[alkholy]

انا جبت حوامل جديدة للطبق فشلته وجيت اركبه تانى علما بان العدسة كانت بتجيب اشارة 99 ممتازة دلوقتى بجرب لقيتها اخرها 40 عاوز طريقة اظبط بيها الطبق من تانى

[فني تركيبات]

بص ياغالى
الطريقه سهله جدا
عليك بضبط النايل سات على التردد
11747
v
27500
وهات اعلى اشاره للتردد ثم اذهب للعرب سات 26 شرق على نفس التردد مع اختلاف القطبيه الى افقى
واذا لم تجد اشاره حرك البولار سنه بسيطه ناحيه الغرب سوف تجد اشاره للتردد
وحاول تتحصل الى اعلى اشاره للتردد ان امكن
هنا تحصلت لاعلى اشاره لهذين القمرين اذهب للتركى 42 شرق وشوف نفس التردد لو وجدت اشاره ربط البولار وشيك على باقى الاقمار وضبطهم عن طريق تحريك القطعه فقط
لكى تستقبل اعلى اشاره يعنى ترفع القطعه وتنزل بها

[سامح agora]

ما هو البولار

[عبدومحمود]

شكرا على المجهود الرائع

[سامح agora]

ما هو البولار

[ehabasmaa]

بعد اذن استاذنا الكبير ابراهيم البولار هو الرقبه الحديد الموجود بها مسمار ضبط ارتفاع الطبق وباقى المسامير ايضا ويقصد هنا المسمارين اللذان يثبتوا الرقبه وما تحتويه من كل شى في الاستاند يعنى الحديده المثبته في الارض

[عادل عامر]

كلام سليم جدا من الغالى ابو افنان

واليك الشرح بالصور

تعالى على عرب سات وهوى مسامير البولار وامسك الطبق من الامام وعينك على الاشارة واضبط على الاشارة الضعيفة وحرك يمين سنة صغيرة وتابع الاشارة وسنة شمال وتابع الاشارة ولما تظبط الاشارة تعالى على قمر اكسبريس وشوف الاشارة ولو البولار عايز هزة بسيطة حركة وتابع الاشارة واظبطة وارجع لقمر استرا واظبط على اقل اشارة عندك ولو الاشارة بقت تمام اربط البولار وجرب بقية الاقمار لو احتاجت لضبط الميزان حاجة بسيطة وانت متابع الاشارة
اظبط العرب سات على التردد دة الاول وعلية على الاخر



وبعد كدة اظبط التردد دة على العرب سات وهو تردد ضعيف



وبعد كدة هتظبط الترددات دى على كل الاقمار






























وللدقة التامة بعد المدار ما يتظبط روح على الياة سات والاكسبريس 53 شرق واظبط البولار على التردد

اظبط طبقك المتحرك بطريقة سهلة جدا

هقولك تعمل اية
تعالى على قمر Express-AM22 53.0°E Ku
Yahsat-1A 52.5°E

واتاكد ان التردد 12073 v27500
اعلى من 80% طبعا بتختلف الاشارة من تيونر لاخر المهم تعلى الاشارة على قد ما تقدر
وبكدا يكون البولار مظبوط
والجنوب الجغرافى تمام واهم حاجة تربط البولار على الوضع دة وانت على اكسبريس
وبعد كدة روح على قمر استرا او عرب سات واظبط العالى والواطى من مسمار الميزان واذهب الى هسبيسات ولو ملقيتش الاشارة هتلاقى الطبق عايز ينزل من مسمار الميزان سنة بسيطة ويشتغل القمر

[حماد]

افضل الطرق لضبط المدار كاملا..

بعد اذن الجميع.....

[علاء عفيفي]

مجهود متميز تسلم يارب من كل شر

[alkholy]

بجد الف شكر على الرد والشرح الوافى ده وفعلا انتم بتثبتوا اننا فى اعظم منتدى بشخصياته المتميزة دى

[carlos halim]

طيب استاذ عادل انا عندى التردد ١١٧٤٧ موجود على كل الاقمار واشارته ثابته على ٧٨٪ والتردد ١٢٠٩٣ على القمر ياه سات ٥٢ شرق موجد اشارته ٧٦٪ بس هو جاى عندى افقى مش عمودى وعندى معظم الاقمار مثل الاسترا ١٩ عندى تردد بسيطه جدا واسترا ٢٨ مش عندى ولا تردد والقمر ٩ شرق معظم تردده مش بتيجى اعمل اة بالظبط علشان ارفع اشارات هذه الاقمار وانا عندى طبق برفكس ١٨٠سم وعدسه arf فيدها حوالى ٩سم وانا لسه شاريها من حوالى ٤ ايام وهركبها غدا مكان العدسه الترومان

[carlos halim]

انا ركبت انهارده العدسه على العمدان الجديده ٧٧سم وبوئره العدسه ٧٣سم وانا مظبط على التردد ١١٧٤٧ عامودى جايب اشاره ٧٩٪ على نايل سات وعربسات وتركسات وعلى ياه سات تردد ١٢٠٩٣ افقى مش جاى عندى راسى ٧٩٪ بس المشكله الان ان قمر ٣ شرق وقمر ٩ شرق وقمر ١٦ شرق وقمر ٢٣ شرق مش موجود منهم ولا تردد والاوروبى معظم تردده مش موجوده اعمل اة بالظبط علشان اظبط الترددات

[carlos halim]

اتمنى الرد لان انا مش عارف اعمل اة وانا ماليش خبرا فى طبط المدار ومش احل المسمار الى هون بالظبط علشان اقدر ارفع الطبق وانزله لتحت ودى صوره للطبق ارجو من الخبراء معرفه

[Mr.M!DO]

والله شرح ولا اروع

بارك الله فيكم

[Mr.M!DO]

المشاركة الأصلية كتبت بواسطة carlos halim

اتمنى الرد لان انا مش عارف اعمل اة وانا ماليش خبرا فى طبط المدار ومش احل المسمار الى هون بالظبط علشان اقدر ارفع الطبق وانزله لتحت ودى صوره للطبق ارجو من الخبراء معرفه

صور الطبق من الخلف اخي الكريم

علشان نقدر نفيدك