[bikoo81]

عدلت القطعة ( سترونج حديد ) على 11 سم وعندى طبق برفيكس 180 وكنت مركب قبل التجربة قطعة اريون 0.35 بدون تعديل وجايبه معايا نتايج كويسه جايب بيها ترددات 12226 و11422 و11244 و 11362على قمر استرا 19 لكن لما عدلت الاسترونج الحديد وركبتها وكانت المفاجئة لقيت الاشارة صفر مع العلم انى جربت القطعه قبل التعديل وكانت شغاله زى اى قطعة عادية جايبه اشارة عمودى وافقى برجاء توضيح السبب من السادة المشرفين وشكرا .......

[copital]

ممكن تكون القطعه اتاثرت بالقطع ووقفت عن العمل

[bikoo81]

انا عندى شك فى ان الرايش بتاع الالمونيوم وهو بيطير يكون دخل فى الابرة وممكن تكون تأثرت من الدق لانى دقيت عليها من فوق عشان ادخل الحلقات حشر هل هذا هو السبب ام لا الله واعلم

[حماد]

كلا الأمرين سبب كبير فى تعطل القطعة.....

لكن هل قوة الاشارة صفر...ولا ايه بالضبط.....؟.

[bikoo81]

اولا البقاء لله استاذ حماد وربنا يجعلها اخر الاحزان ثانيا جودة الاشارة 100 % لكن القوة صفر هل العدسة كده سليمة والطبق محتاج ظبط لانى لما ركبتها ديل العدسة مرفوع لفوق قوووى بعكس الاريون لما بركبها بتبقى فى خط مستقيم والاريون بتجيب معايا شارات عاليه جدا

[romany merzik]

نفس الموضوع حصل معايا فى تعديل قطعتين اريون 0.35 db
ولم اعرف سبب قطع الاشارة بهما حتى الآن -_-

[bikoo81]

المشكلة انى عملت الخطوات بتاعت التعديل بالظبط على 11 سم على فيد بتاع عدسة سوبر فورس قديمة حلقات خماسية وكنت متوقع نتائج غير كده خالص

[عادل عامر]

القطع بتبقى حساسة عند القطع لذالك يجب وضع قطنة داخل العدسة اثناء القطع حتى لا تؤذى الابر
وكمان ممنوع الدق عليها او خبطها او تقع على الارض
دى اسباب تقضى على القطعة

[bikoo81]

شكرا على الرد استاذ عادل خلاص انا هحاول اجيب واحده تانيه وجرب مرة تانية ويكفينى شرف المحاولة

[hassanaboail]

معلومه رائعه كل يوم نتعلم من المنتدي العملاق مصراوي سات كل ما هو الجديد جزاكم الله خيرا

[shta123]

ممكن وانت بتقيس بالمفك من الداخل خبط الابره

[shta123]

انا شايف من الصور ان قطر الفيد اقل من ظور العدسه

[ibrakim]

يا اخي اخرج الفيد وركب lnb في أي طبق تاني مضبوط نايلسات مثلا وشوف الإشارة حتاجي وله لا ولف lnb سنة سنة من غير فيد

[الرائد22]

ممكن تفك مسامير القطعه وتنظفها بالهواء
اكيد وانت بتقطع الرايش بتاع الالمونيوم نزل داخل القطعه
ويسبب التماس للقطعه

[على محمد نور]

هو فيه حد يدق على العدسة ياراجل ياطيب