[برشلونى للابد]

السلام عليكم
معلش استفسارتى كترتى وهتعبكوا معايا
بس اصلى اول مره اتعامل مع اجهزه الكيوماكس فاستحمولى شويه بقا :)

الاستفسار الاول
دلوقتى انا حبيت اضيف قوائم مفضله على جهازى فلقيت قوائم متسميه وجاهزه وكل حاجه بس انا مكنتش عاوزهم بالترتيب دا وفيه قوائم كنت عاوز اغيرها اصلا فانا رتبتهم من الاول حطيت الرياضه وبعدين الافلام وكده لحد الاخر فاتلخبطوا القوائم دى وشكل الايقونات اللى بتيجى وانا بضيف فى المفضله بقا الافلام عباره عن كوره والرياضه موسيقى وكده الحاجات دى مينفعش تتعدل وتترتب حسب منا عاوز مش حسب ما القوائم مضافه؟؟؟

الاستفسار الثانى
بالنسبه للمفضله بردو القايمه الاخيره من المفضله كانت adult
فانا غيرتها وخليتها اغانى بس فيه مشكله كل ما اجى ادخل عليه لازم ادخل باسورد الجهاز وانا عاوز القوائم كلها تشتغل بشكل طبيعى ينفع الغى الباسورد من القايمه الاخيره دى؟؟؟؟

الاستفسار الثالث
دلوقتى انا كل ما اجى اعمل بحث على قمر معين قبل ما يبدا بحث بيسألنى هل تريد مسح القنوات القديمه لو قولت نعم بيمسح كله وبينزل جديد ولو قولت لا بينزل القنوات كلها تانى مضافه على القديم يعنى بتبقى القنوات متتكرره
انا بقا عاوز اعمل بحث على القمر بحيث ينزله القنوات الجديده بس اللى مش موجوده ولو قناه اتغير اسمها يغيرها بس
من غير ما القنوات تتكرر او تتمسح

بس انتهت استفساراتى وارجو الرد
مع تحياتى للجميع

[برشلونى للابد]

؟؟؟؟؟؟؟؟؟؟؟؟

[أ/حــمــاده الــجــوكــــر]

حضرتك جهازك انى واحد من الجهازين دول

ده



ولا ده

[برشلونى للابد]

الاول يا غالى
ابو 2 فلاشه

[أ/حــمــاده الــجــوكــــر]

المشاركة الأصلية كتبت بواسطة برشلونى للابد

الاول يا غالى
ابو 2 فلاشه

تمام
طيب حضرتك على سوفت كام؟؟

[برشلونى للابد]

وعامله سوفت السوبر 1.85

[أ/حــمــاده الــجــوكــــر]

المشاركة الأصلية كتبت بواسطة برشلونى للابد

وعامله سوفت السوبر 1.85

للاسف الخاصيه الى حضرتك تقصدها

بتاعت انك تنزل قنوات من غير ما تمسح القنوات المرتبه دى

على السوفت الاصلى 3.43 فقط ولا توجد على السوبر

[برشلونى للابد]

مممممممم
اوك يا غالى شكرا ليك


فى انتظار الرد على باقى الاستفسارات

[أ/حــمــاده الــجــوكــــر]

اجابه اول استفسار

ماينفعش تغير اسماء او اماكن المفضلات وهيا ثابته

ثانيا موضوع الباسورد ده لا يمكن الغائه وهوا ثابت ولاكن الباسورد هوا 0000

[برشلونى للابد]

لا انا غيرت اسامى المفضلات عادى يا استاذ حماده
ودى موجوده فى السوفت السوبر مش السوفت الاصلى
بتدخل على القايمه المفضله هتلاقى تحت جنب move وdelete هتلاقى rename
ودى بتغير اسم المفضله مش اسم القناه وانا فعلا عملتهم كلهم بش المشكله فى الايقونات وانا بضيف القنوات بس عموما الايقونات دى مش بتظهر الا وقت ما بضيف القنوات بس

وشكرا ليك يا غالى على اهتمامك

[أ/حــمــاده الــجــوكــــر]

المشاركة الأصلية كتبت بواسطة برشلونى للابد

لا انا غيرت اسامى المفضلات عادى يا استاذ حماده
ودى موجوده فى السوفت السوبر مش السوفت الاصلى
بتدخل على القايمه المفضله هتلاقى تحت جنب move وdelete هتلاقى rename
ودى بتغير اسم المفضله مش اسم القناه وانا فعلا عملتهم كلهم بش المشكله فى الايقونات وانا بضيف القنوات بس عموما الايقونات دى مش بتظهر الا وقت ما بضيف القنوات بس

وشكرا ليك يا غالى على اهتمامك

تمااام طيب حضرتك منزل ملف قنوات للجهاز؟؟؟

[برشلونى للابد]

انا كنت منزل ملف القنوات اللى متثبت بس مفهوش مفضلات
وكمان فيه قنوات مكانش ليها اشاره عندى
فانا مسحت كل القنوات ونزلتها من جديد
وغيرت اسامى المفضلات ال8 ولسه بقا هضيف فيهم القنوات
اصلى انا كنت عاوز ترتيب للمفضلات مش للاقمار

[أ/حــمــاده الــجــوكــــر]

المشاركة الأصلية كتبت بواسطة برشلونى للابد

انا كنت منزل ملف القنوات اللى متثبت بس مفهوش مفضلات
وكمان فيه قنوات مكانش ليها اشاره عندى
فانا مسحت كل القنوات ونزلتها من جديد
وغيرت اسامى المفضلات ال8 ولسه بقا هضيف فيهم القنوات
اصلى انا كنت عاوز ترتيب للمفضلات مش للاقمار

حضرتك الافضل تمسح كل القنوات

او الاحسن تعمل ضبط مصنع للجهاز

وتنزل القنوات يدويا افضل

[برشلونى للابد]

مهو دا اللى انا عملت يا غالى

والف شكر ليك :)

[أ/حــمــاده الــجــوكــــر]

المشاركة الأصلية كتبت بواسطة برشلونى للابد

مهو دا اللى انا عملت يا غالى

والف شكر ليك :)

العفو اخى الكريم