[jetlin]

بسم الله الرحمن الرحيم


أخواني الكرام تحياتي للجميع

برجاء الآفاده أريد سلك للموتور عندي حيث السلك لدي تقطع من حوالي شهر
علمآ بأنني مركبه من 2002

فبرجاء سلك للموتور يعيش فتره ايضا وياريت ميكونش سلك نت
لآنه بتحمص من الحراره علما بأنني من سكان القاهره وقريب جدا من باب اللوق

والمطلوب بعد اذنكم نوع سلك جيد جدا (( يكون متاح بالسوق المصري ))
وسعر اللفه يكون أفضل من المتر ولا مش هتفرق واللفه بتكون كام متر.
برجاء ذكر النوع والصناعه (( يعني اسباني أو ايطالي أو أو ))
واللون ومكان مضمون للشراء منه حتي لو السعر زياده بس المهم يكون اصلي وآيه المكتوب عليه علشان اتأكد منه ..

أولآ وأخيرا شكرآ جزيلآ لكم

[عبده فودة]

سلك النت اذا كان نوعية ممتازة بتحمل الحرارة

اما النوعية الاقل جوده فعلا بتحمص ولا تتحمل

[jetlin]

شكرا لك أخي الكريم
ولكنني لا أريد سلك نت وموضح هذا بالمشاركه

[احمدالبشتامى]

سلك نت افضل حاجه

[عبده فودة]

اعرف ناس كتير شغاله بسلك النت

ويعمل بكل كفاءة

[jetlin]

أخواني الكرام
شكرا لك للرد مره ثانيه
ولكن برجاء قرآة ما كتبت بمشاركتي وبعدين الرد
بمعني

أنه وعلي فرض بان سلك النت هو الافضل
فحضراتكم لم تحددوا باقي المواصفات

المشاركة الأصلية كتبت بواسطة jetlin

بسم الله الرحمن الرحيم


أخواني الكرام تحياتي للجميع

برجاء الآفاده أريد سلك للموتور عندي حيث السلك لدي تقطع من حوالي شهر
علمآ بأنني مركبه من 2002

فبرجاء سلك للموتور يعيش فتره ايضا وياريت ميكونش سلك نت
لآنه بتحمص من الحراره علما بأنني من سكان القاهره وقريب جدا من باب اللوق

والمطلوب بعد اذنكم نوع سلك جيد جدا (( يكون متاح بالسوق المصري ))
وسعر اللفه يكون أفضل من المتر ولا مش هتفرق واللفه بتكون كام متر.
برجاء ذكر النوع والصناعه (( يعني اسباني أو ايطالي أو أو ))
واللون ومكان مضمون للشراء منه حتي لو السعر زياده بس المهم يكون اصلي وآيه المكتوب عليه علشان اتأكد منه ..

أولآ وأخيرا شكرآ جزيلآ لكم

[jetlin]

لا حولا ولا قوة الا بالله

يعني ردو رد غير ما أنا سأل
وكمان لم يعطوا مساحه للمتخصصين للرد الوافي
وبالتالي حرموني من الرد علي سؤالي

ولذلك يا أخواني من فضلكم
أذا لم تستطيع الرد بوضوح وخبره
فأفضل ان تترك الموضوع بلا رد
وآسف أنني سألت أصلآ

[عادل عامر]

يا غالى الناس بتحاول تساعد
اما عن السلك فية سلك كهرباء 5 طرف مستورد ايطالى المتر ب6 جنية فى محلات الكهرباء عندى مشغلة وقوى جدا تركبة وتنساة استخدم اربع اطراف وافصل الخامس او ممكن تشغلة على طرف وتجوزة للماتور

[jetlin]

المشاركة الأصلية كتبت بواسطة عادل عامر

يا غالى الناس بتحاول تساعد
اما عن السلك فية سلك كهرباء 5 طرف مستورد ايطالى المتر ب6 جنية فى محلات الكهرباء عندى مشغلة وقوى جدا تركبة وتنساة استخدم اربع اطراف وافصل الخامس او ممكن تشغلة على طرف وتجوزة للماتور

شكرا لك أخي الكريم علي الرد
ولكنني أعلم أنهم ارادو المساعده ولقد شكرتهم علي ذلك
ولكن أنا لم استفيد شيء كل ما أردته توضيح فقط أو متابعه ما بعد الرد
لآن هناك استفسارات أخري عديده لم يتم الرد عليها ؟؟؟!!!

وبكل الآحول شكرا لك وللجميع