[mohamed sokar]

استفسار لو سمحتم

انا معرفش موضوع التعديل ممكن تقولولى على مكان بيبع القطع المعدله

او لو فيه قطعه جاهزه

طبقى 180 وجايب من تلى ستار لحد التركى بس استرا 19 جايب 210 قناه

عاوز اجيب الترددات السوبر ياريت تفيدونى ولكم جزيل الشكر

[mohamed sokar]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[المهندس/احمد جمال]

مدار مش مضبوط

[ayaayatalaa]

القطع المعدله بتعدلها بايدك يا غالىزى الاسترونج الحديد والبلاستيك والبرفكس وغيرهم

[mohamed sokar]

المشاركة الأصلية كتبت بواسطة 00ahmedgamal

مدار مش مضبوط

مش مظبوط ؟؟!!

على اساس ايه ده جايب 18 قمر ومش مظبوط !!!

[mohamed sokar]

المشاركة الأصلية كتبت بواسطة ayaayatalaa

القطع المعدله بتعدلها بايدك يا غالى زى الاسترونج الحديد والبلاستيك والبرفكس وغيرهم

طب لو سمحت مفيش حاجه جاهز تدى نفس النتيجه

[gerrard888]

كيوماكس ٥٠٠٧
القطعه الوحيدة تقريبا اللى فى السوق معدلى جاهزة
وبالتوفيق اخى

[ahmed mansor]

القطعة الكيومكس 5007 ممتازة عن تجربة

[mohamed sokar]

انا لاقيتها فى فكتوريا ب 95 جنيه

ياترى لو جبتها حتقوى اشاره استرا 19

ولو فيه نوع تانى فى السعوديه واحسن ياريت تفيدونى بيه

[gerrard888]

غالية جدا كده
انا اشتريتها ب٨٠ واضحك عليا فيها كمان
الاعضاء هنا اشتروها ب٥٠ و٥٥ وفيه ناس اغلى
بس مش لدرجة ٩٥ ده جشع تجار
حاول تفهمه انك فاهم فى القطع وفاصل معاه وقوله دى مكنش حد بيبصلها ايام مكانت الفوجى موجودة
وعندى اصدقائى فى القاهرة شارينها فى باب اللوق ب٥٠ جنيه وده حقيقى كام عضو لسه شارينها ب٥٠ وقالوا هنا

[mohamed sokar]

انا لفيت فكتوريا محل محل و للاسف واحد بس فى فكتوريا بيبيعها

طب لو فيه نوع تانى اقدر اجيبه من بره

وياريت توضحلى لو سمحت حتقوى استرا ولا لا

[gerrard888]

ان شاء الله حتقوى معاك الاشارة فى جميع الاقمار
بس على فكرة طبقك محتاج تظبيط شوية للمدار
والماتور عندك كام بوصة ٢٤ ولا ١٨
لو ٢٤ المفروض يجيب معاك من الهيسباسات ٣٠ غرب حتى انتلسات ٦٨.٥ شرق وممكن كمان ابعد لغاية ٧٥ شرق مستريح
بس ليا عندك استفسار ممكن اعرف حضرتك مصمم ترفع اشارة الاسترا بالذات ليه؟؟؟

[gerrard888]

وبخصوص الانواع اللى من بره
اكيد طبعا فيه هناك انفرتو بلاك برو وفيه ستار جولد فوجى
ممكن تلاقيهم فى دبى او فى السعودية

[mohamed sokar]

الف شكر على ردك
بالنسبه لهسباسات مش حينفع يجى بسبب العماره على يمينى والماتور 24 بوصه
والمدار انا محدد الليمت على التركى 42 ومش محتاج الباقى
استرا والاوربى افضل قمرين فى الشرينج وكنت عاوز اعلى الاشاره لانى شوفت موضوع الترددات السوبر وكان نفسى اجيبها

وممن اعرف سعر انفرتو بلاك برو وفيه ستار جولد فوجى

[gerrard888]

المشاركة الأصلية كتبت بواسطة mohamed sokar

الف شكر على ردك
بالنسبه لهسباسات مش حينفع يجى بسبب العماره على يمينى والماتور 24 بوصه
والمدار انا محدد الليمت على التركى 42 ومش محتاج الباقى
استرا والاوربى افضل قمرين فى الشرينج وكنت عاوز اعلى الاشاره لانى شوفت موضوع الترددات السوبر وكان نفسى اجيبها

طب نصيحه من اخ حاول تفتح الليميتد لغاية ٦٨.٥ شرق
انت سايب احسن الاقمار وهى الاقمار الشرقية
وهى الاذرى وقمر ٤٧.٥ اللى عليه قناة ستان سبورت وقمر اكسبريس ٥٣ وقمر الهولندى بتاع دهوك ٥٧ وقمر الايرانى ٦٢
وعندك كمان الهيلاسات ٣٩ شرق المفروض يكون عندك لانه قبل الترك سات علشان قناة ديما ونوفا سبورت
بجد اقمار مهمه جدا جدا
وعلى فكرة الهيسبا احسن قمر فى الشيرينج وثبات الشيرينج بس بتقول مش حينفع يجى عندك علشان العمارة اللى قدامك
بس برضه نصيحه من اخ ممكن يكون القمر يجى والعمارة متكونش ماثرة ولا حاجة علشان القمر ده بالذات محتاج تظبيط جامد
فهل متاكد من موضوع الغمارة دى لو مش متاكد حاول تانى معاه
وبجد لو قصة فرجه لن تحتاج الاسترا فى شئ صحيح قمر جميل جدا فى الشيرينج ويعتبر بعد الهيسبا فى كمية المباريات وثبات الشيرينج لكن البدائل كثيرة جدا جدا
انا ليه بقولك كده لان القمر ده زى ما بيقولووا مجنون فعلا وحتضيع وقتك وفلوسك فى قطع كثيرة علشان تحيب الترددات السوبر
لكن لو الموضوع هوايه انك عايز تجيب الترددات السوبر على هذا القنر بالذات يبقى موضوع تانى
وبالتوفيق اخى الفاضل