[mohmad1mohmad]

اولا بعتزر انى كتبت الموضوع فى القسم هنا

المشكله انا عندى شاشه سمارت 46 بوصه مودل f7500 كنت جايبها من بره مصر وحصل فيها مشكله وكنت عرضت المشكله فى القسم الصيانه http://www.masrawysat.com/vb/showthread.php?t=1510859
المهم كلمت سامسونج على الخط الساخن وفعلا بعتو مندوب من شركه آرمكس للشحن واخدو الشاشه وبعد يومين كلمتهم عشان اسأل عليها ردت عليا الموظفه انها هتصرف 8000 الاف جنيه فرفضت التصليح وقالوليى خلال 48ساعه هنبعتلك الشاشه ومن ساعتها والمعناه مستمره لا الشاشه رجعتلى كلمت شركه الشحن قالولى الشاشه اتسلمت فرع رايه مدينه نصر بعت واحد صاحبى شغال جنبيهم قالولو ضرورى يكون معاك ايصال تصليح عشان نقدر نشفهالك
اصبحت فى حيره اكلم سامسونج نفس الكلام هنكلم الصيانه 48 وهيكلموك ورايا رافضه التسليم وشركه الشحن الشحنه اتسلمت يا فندم
مش عارف اعمل ايه الصراحه غلبت واحتار دليلى يا ريت اليى سبق ليه اتعامل مع سامسونج او رايا يدلنى

[ز غلول اسكندرية]

عزائى لك اخى وقلبى معك
انا من اسكندرية
واتعاملت مع سامسونج كتير
الشاشة اللى عندك دى عندى لكن 40 بوصة
الفئة 7
وكان عندى الفئة 5 و 6
وعانيت معهم كتير
كشغل صيانة
استبدال
ترجيع
بس الحمد لله
ربنا وفقنى عليهم
نصحيتى لك يا اخى
انك متسبيهمش ادوشهم زن عليهم افضلهم
خد اجازة دور على حقك
كلام التليفون مجبش نتيجة
مع راية وسامسونج
اروح بنفسى لللمقرين اواجهم بكلام بعض
ازعق اشوف المدير فين
اعمل محضر فى القسم
مسبيهمش ده حقك
و ربنا معاك و يوفقك

[™Mr.Hassan™]

تابع مع الشركه يا غالي لحين حل المشكله
والافضل انك تسافر لفرع رايه ومعاك الايصال وتشوف ايه اللي حصل مع الشاشه بتاعتك

[mohmad1mohmad]

شكراً استاذ زغلول وشكراً لأستاذ تامر لردكم ده اكيد اليى هيحصل ان شاء الله من الاسبوع الجاى هرحلهم وهشوف اخرتهم ايه
بس مساعده من حضرتكم فرع رايه الرئيسى انا عارفو لو تكرتم عايز اعرف الفرع الرئيسى لسامسونج فين فى القاهره

[بيزوووووو]

قدر الله وما شاء فعل

ومتزعلش يا غالى ان شاء الله خير

وزى ما قالوا الاخوة تابع مع الشركة

ومش تسيب حقك وان شاء الله توصل لحل يريحك

اما بالنسبة لسؤالك

لفرع الرئيسى لسامسونج فين فى القاهره

فى فروع كتيرة فى القاهرة زى مدينة نصر

والمهندسين ومصر الجديدة والجيزة

شوف الموقع دة ممكن يفيدك

من هنا

وابقى طمناوقولنا عملت اية

بالتوفيق

[m_elshitaney]

ربنا معاك

[م /احمد فرج]

اذهب الي خدمه حق المستهلك ودي تابعه لرقابه علي الشركات والخدمات والجوده ودي موجودع في المهندسين شارع احمد عرابي والله الموافق

[mohmad1mohmad]

شكراً لكم جميعاً على ردودكم ومساعتكم وكأنى مصراوي وشه حلو عليا انا كتبت الموضوع فى الليل وتانى يوم الصبح لقيت مندوب آرمكس بيكلمنى وقالى احنا جيبلك الشاشه وفى الطريق انتظرنا استلمت الشاشه وفتحتها وطبعاً زى ما رحت زى ما جات غير ان الكرتونه بعد ما كانت جديده اتبدهلت
الغريب بقا فى خدمه العملاء وكأنهم فى كوكب تانى يعنى قبليها بيوم كلمتهم كلهم وطبعاً زى كل مره 48ساعه وهنكلمك
اليى مستغربه هى الشاشه نفسها انها تكون بالموصفات ديى كلها وبالسعر العالى ده انها مجرد اشتغلت35 يوم يظهر فيها عيب كبير بالشكل ده وخصوصاً ان سامسونج ليها حوالى سنتين تعتبر رقم واحد على العالم فى الشاشات