[Minaaadel]

استقبلت انهاردة قناة دهوك بعد عناء وتعب
وبفضل مجهودى الشخصى والخبراء فى المنتدئ لذلك اتقدم لهم بالشكر على تعبهم
طبق 180 اشارة 70% اية راي الخبراء ؟؟

[اشرف ابراهيم احمد]

مبروك الاستقبال يا غالى والاشارة ثابتة نفس الاشارة سواء كان طبق كبير اوصغير من خلال ملاحظتى الشخصية فى الضبط

[فهدشكري محمد]

الف مبروك يا غالي

[greatmousa]

مبروك الاستقبال بس يا راجل كدا تبوظ طبق 180 علشان تستقبل دهوك وانت ممكن تستقبلها بطبق 70 وباشاره فوق 50 %

[بيزوووووو]

الف مبروك يا غالى

ومشاهدة ممتعة ليك

[Minaaadel]

مهو انا عملت حركة كدا صياعة
الطبق دة اصلا كان متحرك والماتور باظ وكنت مثبتة على النايل سات
انهاردة عملت افتكاسة كدا شغلت الماتور ولما لاقطت القناة ثبت الطبق على القمر بتاع قناة دهوك
وانا كان عندى طبق تانى جبت lnb مزدوج وشغلتة علي النايل سات
للعلم انا عندى طبقين ورسيفرين والاتنين مجتاجهم
فثبت طبق علية دهوك لان الطبق التانى المتحرك التانى مش بيلتقطها
والطبق المتحرك اصبح علية lnb بمخرجين :D :D

[maradona6000]

بس انا دهوك عندي اشارتها 93%

[ayaayatalaa]

الاشاره بتختلف من ريسيفر للاخر ومن مكان للاخر

[bebo606]

المشاركة الأصلية كتبت بواسطة Minaaadel

مهو انا عملت حركة كدا صياعة
الطبق دة اصلا كان متحرك والماتور باظ وكنت مثبتة على النايل سات
انهاردة عملت افتكاسة كدا شغلت الماتور ولما لاقطت القناة ثبت الطبق على القمر بتاع قناة دهوك
وانا كان عندى طبق تانى جبت lnb مزدوج وشغلتة علي النايل سات
للعلم انا عندى طبقين ورسيفرين والاتنين مجتاجهم
فثبت طبق علية دهوك لان الطبق التانى المتحرك التانى مش بيلتقطها
والطبق المتحرك اصبح علية lnb بمخرجين :D :D

نفسي اعمل زي حضرتك كدا حركة صياعة مع افتكاسة ( نفسي اعرف معناها ايه ) المهم واظبط طبق متحرك 180 بريفكس من الغرب 30 غرب ومن الشرق 75 شرق

وطبعا عارف ان حضرتك هتفهمني غلط طالما فيها افتكاسة وتقول يا بخيل هات فني تركيب يظبطلك الطبق

واقول لحضرتك نسيت عدد الفنيين اللى اشتغلوا في الطبق لان عددهم كتير جدا واحرف واحد فيهم قال معاك من 15 غرب إلى 26 او بالكتير 30 شرق . !!!!!!!!!!!!!!!!!!!!!!!!!!!!!!

اوعى تزعل انا بضحك مع حضرتك واعتبر كل من في المنتدى الرائع جدا جدا مصرواي سات اخوة وأصدقاء وحبايب

تحياتي لحضرتك

[حسام مشعل]

مبروك اخى الفاضل للعلم عندى متحرك برضة
وعندى النايل سات ودهوك على نفس الطبق دون شراء اى شىء سوى عدسة اخرى للنايل سات وسلك خاص لكل قمر وللعلم ايضا كل ماتحرك الطبق تستقبل اقمار برضة

[محمدزينهمhd]

الف مبروووك يا باشا

[minabotros]

هي بتقطع عندكم ساعات في وسط الماتش و بترجع تاني و لا عندي بس الحوار دا علي كيوماكس h4

[Minaaadel]

اشكر حضراتكم على الردود الجميلة وبالتوفيق للجميع
وانشاء الله اللى مقدرش يستقبل القناة يحاول على قدر الامكان انوة يستقبلها علشان يريح دماغة بجد من تعب الشيرنج الغير مضمون

[™Mr.Hassan™]

مبروك الاستقبال يا غالي بس كان ممكن تستغل الطبق 180 بشكل افضل من كده
خصوصا ان قناه دهوك مش مضمونه في نقل المباريات علي عكس الاقمار التانيه

[Minaaadel]

طيب حضرتك ممكن تفيدنى وتقولى ازاى