[محمد جمال الدرينى]

لو سمحتوا عندى مشكله فى الموتور (سوبر جاك قديم )كل اما اجى أغير القمر واعطى للموتور رقم للقمر بالريموت يطى تكه بسيطه ويقف ماعدش بيلف لغاية مايوصل للقمر اللى أنا عايزه فشكيت فى السلك اللى واصل للوبوزشنر غيرته وجيبت واحد جديد ولا حصل حاجه خالص ولسه المشكله زى ماهى
ياريت حد يساعدنى

[رامي جوزيف]

يبقي القهربا ضعيفة

[hazzuma]

لسة حاصلة معايا من كام يوم،اضطريت اعمل ضبط مصنع واعيد ترتيب تخزين الاقمار من جديد،لانى اكتشفت انى عملت ليميت للماتور،تقريبا ، غصب عنى طبعا وانا بجيب احد الاقمار، عموما،جرب كدة وشوف،بالتوفيق

[م / فــــوزى الجمــــل]

المشاركة الأصلية كتبت بواسطة رامي جوزيف

يبقي القهربا ضعيفة

معناه أيه ياغالى هذا الرد وبهذه السخريه
ياريت تتعلم أداب الحديث
كلنا بنساعد بعض وبنكمل بعض
فأذا كنت حضرتك داخل تسخر مننا
وتتريأ على خلق الله فلايشرفنا تواجدك بيننا

[ابــــــــــومنــــــــــة]

المشاركة الأصلية كتبت بواسطة م / فــــوزى الجمــــل

معناه أيه ياغالى هذا الرد وبهذه السخريه
ياريت تتعلم أداب الحديث
كلنا بنساعد بعض وبنكمل بعض
فأذا كنت حضرتك داخل تسخر مننا
وتتريأ على خلق الله فلايشرفنا تواجدك بيننا

دة مش استهزاء اخى دة ضعف فى الاملاء

[م / فــــوزى الجمــــل]

المشاركة الأصلية كتبت بواسطة ابـــــــومنـــــــة

دة مش استهزاء اخى دة ضعف فى الاملاء

القهربا هو يقصد بيها الكهربا
ولكن صاحب الموضوع قايل أنه عنده بطىء فى حركة الماترو وهوه رد عليه
بأن الكهربا ضعيفه

[هانى عنانى]

المشاركة الأصلية كتبت بواسطة م / فــــوزى الجمــــل

القهربا هو يقصد بيها الكهربا
ولكن صاحب الموضوع قايل أنه عنده بطىء فى حركة الماترو وهوه رد عليه
بأن الكهربا ضعيفه

هو يقصد الكهربا اللى ماشيه فى السلك ضعيفه وممكن تغير السلك بسلك انضف عشان الفولت يوصل كامل للموتور

[محمد جمال الدرينى]

متشكر ليكم جدا ياجماعه لكن الكهرباء مش ضعيفه والسلك اللى جايبوا جديد سلك نضيف نوعه حلو بس المشكله ان لما باجى اضغط من الريموت يمين وشمال بيعطى تكه ويقف مش بيلف لغاية ما حوش أيدى من على الريموت زى زمان علشان كده لجأت لأصحاب الخبره والكفاءه فى مصراوى ليساعدونى ؟؟؟؟؟؟؟؟؟؟؟؟؟

[محمد جمال الدرينى]

الموتورحاليا مش بيتحرك ويلف لفه كامله زى الأول لكن بيلف قيمة تكه واحده ويقف هكذا فين وفين لما أوصل للقمر اللى عايزه يكون طلع روحى مش زى زمان أضغط يمين أو شمال بيلف لفه كامله لغاية ما أشيل إيدى من على الريموت لما أوصل للقمر اللى عايزه وأسجله وأعطيله رقم

[رامي جوزيف]

المشاركة الأصلية كتبت بواسطة م / فــــوزى الجمــــل

معناه أيه ياغالى هذا الرد وبهذه السخريه
ياريت تتعلم أداب الحديث
كلنا بنساعد بعض وبنكمل بعض
فأذا كنت حضرتك داخل تسخر مننا
وتتريأ على خلق الله فلايشرفنا تواجدك بيننا

اخي الغالي فوزي الجمل انا مبتريكش علي حد ومسخرش علي حد انا كان عندي نفس المشكلة وجبت فني علشان يحل المشكلة وقالي يبقي عندك القهربا ضعيفة اغلقت جميع الانور والمراوح واشتغلت تمام وبعد ساعتين شغلات جميع الانوار واشتغلت تمام ارجو من حضرتك عدم التسرع في ردودك ‏‎
‎

[رامي جوزيف]

المشاركة الأصلية كتبت بواسطة هانى عنانى

هو يقصد الكهربا اللى ماشيه فى السلك ضعيفه وممكن تغير السلك بسلك انضف عشان الفولت يوصل كامل للموتور

شكرا علي رد حضرتك‎
‎

[رامي جوزيف]

المشاركة الأصلية كتبت بواسطة ابـــــــومنـــــــة

دة مش استهزاء اخى دة ضعف فى الاملاء

شكرا‎
‎

[محمد جمال الدرينى]

طفيت الأنوار والفريزر والاجهزه الكهربائيه وبرضه مفيش فايده نفس المشكله

[على عنيصر]

عيب معروف و متكرر

المشكله فى السينسور

غير السينسور و هيشتغل تمام

[محمد جمال الدرينى]

اغير السنسور قصدك اغير اماكن السلوك ولا أغير قطعة السنسور ذات نفسها أنا لسه مبتدئ انا آسف