[waheed]

الزملاء الاعزاء انا فنى وعايز اشترى الجهاز الخاص ب الاشارة لانى عايز استغنى عن التليفزيون والريسيفر وكمان سلك الكهرباء لهذا من لدية اى فكرة يفيدنى وعن سعرة وان كان هناك انواع فارجو الافادة ومقدما لكم جزيل الشكر

[owen_sat]

سات لينك يا غالى انا معايا واحد مريحنى جدا وسعره لا يتعدى الف جنيه

[abokefo]

الاخ الزميل الغالي
عليك بالسات لينك 6906 وده نفس قوائم الريسفرات معالج علي بالضبط وكمان فيه قوائم عربي وصفارة مع قوة الاشارة
انا فني ومعايا سات لينك 6908 والحمد لله مريح جدا وكمان علشان حكايه الكهرباء اللي بتقطع كتير اليومين دول لانه شغال ببطارية شحن زي الموبيل
وممكن تكتب في بحث اليوتيوب سات لينك هتلاقي فيديوهات كتير بموديلات وامكانيات مختلفة تناسب كل المستويات
وانا متابع معاك واياك تنخدع وتروح اسكندريه زي انا ما روحت مشوار صد رد علي الفاضي

[™Mr.Hassan™]

متابعه طيبه من الجميع

[waheed]

المشاركة الأصلية كتبت بواسطة abokefo

الاخ الزميل الغالي
عليك بالسات لينك 6906 وده نفس قوائم الريسفرات معالج علي بالضبط وكمان فيه قوائم عربي وصفارة مع قوة الاشارة
انا فني ومعايا سات لينك 6908 والحمد لله مريح جدا وكمان علشان حكايه الكهرباء اللي بتقطع كتير اليومين دول لانه شغال ببطارية شحن زي الموبيل
وممكن تكتب في بحث اليوتيوب سات لينك هتلاقي فيديوهات كتير بموديلات وامكانيات مختلفة تناسب كل المستويات
وانا متابع معاك واياك تنخدع وتروح اسكندريه زي انا ما روحت مشوار صد رد علي الفاضي

الاخ الغالى owensat متشكر جدا يا غالى وانا سالت عن هذا الجهاز فاخبرونى ان سعرة 1250 جنية وان كان فى مصر ارخص فانا مستعد انزل
الاخ الغالى abokefo لك تحية ياغالى على هذا الشرح ولكن انا من الاسكندرية وذى ما قتلك ان سعرة هنا 1250 جنية ولكن زميلى السابق اخبرنى انة لا يتعدى ال 1000 جنية فهل هو انواع وفعلا انا سالت عن سات ليينك فهو الافضل كما قلت وشكرا يا غالى

[abokefo]

الاخ الغالي/ waheed
لك مني كل التقدير والاحترام
انا اسف علي اني ذكرت في كلامي اني سافرت الاسكندريه صد * رد لاني سمعت ان هناك في منطقة اسمها فكتوريا وأخدت يوم اجازة من شغلي وسافرت ورحت شارع فكتوريا ومشيت الشارع من اوله لاخره حتي ان هناك بائع في محل قال لي بالنص انت جاي من مصر تشتري من هنا احنا اصلا بننزل نشتري من مصر
والله لم اجد جهاز واحد يبل ريقي ويهون عليا المشوار ورجعت تاني القاهره
ورح اليوم علي الفاضي بمصاريفة والحمد لله
المهم الجهاز اللي عندك في الاسكندريه رقم موديله كام علشان اقوللك غالي ولا سعره كويس انت قولت عندكو ب 1250 وفي مصر 1000 ولم تقول اي موديل تقصد ارجو الايضاح حتي افيدك

[waheed]

المشاركة الأصلية كتبت بواسطة abokefo

الاخ الغالي/ waheed
لك مني كل التقدير والاحترام
انا اسف علي اني ذكرت في كلامي اني سافرت الاسكندريه صد * رد لاني سمعت ان هناك في منطقة اسمها فكتوريا وأخدت يوم اجازة من شغلي وسافرت ورحت شارع فكتوريا ومشيت الشارع من اوله لاخره حتي ان هناك بائع في محل قال لي بالنص انت جاي من مصر تشتري من هنا احنا اصلا بننزل نشتري من مصر
والله لم اجد جهاز واحد يبل ريقي ويهون عليا المشوار ورجعت تاني القاهره
ورح اليوم علي الفاضي بمصاريفة والحمد لله
المهم الجهاز اللي عندك في الاسكندريه رقم موديله كام علشان اقوللك غالي ولا سعره كويس انت قولت عندكو ب 1250 وفي مصر 1000 ولم تقول اي موديل تقصد ارجو الايضاح حتي افيدك

[SIZE="6"]ربنا يبارك فيك ويعطيك الصحة ياغالى ---اما شارع فيكتوريا فهو مشهور بالريسيفرات فقط وبة اكبر ثلاث منتجى جميع انواع الدش واشهرهم طبعا عبد العال يلية المهدى صاحب الاستار بورد ويلية ابو العزم صاحب الكامكس وصراحة هذا الشارع يعتبر مركز الاسكندرية للدش ورغم هذا لا يساوى شئ يذكر بما فى القاهرة -وصراحة انا زعلت عليك للسفر للاسكندرية وما ادراك ما السفر على العموم يا غالى واضح ان الزميل السابق ليس معة نفس الموديل الخاص بك فلماذا لم تذكر لى سعر جهازك وان شاء الله سانزل واسال عن سعر الجهاز لكن امامى يومان للنزول لهذا ارجو منك ان تكون على المتابعة ولك جزيل الشكر يا غالى [/SIZE]

[abokefo]

السلام عليكم
لك مني كل التقدير والاحترام
انا جهازي سات لينك 6908 ولاقيته في باب اللوق بالصدفة في احدي المحلات وسعره (1200جنيه) وطبعا لما تشوف سعره علي النت في مواقع البيع يبان ان المحل مش متابع الاسعار لان السعر ده رخيص عن سعره الاصلي وكان جديد تماما وانا اللي فتحت الكرتونة بإيدي
المهم ربنا يوفقك ولو عايز اي حاجة اقدر اساعدك فيها انا مش متأخر عنك

[waheed]

السلام لك ياغالى ولجميع افراد الاسرة انا اليوم نزلت وسالت عن الجهاز ولقيتة عندة موديل واحد وهو 6906 وكان بسعر 1250 جنية و عند دخولى على النت للفرق بينة وبين 6908 وجدت ان البرنامج الخاص بجهاز 6906 هو برنامج الاجهزة الصينية الرخيصة مثل ستار بورد555 والكامكس6500 اما البرنامج الخاص ب6908 فهو اقوى ومعة صفارة عند التقاط الاشارة وطبعا ح يكون اغلى من الاخر ومعنى انك اشتريتة ب 1200 وهو بالاسكندرية ب 1250 فالمسافة فى السعر مش كبير بالنسبة للسفر لذلك ادعو الزملاء اللى يعرف السعر غير موديل 6906 ياريت يخبرنا عنة والشكر للجميع وخاصة ابوكيفو