[elnagm]

رجاء : ريم اصحى يا حبيبتى .

ريم : حاضر يا ماما هى الساعة كام .

رجاء : الساعة 8 الصبح يا ريم .

ريم : يا خبر يا ماما 8 انا عندى محاضرة الساعة الساعة تسعة ليه سبتينى نايمة كل دة .

رجاء : يا حبيبتى انا بصحيكى من بدرى وانتى مش عايزة تقومى . يالا بقى انا هروح احضر الفطار .

وخرجت رجاء من اوضة بنتها علشان تحضر الفطار وقامت ريم من على سريرها للحمام ولكنها فوجئت ....................

وبعد ساعة خرجت ريم بعد ما غيرت هدومها وقالت

ريم : ماما انا نازلة بقى عايزة حاجة .

رجاء : ايه يا حبيبتى مش هتفطرى .

ريم : لا يا ماما انا متأخرة وعايزة الحق .

رجاء بقلق : مالك يا ريم انتى تعبانة .

ريم : لا ابدا يا ماما متقلقيش . انا نازلة بقى عايزة حاجة .

رجاء : لا يا حبيبتى خلى بالك من نفسك .

ريم : حاضر يا ماما . لا اله الا الله .

رجاء : محمد رسول الله .

راحت ريم على كليتها وهى سرحانة تماما فى اللى شافته كان بيدور فى راسها الف سؤال .. ايه سبب اللى شافته دة .
وصلت كليتها ولاقت نور واقفة مع زميلاتها بس نور مخدتش بالها ان ريم راحت عليها وقعدت تنده عليها . وبعد فترة .

ريم : نور ..... ايه مش سمعانى .

نور : ريم . سورى يا حبيبتى بس كنا بنشوف جدول السكاشن اصله نزل النهاردة .

ريم : طب كويس . بقولك ايه هى المحاضرة التانية فاضل عليها قد ايه .

نور : المحاضرة فاضل عليها خمس دقايق . يالا بينا بسرعة .

ريم : طب يالا .

وفى المحاضرة كانت ريم سرحانة تانى وكل ما تفتكر اللى شافته قلبها يدق جامد من الخوف حتى انها مكانتش منتبهة للى بيقولوا الدكتور سرحت يمكن لساعة او لساعتين ومفاقتش غير على صوت نور .

نور : ريم .... ريم .... رييييييييييم .

ريم : ايه فى ايه يا نور .

نور : فى انى بقالى ساعة بنده عليكى وانتى مش هنا خالص . يالا المحاضرة خلصت والناس مشيت .
بصت ريم حواليها لاقت فعلا المدرج فاضى مافيش غيرها هى ونور .

ريم : ياه انا كنت سرحانة قوى كدة .

نور : قولى لنفسك خضتينى عليكى عمالة انده وانتى ولا هنا . ايه مش هنمشى .

ريم : لا . يا لا بينا .
وخرجوا من المدرج وريم سألت نور .

ريم : احنا فاضل قد ايه على المحاضرة اللى بعدها .
بصت نور فى ساعتها وقالت .
نور : فاضل حوالى نص ساعة .بقولك ايه تعالى نروح نقعد فى الكافيتريا نشرب حاجة .
ريم : اوك يا لا بينا .

وفى الكافيتريا سرحت ريم مرة تانية فى اللى شافته وندهت عليها نور .

نور : يا ريييم ......... ايه يا بنتى مش معقولة السرحان اللى انتى فيه دة .

ريم : انا خايفة قوى يا نور .

نور : خايفة من ايه .

ريم : هحكيلك كل حاجة .................

فلاش باك ....

رجاء : ريم اصحى يا حبيبتى .
ريم : حاضر يا ماما هى الساعة كام .
رجاء : الساعة 8 الصبح يا ريم .
ريم : يا خبر يا ماما 8 انا عندى محاضرة الساعة تسعة ليه سبتينى نايمة كل دة .
رجاء : يا حبيبتى انا بصحيكى من بدرى افلام عربية وانتى مش عايزة تقومى . يالا بقى انا هروح احضر الفطار .
وخرجت رجاء من اوضة بنتها علشان تحضر الفطار وقامت ريم من على سريرها للحمام ولكنها فوجئت بأن هدومها وسريرها غرقانين دم وقفت مصدومة مش عارفة تتصرف ازاى .

تفتكروا ايه اللى ريم شافته وسببه ايه . ويا ترى هتحكى فعلا لنور ولا هتعيش قلقها لوحدها .

[bakrone61]

فيلم هندى