[mohamed 1010]

بسم الله الرحمن الرحيم

السلام عليكم ورحمه الله وبركاته
انا عندي القطعه الي في الصوره دي


















وعندي طبق 180 برفكس مداره الحمد لله مضبوط كويس ...وعليه قطعه فوجي ...
القطعه اللي معايا دي بتشتغل سي باند وكيو باند ...
ونصحني احد الاعضاء هنا اني اركب القطعه السي باند علي مسطره ...
بس القطعه كبيره وتقيله ...

المهم ركبتها ناحيه اليمين وانت امام الطبق واستقبلت بيها القمر 64 شرق سي باند ...
وكانت اشارته 70 علي رسيفر
samsat ca310 e ونزلت علي قمر عرب سات استقبلت منه تردد الباقه السعوديه وتردد الجزيره فقط ...
ومعرفتش استقبل الباقه الايرانيه ومش عارف استقبل اي حاجه تاني ..

ولا اي قمر وحاولت مع قمر يوتيلسات 5 غرب بس للاسف ملقطش معايا خالص ...

فهل ممكن تكون القطعه مش مضبوطه كويس ولا ايه ؟ ....
ياريت حضراتكم تقولولي اعمل ايه خصوصا اني مش عارف مكان الاقمار فين ؟
يعني المفروض يكون اليوتيلسات فين وانا واقف علي ايه كيوباند


عايز استقبل قمر 5 غرب والباقه الايراينه والاقمار التانيه فحضراتكم تنصحوني بأيه ؟ ..

[mohamed 1010]

يا جماعه مفيش حد عايز يساعدني ؟

[مصطفي يحيي عيد]

دي قطعه احاديه مش ها تلقط كويس

[mohamed 1010]

ازاي يا باشا احاديه ... وبعدين تقريبا ممكن نغير في الاستقطاب بتاعها من العلامه الصفراء الي في اخر القطعه ..حضرتك شايفها ... ؟

بالفعل يا غالي زي ما توقعت جربت اغير في وضعيه العلامه الصفراء دي وقدرت استقبل الباقه الايرانيه علي عرب سات ... وقناه المغربيه علي 5 غرب ... والله طلعت
عيني جربت اكتر من 50 مره وفي الاخر لقط معايا الحمد لله ..

يبقي القطعه دي تستقبل كل حاجه ولا في ترددات مثلا مش هتستقبلها ؟

[مصطفي يحيي عيد]

انا قصدي ان القطعه المجناتك اللي فيه ابرتين بتلقط كويس الضعف تقريبا

[mohamed 1010]

للرفع والمتابعه

[mohamed 1010]

يا جماعه انا مركب القطعه دلوقتي علي يمين اليكوباند وانت امام الطبق وقدرت
القط 75 و64 و38 و20 شرق و5 غرب وباقي الاقمار مش عارف القطها ازي
بقي يعني كل اقمار الغرب معرفتش القطها بإستثناء قمر يوتيلسات 5 غرب
يعني باكون واقف علي قمر الثور وبيجيب معايا اشاره ...باقي اقمار الغرب
القطها ازاي ... ياريت اللي يعرف يقولي .. او اي معلومه ممكن تساعدني
يقولي عليها في الانتظار وشكرا لكم مقدما

[mohamed 1010]

للرفع .... يا جماعه اي مساعده ... !!

[mohamed 1010]

للرفع والمتابعه

[mohamed 1010]

يا جماعه طيب اي حد يرد عليا..... يعني ينفع كده اكلم نفسي :)
فين يا جماعه خبراء السي باند ... استقبل اقمااار الغرب ازااي ؟؟
اللي جرب يا جماعه ياريت يقولي اي معلومه لو كانت بالنسبالك قليله
ممكن تكون بالنسبه ليا كبيره جدااا ... في الانتظار وشكرا لكم مره اخري

[mohamed 1010]

فين مشرفين القسم ؟؟ ... يا جماعه حد يرد مش كده يعني :)
فين الاستاذ حماد والاستاذ عادل وابوا افنان والاستاذ طارق
ينفع كده يعني ؟؟

[م/احمدمبروك]

استاذ mohamed 1010 انت عاوز كل شيئ عن السى باند ارجع لمكتبة السى باند احد مواضيع الاستاذ عادل عامر المميزة وبعدين ياغالى انا وعدت الاستاذ عربى عمران بملف قنوات للسى باند من اول المدار لاخره ولو عاوز حضرتك مذكرة مكتوب فيها كل شيى عن السى باند من طريقة الاستقبال واقوى الترددات انا تحت امرك ياغالى وسلامى ليك وللاستاذ عربى ولكل اهل الفنت

[mohamed 1010]

يا باشا ربنا يخليك ... شكرا جدا جدا لاهتمامك .. والله مش عارف اقولك ايه ؟
كفايه بس انك رديت علي الموضوع ... علي الاقل الواحد حس انه في ناس مش
صحراء كده ... والله حاجه غريبه اول مره تحصل ومحدش يرد حتي بأي حاجه ..
بس نقول ايه يلا الحمد لله ...

انا اللي معقد الموضوع معايا ان القطعه زي ما انت شايف مش مساعده خالص مع
ان اشارتها عاليه علي الاقمار بس للاسف مشكلتها ان لازم اغير كل شويه في العلامه
الصفراء اللي فوق دي ما بين افقي وراسي .... وبتحصل حاجات غريبه مره يكون
التردد افقي واعمل العلامه افقي والتردد يجيب اشاره عادي ... ومره اخري تردد اخر
افقي برضه ميجبش اشاره اغير العلامه الصفراء اخليها رأسي يجيب اشاره بصراحه
جننتني ... ان شاء الله ربنا يكرم والاستاذ عربي يشوفلنا قطعه سي باند قريب .
وبعدين انا بقف علي الثور بيكون شغال معايا يوتيلسات 5 غرب ..باقي اقمار الغرب
بقي اماكنها فين ؟؟


ولو انا تخميني صح يبقي حضرتك زميل الاستاذ عربي في العمل صح ولا انا غلطان ؟
ولو طلع كده يبقي فرصه سعيده جدا جدا :) ... والبركه فيك بقي انت ومستر عربي
تشوفلنا القطعه السي باند دي قريب ... وشاكر جدا لاهتمامك مره تانيه

[sebaey_zg]

واضح من صورة القطعة أنها مثل الشبرال القديمة وهى مزدوجة
ولكن الشبرال بها سيرفو يفصل بين الاستقطابات الأفقى والرأسى
والدائرى الأيمن والأيسر وهذا السيرفو ينزل منه ثلاثة أسلاك يتم
توصيلهم بالرسيفر في مدخل أسمه SKEW وهو موجود في رسيفرات
الانالوج فقط وواضح أن الجزء الأصفر في القطعة يقوم بنفس المهمة
وهو تحديد الاستقطاب ومش عارف أنت بتغير الاستقطاب ازاى هل يدوى
أم عن طريق رسيفر وأعتقد إنك لن تحصل على نتائج جيدة مع هذه القطعة
الا إذا كان عندك رسيفر أنالوج وحتى لو كان عندك رسيفر انالوج لن تستطيع أستقبال ترددات السى التى تعمل بتقنية HD
وعموما سأعرض لك بعض الصور لبعض الأقمار ناحية الغرب وليس
لكل أقمار الغرب الموجودة عندى لعل وعسى أن تستقبل بعضها والقطعة
عندى موجودة على طبق 240 ECC ( مجازا هو 240 لكن قطره من غير
التنيات 218 ) وهى على يمين الكيو
وهذه هى الصور

قمر أكسبرس 11 غرب تردد واحد أستقبله وهذه اشارته







قمر Intelsat 901 وموقعه 18 غرب تردد واحد أستقبله وهذه إشارته







قمر NSS 7 وموقعه 20 غرب تردد واحد استقبله وهذه إشارته



والتردد قنواته كلها مشفرة ما عدا هذه القناة



قمر SES-4 وموقعه 22 غرب وأستقبل منه أربعة ترددات

4143 رأسى (دائرى أيمن) 1925
3826 رأسى (دائرى أيمن) 8950
4097 أفقى ( دائرى أيسر) 23500
4115 رأسى (دائرى أيمن )3680

وبعض هذه الترددات مشفر بالكامل وبعضها به قنوات مفتوحة













قمر Intelsat 905 وموقعه 24.5 غرب

أستقبل منه أربعة ترددات

3686 أفقى 21050 وهو تردد الباقة المصرية
3653 أفقى 3906
4070 أفقى 3798
4125 أفقى 5180

[mohamed 1010]

استاذ sebaey_zg شكرا جدااا ليك يا غالي علي تعبك ومداخلتك القيمه دي
انا بغير الاستقطاب يدوي يا غالي من العلامه الصفراء اللي في القطعه ..لان
العلامه الصفراء دي بتلف في جميع الاتجاهات .. فوق وتحت وشمال ويمين .
بمعني اني بخليها مره افقي .. ولما بحتاج اغير الاستقطاب بخليها رأسي برضه
من العلامه دي برضه ...

حضرتك لما بتستقبل مثلا 18 أو20 أو 22 أو 24 غرب بتبقي واقف
علي ايه قمر ايه كيوباند علشان ابقي عارف اماكنهم فين لان القطعه عندي
برضه زي عند حضرتك .... ناحيه اليمين وانت امام الطبق

حاجه تاني ... حضرتك بتقول مش هستقبل الترددات الاتش دي ...طيب هيا
الباقه الايرانيه ترددها مش اتش دي .... انا مستقبلها عادي واشارتها عاليه .

شكرا ليك اخي مره اخري .. جزاك الله خيراا