[hany_zinhum]

السلام عليكم يا شباب

النهاردة لفيت باب اللوق كله وحولين الجامعة الامريكية علي رسيفر دريم بوكس
ملقتش خالص غير واحد بس وعنده حته واحده مستعملة
وعاوز يبعهالي من غير اي ضمان وكمان غالية قوي ومعالهاش اي ***** .

فارجوا من الاخوة اللي اشتروا من حد معروف يوصفولي مكانه فين او يدوني رقم موبايل او اي حاجة ..
انا بجد لفيت كتير قوي لدرجة اني قولت خلاص بلاها من الدريم بوكس واشوف حاجة تاني طالما الموضوع صعب قوي كدا

ارجوا اللي يعرف يرد عليا وشكرا للجميع

[hany_zinhum]

معقولة يا رجالة ولا واحد يرد ..

طيب اللي عاوز يشتري يعمل ايه ؟؟

ومعقولة كل الناس اللي عندها الجهاز والمشرفين ومحدش عارف يقولي اشتري الجهاز منين ؟؟

طيب حتي حد يقولي علي الخاص بلاش علي العام عشان لو حد خايف من الدعاية ومخالفة قوانين المنتدي

[abomody]

موجود اخى الغالى
ابحث على النت
وانت تلاقى طلبك ان شاء الله
abomody

[hany_zinhum]

المشاركة الأصلية كتبت بواسطة abomody

موجود اخى الغالى
ابحث على النت
وانت تلاقى طلبك ان شاء الله
abomody

انا اسف يا اخي abomody
مش عارف اوصل لاي مكان بيبيعه
لو تتكرم وتبعتلي لينك او رقم تليفون لاي حد ابقي شاكر ليك

[abomody]

المشاركة الأصلية كتبت بواسطة hany_zinhum

انا اسف يا اخي abomody
مش عارف اوصل لاي مكان بيبيعه
لو تتكرم وتبعتلي لينك او رقم تليفون لاي حد ابقي شاكر ليك

للاسف اخى ممنوع وضع تليفونات او عناوين فى المنتدى هنا
ابحث فى جوجل وان شاء اللة هتلاقى طلبك
ابومودى دريم

[المر_بزيادة]

هذا رد أحد الإخوة على الأسعار

المشاركة الأصلية كتبت بواسطة المر_بزيادة

نحن نتكلم عن الأصلى و ليس المقلد أقل سعر للدريم 2800 جم لموديل DM800HDse V2/ Single Tuner
و يصل إلى 3750 جم لموديل DM820HD Single Tuner

أقل سعر للفيو 1100 جم لموديل VU+ Solo Single DVBS2 Tuner
و يصل إلى 4000 جم لموديل VU+ Duo2 Dual Tuner DVBS2
(هذة أسعار التوكيل فى الإمارات)
الدرهم = 2جم

[hany_zinhum]

شكرا اخي abomody واخي المر بزيادة
علي ردكم عليا

انا خلاص تعبت من كتر البحث ومش لاقي حد

بس في حد قالي علي جهاز تاني قوي اسمه

vu+ solo
Or
vu+solo se v2

انا دخلت بصيت عليهم علي النت بس مش لاقي حد من العرب بيتكلم عليهم كتير
فأنتوا شايفين ايه .. هل الجهاز فعلا قوي وهلاقيله سوفت وير هنا وبلاجنز وسوفت كام
ولا مش هيبقي ليه حاجة ؟؟
وشكرا علي تعبكم معايا

بس انا مستغرب جدا من المنتدي .. ازاي يبقي منتدي للدريم بوكس ومفيش فيه حد يقدر
يفدني علي مكان اشتري منه ..

حسيت كأننا بنتتكلم علي حاجات ممنوعة او مخدرات مثلا

كل واحد اكلمه يقولي لا والله معرفش مع انه بيبقي مالك للدريم لكن يقولك معرفش

عامة .. مش مشكلة انا اتمني انكم تردو عليا في رايكم في الجهازين دول
ولو حد تاني يعرف اي معلومة عنهم ياريت ميبخلش

وشكرا للجميع

[المر_بزيادة]

أخ هانى

هل رأيت الأسعار التى ذكرتها لك

أقل سعر من التوكيل فى حدود 1500جم و حتى 4500جم

و كذلك هذة الأجهزة للبعض تكون معقدة فى التعامل معها

لذلك نادراٌ ما ترى من يملكها من أعضاء المنتدى،

(متأسف) الأعضاء هنا فى المنتدى يبحثون عن الأجهزى الأرخص ( و الأسهل فى الإستعمال من وجهة نظرهم)
وكل واحد و ما يقدر علية

هذة الأجهزة قيمتها الفعلية اكبر بكثير من قيمتها المادية

فى النهاية النصيحة ان تقتنى الأصلى

و هنا قوانين المنتدى صارمة بعض الشيئ
و الأعضاء يخافون وقف أو فقد العضوية إذا خالفوا القوانين
و هذا طبيعى


و للجواب عن سؤالك
راجع رابط هذة المشاركة

http://www.masrawysat.com/vb/showpos...49&postcount=2

[hazzuma]

أفتكر،زمان كان له توكيل فى مصر الجديدة، تحياتى

[hany_zinhum]

شكرا اخي المر بزيادة علي مجهودك وتعبك معايا

النهاردة لفيت شوية في باب اللوق ولقيت حد عنده
DreamBox 500s
الصيني طبعا ..
وطبعا لاني نفسي يبقي عندي دريم بوكس اشتريته مع اني عارف انه مش قوي
لكن قولت اجربه وخاصة ان سعره كان بسيط لحد ما ربنا يكرم واجيب حاجة كويسة
لكن مقبلاني مشكلة معاه وهي ان قنوات بين اسبورت مش بتظهر في البحث
مع ان الشركة قايله ان الترددات بتعمل علي النايل سات
حاولت اجرب اكتر من صورة سوفت وير للاخوه الاعضاء هنا لكن مفيش ولا سوفت ظهر القنوات ولما بحط التردد يدوي مش بيجيب حاجة خالص

فممكن حضرتك او الاخوه الاعضاء يقولولي هو ايه حكاية بن اسبورت هي مش شغاله ولا ايه علي النايل سات او يقولي لو في حل ممكن اعمل ايه ؟؟؟

وشكرا

[hazzuma]

دا ريسيفر عادة ولا إتش دى؟والبين لا تعمل سوى على الجهاز الخاص بها، حتى إذا ظهرت معاك اشارة ليها،تحياتى

[المر_بزيادة]

هذا أول موديل للدريم بوكس
و تم إيقاف إنتاجة يجيى من 5 أو 6 سنيين

وهو للقنوات SD فقط سواء المشفرة أو المفتوحة

و قنوات البين اسبورت HD

[abomody]

اخى الغالى رايى الشخصى رجع الدريم دة لانة لا فائدة منة الان
لان هذا عصر الhd وهذا الجهاز sd
مع كل احترامى وتقديرى للدريم بوكس
ولكن هذا غير اللى حضرتك بتتكلم عنة خالص
انت عاوز دريم800 se hd يعنى دى حاجة ودة حاجة تانية خالص
وانا قولتلك ابحث فى جوجل بس انت مش واخد بالك

[ashrafdishnono]

موجود في باب اللوق
في سنتر البستان
موجود بكثرة

تقبل تحياتي
يا غالي

[hany_zinhum]

شكرا للكل الاخوة الاعضاء والمشرفين اللي حاولوا يساعدوني
انا دورت تاني في باب اللوق .. ولفيت كتير وبردو محدش بيبيعه لحد ما حد خدني
وداني لسنتر الفلكي عند حد
الحمد لله اخيرا لقيت بس لسة هتدخلوه بعد 20 يوم
موجود في ((( عمارة سنتر الفلكي - الدور الاول )))
الناس تدور في الدور ده كويس عشان محدش يحتار ويلف زي ما انا لفيت كدا
الناس هناك اكتر من حد شغال في الدريم بوكس بس بردو لسة هتدخلهم
هي تقريبا شحنة داخلة والكل هياخد منها .. لان الكل قالي علي موضوع الـ 20 يوم ده

الحمد لله اني اخير لقيت وشكرا لكل اللي ساعدني
واديني منتظر الـ 20 يوم
وشكرا للجميع