخط 5 فولت كان مخرج 4,8
  
• ولم استطيع تغيير الفولت
  
• وبعد معرفه السر اكتشفت انى كنت عامل مشكله بدون مشكله وماحدش ذكر المعلومه ايلى حقولها دى
• السر ايه ؟
• ان دائره الباور دى بالتحديد لما بتوصل ببورده الرسيفر بتتظبط تلقائى والفولت على خط 5 و3 بيبقوا تمام والجهاز بيشتغل لكن ما راجعت فولت المشط وانت فاصل الدائره عن الرسيفر ستلاحظ ارتفاع الفولتات فى خط 3 ,5 وده ايلى انا توهت فيه
  
• النصيحه لحبايبى
  
• لا تقم بقياس ومراجعه دائره الباور هذه بالتحديد الا وهى موصوله بالرسيفر
  
• او لو لاقيت الدائره وهى خارج الرسيفر الفولت على خط 3 وخط 5 فولت مرتفع فوق 4 فولت لا تنزعج الدائره دى مظبوطه
  
• والنهارده انا ركبتها فى جهاز دريك اشتغل تمام
• والفولت اتظبط
• وجاتى جهاز كيوماكس فرجن 9 فصلت مشط الباور وفوجئت ان الفولتات ارتفعت فى الخطين 5 و3 فولت ولما ركبت مشط الباور بالرسيفر الفولت رجع لوضعه الطبيعى
  
• ودى حاله نادره بالنسبه لى حبيت انوه بها لحبايبى فى المنتدى علشان ما يتعبوش زى العبد لله
• والسلام عليكم ورحمه الله وبركاته

[محمد كوماكس]

يامان كلامك سليم وعشره على عشره

[حمادة الطيار]

ياكبير العبد لله قالك قيس الدايرة وانت فاصل المشط من البورده على اثاث ان الدايرة متصله بالجهاز يعنى لو فهمت قصدى ساعتها كنت عرفت ان القياس مع البورده يختلف فى بعض الاجهزه ممكن سلكونات بتاخد من البورده وعلى فكره ممكن تلاقى خطوط سالب
يعنى مثلا -12 فولت كده يعنى

[مستر ابراهيم فوزى]

المشاركة الأصلية كتبت بواسطة محمد كوماكس

يامان كلامك سليم وعشره على عشره

تسلم يا محمد ونورت الموضوع

[مستر ابراهيم فوزى]

المشاركة الأصلية كتبت بواسطة حمادة الطيار

ياكبير العبد لله قالك قيس الدايرة وانت فاصل المشط من البورده على اثاث ان الدايرة متصله بالجهاز يعنى لو فهمت قصدى ساعتها كنت عرفت ان القياس مع البورده يختلف فى بعض الاجهزه ممكن سلكونات بتاخد من البورده وعلى فكره ممكن تلاقى خطوط سالب
يعنى مثلا -12 فولت كده يعنى

يا حماده انا واثق من قدراتك وعارف انك خطير

بس انا كنت حجيب بورده منين انا قولتلك انا شغال على دائره من غير رسيفر
وبعدين ما تقلقشى انا محتاجك انت وحبايبنا فى اجهزه تانيه
وربنا ما يحرمناش منك

[godzla_said]

مشكور على المعلومه
بس كمان معظم كارتات الباور الصينى اللى فى السوق لما بتقيسها خارج الدايرة بتبقى نفس الكلام

[عبد المنعم نجم]

الله ينور ياغالى كلام سليم