[popahly]

السلام عليكم يا رجالة تركيبات الدش... وتحياتى ليكم جميعاً

من اسبوع تقريباً طبق بريفكس 180 متحرك كان مش جايب ولا قناة، حاولت معاه على قد فهمى منكم لحد معرفت اجيب النايل سات ولكن بدون بعض القنوات والترددات اهما تردد قناة CBC والنهار مش عاوز يجيب اشارة ابداً غيرت القطعة اللى راكبة بقطعة فوجى ونفس الموضوع..

قمنا بتغير مكان الطبق مع فك البولار ونقله وتم تظبيط المدار كاملاً وكل القنوات كانت شغالة بدون اى مشاكل,,,

بعدها بيوم بالظبط وبدون مقدمات نفس المشكلة ظهرت بفقدان اشارة القنوات اللى ذكرتها فى البداية قمت بتجربة رسيفر اخر وسليك اخر ونفس المشكلة قائمة... قمنا بمراجعة المدارة مرة اخرى وتظبيط الطبق من جديد ولكن دون جدوى ومفيش اشارة نهائى على القنوات المذكورة... نفسى افهم ايه السبب اللى خلاه يعمل كدا ومش عاوز يظبط مرة تانية...

شكراً

[waleed2010]

لازم تضبط المدار جيد من خلال ضبط العرب سات اولا ثم النايل سات واخيرا هسباسات
وتابع موضوع الاخ حماد لطرق ضبط المدار
http://www.masrawysat.com/vb/showthread.php?t=1431110

[popahly]

والله يا اخى انا عملت الخطوات دى وكان الطبق شغال كويس بس ليلة واحدة وحصل اللى حصل وحاولت معاه مرة تانى منفعش ابدا... انا حاسس انه معفرت

[mlord]

أخى العزيز/ عندى مثلك طبق 180 ومن حوالى اسبوع ضبطة بنفسى دون الحاجة الى فنى تركيب الزى يأتى يركبة لك وتجد عدم نزول كل الاقمار ..... والله العظيم ركبتة بنفسى وعندى 36 قمر من أول الهسباسات الى قمر 75 شرق وتعلمت تركيبة عن طريق مصراوى سات ........ واليك الطريقة ..
أولا- ضبط الطبق على قمر عرب سات 30شرق . التردد 10924 رأسى 17000 بأعلى إشارة بعد ذلك على نفس القمر ضبط التردد 10805 افقى 3885 بأعلى إشارة من خلال مسمار الميزان ....
ثانيآ- قمر عرب سات 26شرق التردد 11747 رأسى 27500 بأعلى إشارة
ثالثآ- نايل سات التردد 11747 رأسى 27500 وإن لم تجد اشارة على القمر قم بلف البولر سنة بسيطة ناحية اليمين وأنت خلف الطبق . الى أن تاتى الاشارة ... رابعآ- قم بربط مسماير البولر على خفيف ثم الزهاب الى قمر استرا 19شرق التردد 11856 راسى 27500 وتجيب اعلى اشارة .. ثم على نفس القمر تحاول التقاط التردد 12226 افقى 27500 ...
خامسآ- عمل تشيك على أقمار الغرب و الشرق ..
أخوك / محمد من محافظة السويس

[meedo aily]

اخى الكريم المشكله لاهى طبق ولا سلك ولا ريسفر المشكله من شبكات المحمول لان على النايل
التردد 11488 من يوم ماغير معدل الترميز من 3/4 الى 5/6 وهذا التردد يعانى منه الكثير لست وحدك حافظ على الطبق

[حماد]

يا غالى انت قلت ان المدار يعمل عندك وفجاة حصل مشكلة .. حاول تجرب اولا قطعة تانية .... وتاكد ان القطعة فى مكانها السليم والصحيحي...

[popahly]

أشكركم جميعاً وسأقوم بالمحاولة مرة اخرى

[عادل عامر]

كما قال الاخ ميدو ممكن يكون من شبكات المحمول

[popahly]

بس يا أخ عادل الطبق كان شغال وانا كمان طبقى جنبه وشغال كويس

[popahly]

الحمد لله تم تظبيط الطبق مرة أخرى بنجاح...

شكراً لكم جميعاً