رغم مرور أكثر من شهر على خلع مبارك , رئيس مصر السابق , إلا أن حس الفكاهة فى أوساط المصريين لم يخفت بعد , فقد انتشرت الصفحات الهزلية على الموقع الاجتماعى "فيسبوك " و كثير منها حمل عنوان "ارجع يا ريس " أو "ارجع يا مبارك " و تونعت التعليقات الطريفة و سرد الأسباب بصورة تثير الضحك فى هذه الصفحات ,و من ضمن أبرز الأسباب "الهزلية " التى كتبها هؤلاء الشباب ما يلى :
-ارجع ..جوزي هتجري في ايده الفلوس و ممكن يتجوز عليا .
-ارحمنا وارجع بقي...مين اللي هيغير اسم 620 الف مشروع ومدرسة باسم سعادتك؟
-ارجع.. بقوا يطبخوا ع الفحم في اسرائيل .
-طب ارجع يا ريس.. واللي اتفرم يتصلح .
-ارجع ..لحسن شكلك هيبقي وحش قدام السادات و ناصر لما يسألوك مشيت ازاي؟
-ارجع ..كنت حامينا "مريحنا" من وجع الدماغ و قولة أه و لأ .
-ارجع يا ريس ..شكلنا هنبقي من الدول المتقدمة
-ارجع بقي.. ده حتي هالة سرحان رجعت، يرضيك كده يعني؟؟
-ارجع بجد دلوقتي لما مبيعجبناش وزير بيتغير، المسئولون اتبهدلوا من بعدك!
-ارجع يا ريس.. قبل العيد عشان نعرف نقول عيد مبارك
-ارجع يا ريس.. مش لاقيين اسم لمحطه رمسيس في المترو
-ارجع يا ريس... شارع صلاح سالم بقالو كتير مابيوقفش
-ارجع يا ريس دكاترة الضغط والسكر والقلب مش لاقيين شغل
-طب ارجع عشان تامر حسني.. أو تامر أمين..
-ارجع يا ريس... انت تقريبا نسيت نور الصالون في القصر مفتوح .
-يا ريس ارجع.. انا خايف رغيف العيش يكبر وأنا ناوي اعمل دايت.
-ارجع يا ريس، الإخوان بقوا بيطلعوا في التليفزيون الحكومي .
2011/04/03, 01:39 PM
ارجع يا ريس "و الأسباب هى .......؟؟
المواضيع المتشابهه
