[ميسي♠♠]

لوسمحت عندى مشكلة غريبة شوية على قناة النهار 2 فقط
القناة معمولة زوم بالطريقة دى :


وزى مانتم شايفين كده ان اللوجو نص مش بين ولا الكلام اللى تحت برضة والكلام ده على القناة دى فقط وباقى قنوات التردد شغل تمام زى القاهر والناس+2 ودبى اتش دى وكل قنوات التردد شغل تمام بحجمها الطبيعى
الموضع ده بيحصل معايا على رسيفر فورتك اتش دى 999 ولما بغير الرسفر واركب رسيفر صينى عادى على نفس السلك ونفس الطبق القناة بتظهر طبيعى وكويسة حولت اعرف ممكن يكون تردد الفديو و الاوديو متغير لقتها نفس التردد على الجهازين

ملحوظة:- لما بعمل تسجيل على القناة من الرسيفر اللى فى المشكلة فورتك اتش دى 999 واعرض اللى سجلة من القناة على الكمبيوتر بتظهر بصور طبيعى مش زوم ودى صور من اللى سجلته

حاجة غريبة الموضع على الرسيفر بس اية حل المشكلة دى يا جماعة

[russia199]

أخى الكريم
أسحب ملف القنوات من الرسيفر على فلاشة
ثم أعمل ضبط مصنع للجهاز
وبرمج تردد القناة ( النهار 2 )
بس على الرسيفر وشوف هل القناة عادت للعمل بشكل طبيعى ولا لأ

[ميسي♠♠]

المشاركة الأصلية كتبت بواسطة russia199

وبرمج تردد القناة ( النهار 2 )

الجزاء الاول تمام لكن اية معنى ابرمج التردد ده بتتعمل ازاى دى؟؟؟

[russia199]

يعنى يا غالى
تضغط على مينو من الريموت
ثم التركيب ثم على ترددات القمر ( النايل سات )
ودور على التردد 11430 عمودى 27500

[ميسي♠♠]

المشاركة الأصلية كتبت بواسطة russia199

يعنى يا غالى
تضغط على مينو من الريموت
ثم التركيب ثم على ترددات القمر ( النايل سات )
ودور على التردد 11430 عمودى 27500

ايوه ايوه فهمت خالص ..انت تقصد انا لما اعمل اعادة ضبط المصنع انزل التردد 11430 لوحدة الاول على الرسيفر واجرب قبل ما انزل ملف القنوات من تانى.. اوكى جارى التجربة

[م/علاء يحيي]

يقصد امسح القنوات الخاصه بالتردد او اعمل بحث منفصل لتردد هذه القناه

[russia199]

يا غالى المقصود من الكلام اللى أنا قولته
لو بعد حضرتك برمجت التردد وشوفت القناة تمام
اكيد هتبرمج الجهاز من الاول وجديد
علشان أكيد ملف القنوات اللى حضرتك فيه حاجة غلط
وهذا المقصود من برمجه التردد لوحده

[ميسي♠♠]

المشاركة الأصلية كتبت بواسطة russia199

يا غالى المقصود من الكلام اللى أنا قولته
لو بعد حضرتك برمجت التردد وشوفت القناة تمام
اكيد هتبرمج الجهاز من الاول وجديد
علشان أكيد ملف القنوات اللى حضرتك فيه حاجة غلط
وهذا المقصود من برمجه التردد لوحده

المشكلة انا لما بعمل اعادة ضبط المصنع بيرجع اخر نظام كان الجهاز عليا وبكده مابيمسح القنوات خالص موجود لكن بنظام قديم كانت عاملة من فترة وهو اللى بيرجع مع اعادة ضبط المصنع ونفس المشكلة فى القناة برضة مع التغير ده ..طب لو انت دلوقتى بتقول انه ممكن يكون فى مشكلة فى ملف القنوات طب تجبلى ملف قنوات انت وانا انزلة واشوف عليا المشكلة

[محمود احمد89]

ياغالى كان عندى مشكله شبيها بمشكلتك واتحلت بعد تغيير وضع الريسيفر الى وضع PAL

[ميسي♠♠]

المشاركة الأصلية كتبت بواسطة محمود احمد89

ياغالى كان عندى مشكله شبيها بمشكلتك واتحلت بعد تغيير وضع الريسيفر الى وضع PAL

طب وبيتعمل ازاى الوضع ده PAL