"تي إي داتا" تلغي السرعات غير المحدودة

roney80 · #1 2014/12/01, 04:30 PM

في خطوة مفاجئة اليوم الاثنين ، قامت شركة تي إي داتا TE Data المملوكة للشركة المصرية للاتصالات بإلغاء السرعات غير المحدودة لخدمة الإنترنت ADSL، ما عدا سرعتي 1 ميجا بت و2 ميجا بايت (واللتان يطبق عليهما سياسة الاستخدام العادل في أي الأحوال).

قامت الشركة بطرح أسعار جديدة لهاتين السرعتين، وزودت من سعات باقات نظام طلقة.
والأسعار الجديدة للسرعات غير المحدودة هى:
1 ميجا بت: 125 جم/شهر
2 ميجا بت: 200 جم/شهر
والأسعار الجديدة للسرعات فى باقات "طلقة" هى:

سعة 4 جيجا بايت: 50 جم/شهر

سعة 10 جيجا بايت: 75 جم/شهر

سعة 25 جيجا بايت: 100 جم/شهر

سعة 50 جيجا بايت: 150 جم/شهر

سعة 100 جيجا بايت: 250 جم/شهر

سعة 160 جيجا بايت: 350 جم/شهر

وسرعة الخطوط بنظام طلقة يصل إلى 8 ميجا بت، ولكن هذا على حسب جودة الخط الأرضي. http://www.tedata.net/eg/ar/Home-ADS...SL-Prices-List

خالد99 · #2 2014/12/01, 05:52 PM

شكرا

ABOZIAD@AHMAD · #3 2014/12/01, 06:04 PM

تمام اخى الكريم كلام سليم

المهم مش الاسعار حاليا المهم يحسنوا جودة الخدمة اللى زى الزفت

roney80 · #4 2014/12/01, 06:57 PM

هما عاملين كل ده عشان اصحاب شبكات النت اللى معظمهم بيشترك فى سرعات 4 ميجا و8 ميجا يعنى عشان يخربوا بيوتهم مش مكفيهم النهب اللى بينهبوه بيتشطروا على الغلابة

halme_88 · #5 2014/12/01, 07:27 PM

يعنى ايه الغاء السرعات الغير محدوده مش فاهم حد يشرح لى من فضلكم

roney80 · #6 2014/12/01, 09:32 PM

السرعات غير المحدودة يعنى التحميل مفتوح بدون عدد معين من الميجابايت يعنى تقدر تحمل براحتك اما المحدودة فهى انك تشترك مثلا بمبلغ معين وليك فى الشهر ا جيجا بايت على سبيل المثال والجيجا عبارة عن 1000 ميجا وطول ما انتا على النت العداد بيحسب حتى لو تصفح بتسحب من الرصيد بتاعك ولو انتهى رصيدك بتنزل سرعة النت عندك ومتفتحش حتى صفحة النت لحد الشهر ما ينتهى ويبداء شهر جديد تكون دفعت فيه . تخيل لو بتنزل فيلم مثلا او حلقة من على النت بمقدار 400 ميجا او 500 ميجا هيتبقى ايه تدخل بيه النت بطول الشهر

علاء النادى · #7 2014/12/01, 09:39 PM

يعنى انا عندى 512 لو دونت كتير الشهردة تقف الخدمه حد يفهمنى

ابو حسناء · #8 2014/12/01, 09:55 PM

اعتقد ان المشتركين القدامى لن ينطبق عليهم الالغاء

roney80 · #9 2014/12/02, 06:05 PM

الشركة لغت سرعات 512 و4 و8 ميجا يعنى اى مشترك جديد مافيش عنده اختيار الا خطوط 1 و2 ميجا وطبعا المشتركين االقدامى لا ينطبق عليهم هذا الالغاء لكن من الواضح انهم هييغلوها فى المستقبل يعنى خطوة خطوة

ايمن مغازى · #10 2014/12/11, 03:20 PM

فيه أماكن بعيدة عن السنترال واللخط مش بيشيل نت
ألا سرعة 512
يعمل أيه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
"الجبلاية" تلغى مهلة "ملعب القمة".. بسبب الـ"طز"	نور المصطفى	كرة القدم المصرية	3	2016/02/07 07:45 PM
بشرة خير جديدة"ادخل وشوف"الدال على الخير كفاعله""""""""خير الناس عند الله انفعهم للناس	محمد فتحى الطباخ	مصراوى سات كافيه	3	2015/01/21 07:14 AM
حد يفهمنى يعنى اية...تي إي داتا تلغي السرعات غير المحدودة ما عدا 1 و2 ميجابت	ashraf1046	المنتدى الفضائى العام	23	2014/12/02 10:03 AM
""""""""حصريا كأس امم افريقيا 2015 تعليق عربى مجانا""""""""	السيد عبدالله 18	القنوات الرياضية و القنوات الناقلة للمباريات	15	2014/09/12 08:52 PM
تلغي ترخيص قناة "الجزيرة مباشر مصر" نهائيا "مفوضي الدولة"	حسام مشعل	المنتدى الفضائى العام	9	2014/01/10 06:35 PM