[الجزار6177]

الاخوة الخبراء بالقسم انا جالى جهاز ترومان190x كارتة الباور تالفة خالص والتراكات بتاعتها بايظة فقررت اغير كارتة الباور باخرى جديدة بس الفولتيات فيها فولت غريب فيها فولت مكتوب علية -12 وانا موش لاقى كارتة فيها فولت -12 دة مع العلم ان فولت ال12 موجود برضوا فى الكارتة ممكن حد يساعدنى فى حل المشكلة دى لو سمحتم

[م/السيد الغرباوى]

جرب بدونه يا غالى وشوف النتيجه

[الجزار6177]

تمام هجرب وارد على حضرتك

[الجزار6177]

انا جربت بدون الفولت دة والجهاز اشتغل كويس بس يا ترى الفولت دة عدم وجودة هيعمل حاجة ولا لا وانا بصراحة اول مرة اشوف الفولت دة فى كارتة باور

[م/السيد الغرباوى]

جرب تردد 11137 لو اشتغل معاك قفل الجهاز

[الجزار6177]

تمام يا باشا

[م/السيد الغرباوى]

مبروك

[مهندس محمودعبدالحميد]

خط -12 مسؤل عنالتحديث عن طريق الكمبيوتر

[الجزار6177]

طيب لو الفولت دة بتاع التحديث من الكمبيوتر فعلا استخدم اى فولت بديل لة لان الفولت دة موش موجود فى كارتات الباور الجديدة وللاسف الزبون اخدالجهاز ومشى لو اعرف كنت جربت احمل للجهاز ملف قنوات اصل الزبون مكنش عاوز الترتيب اللى هو عاملة يتغير

[مهندس محمودعبدالحميد]

بص يا غالى دايما فيه دواير بتشتغل من غير الخط دا والجهاز بيحدث عن طريق الكمبيوتر عادى وفى بعض الاحيان لا يقوم بالتحديث الا بوصول هذه الخط ولو حبيت تعرف اذاى تعوض عن هذا الخط فعليك بالبحث فى المنتدى وسوف تعثر على مواضيع تفيد بكيفيه تعديل هذه الخط

[عيون القمر]

المشاركة الأصلية كتبت بواسطة مهندس محمودعبدالحميد

خط -12 مسؤل عنالتحديث عن طريق الكمبيوتر

استاذ قديم ومخضرم

تحياتى

[الجزار6177]

الف الف شكر على المعلومات القيمة وشكرا لكل من حاول المساعدة

[محمدالنوبي]

المشاركة الأصلية كتبت بواسطة مهندس محمودعبدالحميد

بص يا غالى دايما فيه دواير بتشتغل من غير الخط دا والجهاز بيحدث عن طريق الكمبيوتر عادى وفى بعض الاحيان لا يقوم بالتحديث الا بوصول هذه الخط ولو حبيت تعرف اذاى تعوض عن هذا الخط فعليك بالبحث فى المنتدى وسوف تعثر على مواضيع تفيد بكيفيه تعديل هذه الخط

الله ينور عليك اخي الحبيب محمود انت استاذ قديم

تحياتى وحشنيه كتيرررررررررر

وصحب الجهاز الف مبروك