[سيد على توفيق]

اكثر من مرة اطلع للسطح واضبط المدار بطريقة التردد ولكن النتيجة كانت غير كافية وبتاخد وقت المهم اعرض طريقتى باختصار على طبق 180 دريم
اولا قمت بضبط عمود الطبق بميزان المياه وكان العمود مضبوط من الامام والخلف لكن من الجانبين كان فيه هزة بسيطة
2- ضبطت ووسطت lnbبليزر بالليل حتى وسطت القطعة وكانت فى المنتصف تماما لاننى صنعت للطبق زراعان للقطعة
3- لم استخدم ترددات ولكن جبت قناة المجد على النايل ورفعته الطبق حتى جاءت الاشارة ووصلت ل99؟% وذلك بعد رفع وخفض مسمار الميزان من الخلف
4-طبعا الاهم انك تنزل القنوات على الرسيفر وتضيف القناة الاقوى اشارة فى الاول لكل قمر وقناة تكون ضعيفة فى الاشارة لكل قمر
5-ذهبت ورفعت الطبق لاعلى حتى وصلت لقناة سكاى سبورت او قناة canal sport ووصلت الاشارة الى 80% وعلى فكرة ده اخرها فى الصعيد 6- ذهبت لقمر عرب سات 26 وشفت الاشارة على قناة وكانت الاشارة 90 تقريبا كانت قناة saudia وذهبت لاقمار الشرق وكنت مركز عليها جدا لانى رياضى وجبت قناة على التركى trtووصلت الاشارة ل95 ,`وتاكدت من تردد 11747 افقى على القمر ووجدت اشارة معقولة وذهبت ووجهت الطبق لقمر نيس 57 لاهم قناة وهى دهوك ووصلت الاشارة ل95
7- وذهبت لقمر53 وجبت قناة tamadon وكانت الاشارة 85
حتى يوتلسات 7 كانت الاشارة فوق95
دى طريقتى المتواضعة لان الترددات اتعبتنى كثيرا وكنت فى كل مرة ارفع مسمار الميزان وخاصة لقمر النايل والعرب والتركى وكنت عندما اجد اشارة كبيرة لاقمار الشرق ولا اجد اشارة معقولة لاقمار الغرب احرك البولر حركة بسيطة يمينا ويسارا حتى احصل على اعلى اشارة
وشكرا واسف على الاطالة

[احمد انور خضر]

تمام يا غالي .........
وايه اخبار اقمار الغرب
12 غرب و15 و22 و30 غرب ؟

[سيد على توفيق]

والله الاشارة معقولة معظم القنوات 80% بس انا حضرتك مركز على القنوات الرياضية يعنى امبارح شفت قناة espen كانت 60%

[سيد على توفيق]

بصراحة اخى الفاضل انا جربت قناة espen على قمر 15 غرب وكانت الاشارة تقريبا 65 حتى 70

[فني تركيبات]

المشاركة الأصلية كتبت بواسطة سيد على توفيق

بصراحة اخى الفاضل انا جربت قناة espen على قمر 15 غرب وكانت الاشارة تقريبا 65 حتى 70

كده الطبق عندك تمام لو الهسبا والاسترا 19 موجودين

[عادل عامر]

اولا شكرا لعرض تجربتك ليستفيد منها الاخوة الاعضاء
ثانيا مبروك عليك ضبط المدار

[midomorad222]

الف مبروك

[سيد على توفيق]

بنتعلم من حضراتكو وده يرجع للادارة المحترمة والمهندسين الافاضل وياريت لو فيه اى ملاحظة اكون شاكر لكم فى الطريقة

[سيد على توفيق]

اشارة الاسترا 19 عالية فوق ال85

[m_elshitaney]

ألف مبروك على الضبط
+
لو سمحت عندي طبق 160سم جاما هو ثابت حالياً ع النايل سات ,,
أضبطه ازاي واخلي البولار في اي اتجاه وانا بضبط وهل قنوات الفيد الرياضيه اقدر استقبلها بالطبق ده .. معلش ع الاسئله الكتيره دي

[سيد على توفيق]

لو حضرتك عايز تجعل الطبق متحرك بالنسبة للبولر واتجاهه فى وقت غروب الشمس اجعل زراعك او كتفك الايمن ناحية الشمس وهى تغرب وانظر امامك امام نظرك يكون هذا اتجاه البولر الصحيح او هات قمر منتصف المدار وها 30 وامسك البولر وحركه ناحية الغرب حركة بسيطة وانت خلف الطبق ان ناحية اليمين حركة بسيطة وبذلك يكون الطبق فى نفس اتجاه البولر
بالنسبة لقنوات الفيد انا مجربتش لسه اى فيدات على طبقى ولكن اخى القنوات التى تزيع كثيرة وبلاش تتعب قلبك بالفيدات واعتقد ان طبق 160 صعب تستقبل به فيدات رياضية الا اذا كان الضبط يصل لدرجة 99% وده صعب

[m_elshitaney]

المشاركة الأصلية كتبت بواسطة سيد على توفيق

لو حضرتك عايز تجعل الطبق متحرك بالنسبة للبولر واتجاهه فى وقت غروب الشمس اجعل زراعك او كتفك الايمن ناحية الشمس وهى تغرب وانظر امامك امام نظرك يكون هذا اتجاه البولر الصحيح او هات قمر منتصف المدار وها 30 وامسك البولر وحركه ناحية الغرب حركة بسيطة وانت خلف الطبق ان ناحية اليمين حركة بسيطة وبذلك يكون الطبق فى نفس اتجاه البولر
بالنسبة لقنوات الفيد انا مجربتش لسه اى فيدات على طبقى ولكن اخى القنوات التى تزيع كثيرة وبلاش تتعب قلبك بالفيدات واعتقد ان طبق 160 صعب تستقبل به فيدات رياضية الا اذا كان الضبط يصل لدرجة 99% وده صعب

ألف شكر يا استاذ سيد
جزاك الله خيراً