[lefrno]

ماهو سعر تركيب قناة دهوك لانى بركبها باربعون جنيها ومش عارف كده كويس ولا ايه وانا سمعت ان هى اغلى من كده ارجو من حضرتكم معرفة السعر المعقول
وانا ركبتها فى دمياط كذا مره بنفس السعر وشكرا جدا للمجهود الكبير

[ابودربيك]

ب 50 بس انا لو جالى حد عايز يركبها ب30 هركبهالة عادى يعنى
هى مش حكاية

[yahiaaltra]

عايز اركب القمر الافغانى 48 شرق
ممكن يركب على طبق قطره كام فى القاهرة؟

[mandooo]

انا بركبها ب25 لوحدها اما لو تركيبه رياضيه كامله 100 جنيه
وبعدين دي مسائله تقدير من الزبون نفسه

[ابودربيك]

المشاركة الأصلية كتبت بواسطة mandooo

انا بركبها ب25 لوحدها اما لو تركيبه رياضيه كامله 100 جنيه
وبعدين دي مسائله تقدير من الزبون نفسه

صح كلامك

[gameyking]

والله بركبها ب60و70 جنيه عشان ناس عندنا ماتعرفش عنها حاجه
ولو علي الذبون عايذك تركبها ببلاش مش مهم تعبك وبعدين هتلاقي الذبون كل شويه يتصل بيك ويقرفك لو القناه ماذاعتش المباراه اللي هو عايذها دا لو مغرم كوره يبقي عشان تستحمل الصداع احسبها وكله حسب الذبون وتقديرك ل ((((جيبه وظروفه ))))
وربنا يبعت ____
وده مجرد رأي

[ابودربيك]

ههههههههههههه

[aldih]

أولا التركيبة مش أختراع يعنى ومحتاجة فنى لصعوبة استقبلها حاليا الكل هنا بيقدر يركبها لوحدو ومايحتاج فنى يجى يتفنن وياخد منو 70 او 100 لان ده أستغلال صراحة كلامى مش موجه لشخص معين بس حاليا حتته الفنى دى بعد مواضيع مصراوى يلى علمت الفنى وغيرو يلى ماكنوش يعرفوا ايضا عن القناة شئ وتعلموا من مصراوى ببلاش ويستغل الزبون بقه والتقدير لك بيكون بضميرك انت ليه تغلى تركيبة القمر عن اى قمر اخر او ليه ولو مكان الزبون تقبل تجيب فنى ياخد 50 او 70 فى تركيب دهوك بس ومفكرتش ان ممكن او ماعملتش حسابك ان الزبون ده ممكن يكون مايقدرش يدفع و غلبان ومايقدرش يتفرج على beinsport تقوم تستغله بكل المبلغ ده عشان قناة بتذيع مباريات هل ده حلال حتبقى فرحان ونت طالع من التركيبة بمبلغ كثير ؟؟؟

[جهاد33]

العمليه تقديريه بين الطرفين
وانا شخصيا لااحدد سعر لتركيبه ايا كانت
اقدر تعبى واطلب حسابى وكل شغلانه وظروفها لكى لااظلم او اظلمم بفتح الالف فى الاولى
وضمها فى الثانيه

[مصطفي يحيي عيد]

كلام فاضي محساسيني انكم بتركبو تركيبه دايمه طيب خليها اتوقفت او لم تنقل مباراه

[mostafa1956]

بسم الله الرحمن الرحيم أولا وبعدين ياريت تشرحوا التركيبه بالصور وتعرفونا زى ما احنا لما بنعرف حاجه نقوم بنشرها حتى بستفيد كل الأعضاء والكل يتعلم والسلام عليكم ورحمة الله وبركاته

[م / سمير محمد]

القصة مش قصة بكام او ما شابة ذلك
المهم وقت التركيب وعلى فكرة بتختلف من مكان لاخر وانا لسة عاملها عند زبون امبارح كان مركب القمر عاموس وحولت لة على القمر دة
والله الموضوع مكملش معايا 5 دقايق والاشارة جت تمام على طبق 70 سم كامكس
وحاسبتة على 20 جنية
وفية غيرة بحاسبة على 30 او 40
فهذه مسالة تقدير بين الزبون والفنى
ولنفترض انك اتفقت معاة على 50 جنية والموضوع اخد معاك وقت قليل ممكن تتخانق معاة وقت الحساب ويقولك هو انت عملت اية اصلا
وممكن تتفق معاة على مبلغ قليل وياخد معاك وقت كبير جدا غير اللى انت كنت محددة فى دماغك
فالافضل انك لا تتفق مع الزبون على التركيبة الا اذا كنت متعرفوش او عارف انة هيدقق معاك فى الحساب
واحيانا فية زبون تتفق معاة على تركيبة وبتلاقية غلبان وعلى قد حالة بس للاسف الكورة عملت فية كدة يقتطع من قوت يومة لشراء جهاز hd وفنى يظبط لة الطبق
وممكن تتفق معاة على مبلغ قليل وتلاقية السعر دة ميكفيهوش تمن سجاير فى الساعة

[عاطف محمود عبدالستار]

الله يرحم ايام الانالوج كنت اركب التركيبه 250 جنيه واتغدي لحمه وجات اخرها اركب التركيبه بكيس بلح وباكو معسل ههههههههههههههههههههه

[الباشا ابوعلى]

والله تركيبات زمان كان ليها تمن دلوقتى اللى بيعرف واللى ميعرفش بيركب لكن تركبيات الشرق دى صعب على الناس اللى ملهاش فيها ثانيا ثمن على حسب جهدك انت والزبون دى عمليه تقدريه

[data2008]

ب 50 جنيه والزبون مبسوط كمان
دى بتجيب له ماتشات اكتر من اللى بيدفعوا بكتير