[مدحت المعاون]

تم نشر هذا الخبر على اليوم السابع
دشن عدد من شباب الموقع الاجتماعى "الفيس بوك" حملة جديدة للاحتفال بعيد ميلاد الرئيس السابق محمد حسنى مبارك فى الرابع من شهر مايو المقبل، والدعوة إلى تجمع مليونى بميدان التحرير، للعودة للقاهرة يوم الاحتفال بعيد تحرير سيناء الموافق 25 من إبريل الجارى.

واتفق المشاركون فى الحملة على تجمع مليونى يحتفل بمولد الرئيس تحت عنوان "كلنا هننزل وهنرجع الريس 25 إبريل وهيبقى وسطنا يوم عيد ميلاده 4 مايو"، كما دعا المؤيدون لمبارك لوضع صورته على صفحاتهم الشخصية، فى محاولة منهم لتكريمه.

وأوضحوا فى بيان لهم على الصفحة الرئيسية للحملة أنهم لا يشعرون بالخوف من التظاهر بالتحرير من أجل عودة الرئيس السابق، ولا يخجلون من موقفهم أمام شباب ثورة 25 يناير، والذين أكدوا أنهم لا يمثلون سوى 10% من الشعب المصرى فقط، بحسب قولهم.

وأكدوا تضامنهم مع مطالب الثورة التى رفضت تزوير الانتخابات، وطالبت بتداول السلطة وتغيير بعض بنود الدستور، لكنهم ضد التعنت فى رحيل الرئيس مبارك، مؤكدين أنهم لن يطالبوا بعودة "مبارك" إلى ما شاء الله، ولكن لفترة انتقالية حتى انتخابات نزيهة تأتى برئيس منتخب.

وأشاروا إلى أنهم سيقومون بعمل حملة إعلامية ضخمة لـ"مليونية عودة مبارك" على القنوات الفضائية، على أن يكون هناك تنسيق بينهم وبين الشخصيات العامة المؤيدة للرئيس مثل الكاتبة لميس جابر، والمستشار مرتضى منصور لما لهم من مواقف مؤدية لمبارك، بحسب البيان.

أين الملايين التى كانت تحتشد وتعتصم فى ميدان التحرير أفيقوا ياثوار حتى لا تعطوا فرصة لهؤلاء الخائنون الفاسدون لأنهم لو عادوا لن يبقوا لنا أخضر ولا يابس أفيقوا يا ثوار أفيقوا يا شرفاء دم الشهداء لن يذهب هباء

[محمد ربيع الجمسي]

دول مش مؤيدين
دول اعضاء الحزن الوطنى

[مدحت المعاون]

المشاركة الأصلية كتبت بواسطة mohammedrabie

دول مش مؤيدين
دول اعضاء الحزن الوطنى

بارك الله فيك أخى الغالى

[محمد2008]

والله يا اخى الكريم دعهم يجتمعون ونصورهم وجه وجه حتى نعلم جيدا من هم اعداء الثورة المختفيين بيننا ولا نعلمهم فهذه فرصه لن تتكرر ولكى نضعهم تحت انظارنا ثم لماذا نذهب بعيدا وهم معنا وحولينا فى اعمالهم القذره من بلطجه وترويع الناس ولا يسعنى غير انى اقول (حسبى الله ونعم الوكيل )وهذا الدعاء كفيل بهم والله الموفق

[babars almnbaly]

المشاركة الأصلية كتبت بواسطة محمد2008

والله يا اخى الكريم دعهم يجتمعون ونصورهم وجه وجه حتى نعلم جيدا من هم اعداء الثورة المختفيين بيننا ولا نعلمهم فهذه فرصه لن تتكرر ولكى نضعهم تحت انظارنا ثم لماذا نذهب بعيدا وهم معنا وحولينا فى اعمالهم القذره من بلطجه وترويع الناس ولا يسعنى غير انى اقول (حسبى الله ونعم الوكيل )وهذا الدعاء كفيل بهم والله الموفق

وهو خدم من علشان يؤيده وهو اتخلع ليه ... يعنى هى تكية خلفها له ابوه .... ولو حدث هذا يبقى من .. الآتى اسمائهم ... سرور والشريف وزكريا عزمى ومن بعض المندسين والمستفدين من النظام وبعض الاقليات ...... واحنا شفنا بعض منهم فى آخر ميدان مصطفى محمود ... وشفنا مرتضى منصور .. وخلافه ... والاهم من دا كله مبارك ليس له مكان على ارض مصر ,,,, معلش دا رأييى اقوله ... ومحدش يعتب عليه .... الجيش اتعامل معنا بالحسنى وضحك علينا فى الثورة وده هو اللى حاصل ..... رأييى ....

[موكشة]

هما دول شباب مصر
والكثير اكيد هينزل عشان يحتفلوا معاهم بعيد ميلادو
ونحتفل بية
بغض النظر ع اللى حصل منو فى بعض السنوات الاخيرة من حكمة
لكن الجميع اجمع ان مبارك افضل رئيس مصرى حتى معارضية قالو انة افضل من ناصر والسادات

[المظلوم]

مرتين ممكن افكر انزل واسيب اللي في ايدي اول مره لما عرفت بالانتفاضه الفلسطينيه وممكن انزل اروح سينا علي الحدود ومهيأ نفسي للشهاده والمره التانيه لما قريتها علي اليوم السابع هنزل علشان انا مش بحب الظلم لا كنت بحب ظلم النظام بتاع مبارك للناس والوقتي كاره جدا ومشمئز من ظلم الناس اللي داقو الظلم والذل للراجل دا المفروض المظلوم يعرف قيمة العدل والتسامح علشان يعيش مرتاح انما يبقي النهارده مظلوم وبعدها بيوم يبقي ظالم احساس وحش جدا

[سعيدابوشادى]

ملعون حزب الفسدين
مصر اغالى من مبارك ومن حزب اكل حقالشعب المصرى

[مصر اولا]

رجاله وطول عمر ولادك يابلدنا رجاله

[عماد عطيه]

ههههههههههههههه
مليونيه مره واحده ولمين لمبارك العيال دى بتشجع نادى ايه يا وديع

[aboal3y]

اعتقد ان اليوم السابع ومصراوى من ادوات النظام السابق لان كل المواقع الاخبارية لم تشر الى اى شياء عن تلك المليونية سوى اليوم السابع ومصراوى

[الكومى]

جريدة اليوم السابع



جريده قذره وكاذبه طول عمرها


ولاصحة للخبر من اساسه سوى نشر الفتن

خلاص هنسيب البلد ونقاتل فى بعض

اتقوا الله يجعل لكم مخرجا

طول عمرنا شعب يروج اشاعات

بلا جريدة اليوم السابع بلا خلافه

[عبد البر]

المشاركة الأصلية كتبت بواسطة موكشة

هما دول شباب مصر
والكثير اكيد هينزل عشان يحتفلوا معاهم بعيد ميلادو
ونحتفل بية
بغض النظر ع اللى حصل منو فى بعض السنوات الاخيرة من حكمة
لكن الجميع اجمع ان مبارك افضل رئيس مصرى حتى معارضية قالو انة افضل من ناصر والسادات

رسالة الى الاخ موكشة شيل صورة القاتل هذه من على موقع مصراوى سات
لانك تدنس بها الموقع وسبق قبل كده ونرجوا ادارة مصراوى اتخاذ اللازم
ضد العضو موكشة هذا من اتباع مبارك القاتل اللعين

[المظلوم]

المشاركة الأصلية كتبت بواسطة عبد البر

رسالة الى الاخ موكشة شيل صورة القاتل هذه من على موقع مصراوى سات
لانك تدنس بها الموقع وسبق قبل كده ونرجوا ادارة مصراوى اتخاذ اللازم
ضد العضو موكشة هذا من اتباع مبارك القاتل اللعين

انت ماللك يشيلها ولايسبها ولالازم يحط مبارك عنيه مخلوعه وودانه طويله ويتريك عليه علشان يبسطك

[مستشارك اسلام رفعت]

مبارك افضل رئيس مصرى