[kim000]

السلام عليكم

اشتريت جهاز ترومان 900 hd بعد طول بحث وعناء عشان اشترك فى ******* nasscamd
المهم اشتريته من التوكيل ب 1100 ج (26-7-2010)
السوفت اللى نازل معاه ps 1.2.58 بتاريخ 30-6-2010

ملاحظ فيه مشكله صغيرة فيه ومش عارف اذا كان دة عيب فى الجهاز ولا هو كدة عادى
لما بكون فاتح القائمه اللى فيها القنوات و بكون بقلب صفحة صفحة (من غير ما اغير القناه)
او
لما بكون بقلب فى المنيو الرئيسية
بس بشرط انى اكون بقلب كذا مرة

الاقى الجهاز فى مرة من المرات اللى بقلب فيها ميستجبش معايا
ولما ادوس تانى يستجيب مرتين (مرة اللى مستجبش فيها ومرة للضغطة التانية)
واحيانا يستجيب مرة واحدة (بس دة اقل)

مش عارف هل دة عيب متعارف عليه فى الجهاز ولا دى حاله خاصة
(مع العلم انى كلمت صيانه ترومان وقالولى دة طبيعى) وانا طبعا مش مقتنع

المشكله ان الموضوع دة ملوش سيناريو و مش دايما بيحصل


حاجة اخيرة
هو الجهاز دة بطىء فى فتحه؟
يعنى بياخد تقريبا 40 ثانيه عقبال ما يفتح و يشغل اى قناة
وفى قفله بياخد تقريبا 5 ثوانى


ارجو الافادة عشان لو عيب الحق ارجعه

شاكر جزيلا

[حسين الامير]

اخي الكريم دي مشكلتك مع التوكيل وبعدين تورمان العادي بياخد 10ثانيه لما بيفتح ما بالك ب hd وبعدين لو انتى مش مرتاح للجهاز رجعه

[مدحت المعاون]

المشاركة الأصلية كتبت بواسطة kim000

السلام عليكم

اشتريت جهاز ترومان 900 hd بعد طول بحث وعناء عشان اشترك فى ******* nasscamd
المهم اشتريته من التوكيل ب 1100 ج (26-7-2010)
السوفت اللى نازل معاه ps 1.2.58 بتاريخ 30-6-2010

ملاحظ فيه مشكله صغيرة فيه ومش عارف اذا كان دة عيب فى الجهاز ولا هو كدة عادى
لما بكون فاتح القائمه اللى فيها القنوات و بكون بقلب صفحة صفحة (من غير ما اغير القناه)
او
لما بكون بقلب فى المنيو الرئيسية
بس بشرط انى اكون بقلب كذا مرة

الاقى الجهاز فى مرة من المرات اللى بقلب فيها ميستجبش معايا
ولما ادوس تانى يستجيب مرتين (مرة اللى مستجبش فيها ومرة للضغطة التانية)
واحيانا يستجيب مرة واحدة (بس دة اقل)

مش عارف هل دة عيب متعارف عليه فى الجهاز ولا دى حاله خاصة
(مع العلم انى كلمت صيانه ترومان وقالولى دة طبيعى) وانا طبعا مش مقتنع

المشكله ان الموضوع دة ملوش سيناريو و مش دايما بيحصل


حاجة اخيرة
هو الجهاز دة بطىء فى فتحه؟
يعنى بياخد تقريبا 40 ثانيه عقبال ما يفتح و يشغل اى قناة
وفى قفله بياخد تقريبا 5 ثوانى


ارجو الافادة عشان لو عيب الحق ارجعه

شاكر جزيلا

أهلا وسهلا بك أخى كيمو
انتظر دخول المشرفين الكرام حتى يفيدوك ماذا تفعل
تحياتى لك وللمشرفين الأعزاء

[kim000]

ونسيت اقول حاجة
اول ما بدوس باور من الريموت الجهاز مش بينور على طول
بيستنى 5 ثوانى و يبدا يعمل booting وبيكتبها على الشاشة
وكل مرة بيدخل لازم يجيب خلفيه ترومان
هى مش دى المفروض بس لما افصل عنه الكهربا و ارجعها تانى؟

شكرااا

[SALAH SALEM]

ده طبيعي اخي الحبيب
انا عندي ترومان 1515 نفس الحكاية
ده برامج تشغيلية اخي لعملية بدأ التشغيل مثل الويندوز بالظبط
وحتة التاخير وينفذ الاوامر ده برده طبيعي المفروض تنتظر لتنفيذ الجهاز الامر المطلوب له
اتمنى ان اكون قدرت اوصلك المعلومة

[kim000]

المشاركة الأصلية كتبت بواسطة صلاح سالم

ده طبيعي اخي الحبيب
انا عندي ترومان 1515 نفس الحكاية
ده برامج تشغيلية اخي لعملية بدأ التشغيل مثل الويندوز بالظبط
وحتة التاخير وينفذ الاوامر ده برده طبيعي المفروض تنتظر لتنفيذ الجهاز الامر المطلوب له
اتمنى ان اكون قدرت اوصلك المعلومة

تمام
لكن سؤالى هو حتى انا لو مطفتش الباور بتاع الجهاز (يعنى لما اطفيه من الريموت) يعمل بوت من اول و جديد؟؟
وموضوع التقليب دة و لما يستجيب ينفذ الامرين دة بيحصل عند حضرتك بردة؟

معلش متقل عليك

[SALAH SALEM]

ما انا قولت لحضرتك ده اسمه تهنيج بيحصل عادي للاجهزة ذو الامكانيات العالية
عليك بالتمهل وانتظار تنفيذ الامر الاول وليس اعطائه اوامر متكررة
بدون تنفيذ الامر السابق
اما لو الجهاز بيعمل بوت وهو شغال ده تبقى مشكلة تانية راجع فيها التوكيل

[م/سامح الجبالى]

بعد ازن الاستاذ صلاح
حبيبى ده الطبيعى بلنسبه للجهاز الجهاز لو في مشكله مش هيقلب خالص
اما بلنسه لفتح الباور فده طبيعى جدا لان الجهاز امكانيته عاليه
وبياخد وقت على مايفتح
ولو فى اى ملاحظات او مشاكل قم بزيرتنا فى مركز الخدمه
1 شارع الامير قدادار باب اللوق

[kim000]

المشاركة الأصلية كتبت بواسطة م/سامح الجبالى

بعد ازن الاستاذ صلاح
حبيبى ده الطبيعى بلنسبه للجهاز الجهاز لو في مشكله مش هيقلب خالص
اما بلنسه لفتح الباور فده طبيعى جدا لان الجهاز امكانيته عاليه
وبياخد وقت على مايفتح
ولو فى اى ملاحظات او مشاكل قم بزيرتنا فى مركز الخدمه
1 شارع الامير قدادار باب اللوق

معلش سؤالين كمان
1- ساعات ببقى فاتح القائمة بتاعة القنوات و اختار قناة
بيقل القيمة و يفتح القناة (دة العادى)
لكن احيانا كتيرة بعد ما يقفل القائمة و يفتح القناة الاقيه رجع للقايمة تانى لوحدة

2- خلاص اوك الجهاز بيطول عشان يبوت زى الويندوز
لكن مش المفروض فى شاشة الريسيفر بيبقى فى لمبه + الكلام اللى بيبقى مكتوب على الشاشة

لما بدوس باور من الريموت مبيحصلش اى استجابة من الريسيفر لمدة 5 ثوانى تقريبا لدرجة انى بحس انى مدستش على زرار الباور او انه ملقطش امر التشغيل
بس لما بستنى شوية (اكتر من 5 ثوانى) بلاقيه نور و كتب booting

هل دة الطبيعى بتاعه؟

[kim000]

على فكرة موضوع التهنيج مع القلب او مع اللعب فى الريموت دة عيب
ورحت رجعت الجهاز وجبت غيره و العيب دة مظهرش ولا مرة تانى

شاكر ليكم

[عبده غريب]

اخى kim000 انا عندى ترومان909 hd وهونفس امكانيات ترومان 900 ولاتحدث هذه المشاكل معه بالرغم من ان الترومان 900 كان يقال عنه انه افضل من ترومان 909 ومن الممكن ان تكون هذه الدفعة الاخيرة للترومان 900 يوجد بها مشاكل واحتلاف فى الهارد وير لذلك نرجو من عمالقة الترومان استكشاف هذه الدفعة الاخيرة للترومان 900 وبيان عيوبها لنا

[ashraf64]

الاخ kimoooانا عندى ترومان900hdوكل اللى انت بتقوله ده موجود عندى كما لو انك مقيم معى وده طبيعى جدا خاصة انى متعود على الاجهزه العاليه حيث اننى امتلك توب فيلد 4000pvrوبرضه يتاخر فى الفتح وبعد الفتح يتاخر فى الاستجابه للريموت وعلى فكره الترومان اللى عندى من الدفعه السابقه مترجعش الجهاز وده طبيعى جدا

[kim000]

شكرا للجميع على المساعدة والردود
منتدى رائع بصراحة

[tikosh]

انا عندي ريسيفر ترومان tm900hd واقف علي الساعه وم بيفتح باور ولا بيجيب صورة وم عارف اعمل ايه