[احمد يوسف عابدين]

الطبق فيه على ما اعتقد كدة عصايا خارجة من وار فيها حاجة كدا على ما اعتقد هو دا الماتور لاكن مفيش الحاجة اللى بحركوا بيها بالرموت دى وعلى ما اعتقد اسمة وحدة التحريك او البوزيشنر يا ريت اعرف هيا بكام لو مستعمله علشان محدش يضحك عليا ثانيا الطبق حالتة فل الفل جديد ومية مية فأنا عايز اعرف هيستقبل من فين لفين سألت واحد هنا قالى من الهسباسات الى التركسات انا قولتلوا دا مش هينفع وهدور على واحد تانى وبعدين هل ينفع استقبل بيه فيدات بى ان سبورت على 3 شرق و الترددات السوبر اللى على الاسترا و وفيدات قمرين ال w3 & w1 يا ريت الرد واسف على الاطالة

[محمد ناصرر]

طبق بريفكس 180 بالموتور 150 جنيه و160 حوالي 130 جنيه

[احمد يوسف عابدين]

انا الطبق هاخدوا ببلاش يا غالى انا بستفسر عن حاجات تانية ارجو الرد والنصيحة

[mayc]

المشاركة الأصلية كتبت بواسطة احمد يوسف عابدين

الطبق فيه على ما اعتقد كدة عصايا خارجة من وار فيها حاجة كدا على ما اعتقد هو دا الماتور لاكن مفيش الحاجة اللى بحركوا بيها بالرموت دى وعلى ما اعتقد اسمة وحدة التحريك او البوزيشنر يا ريت اعرف هيا بكام لو مستعمله علشان محدش يضحك عليا ثانيا الطبق حالتة فل الفل جديد ومية مية فأنا عايز اعرف هيستقبل من فين لفين سألت واحد هنا قالى من الهسباسات الى التركسات انا قولتلوا دا مش هينفع وهدور على واحد تانى وبعدين هل ينفع استقبل بيه فيدات بى ان سبورت على 3 شرق و الترددات السوبر اللى على الاسترا و وفيدات قمرين ال w3 & w1 يا ريت الرد واسف على الاطالة

هو انت قست العرض لقيته 160 سنتى و الا هو مكتوب عليه

اذا كان مكتوب عليه يبقى هو اقل فى العرض من 160 سنتى

لكن المكان بيفرق ف الاستقبال اذا كنت فى اسكندريه مثلا هتبقى الاشاره احسن كتيرمن المنيا

لازم تقيس الطبق بالمتر و تشوف عرضه كام عشان تعرف هتقدر تستقبل ايه فى مكانك

[احمد يوسف عابدين]

هو بالظبط 152 سم

[taimour66]

المشاركة الأصلية كتبت بواسطة محمد ناصرر

طبق بريفكس 180 بالموتور 150 جنيه و160 حوالي 130 جنيه

فين الاسعار دى اخى الكريم وهل السعر شامل الطبق بالموتور

[احمد يوسف عابدين]

يا جماعة انا بستفسر عن هو هيستقبل من فين لفين وهل هيستقبل فيدات بى ان سبورت و فيدات w1 & w3 ويستقبل ترددات سوبر من استرا زى zdf ولا لأ علماً انى عايش فى جنوب سيناء فى الطور

[هانى خليل]

انا مستغرب من صاحب الموضوع المفروض ان المنتدى عامله مصراوى متميز ومشاركاته معديه 1360 مشاركه يعنى المفروض انك فنى ممتاز وقديم فى الموقع ومش عارف ولا الطبق والماتور ولا وحدة التحريك

[احمد يوسف عابدين]

المشاركة الأصلية كتبت بواسطة هانى خليل

انا مستغرب من صاحب الموضوع المفروض ان المنتدى عامله مصراوى متميز ومشاركاته معديه 1360 مشاركه يعنى المفروض انك فنى ممتاز وقديم فى الموقع ومش عارف ولا الطبق والماتور ولا وحدة التحريك

هههههههههههه اسفين يا باشا لو كنا ازعجنا حضرتك وبعدين انا مش فنى انا لسه بدرس وفى سنة 2 ثانوى علمى وبعدين انا مليش اى خبرة فى المتحرك يا ريت لو حضرتك تقدر تفيدنى قولى

[استشارى نافع]

بص يا معلم ان شاء الله هتستقبال من الهسباسات الى الايرانى 62 وكمان لحد 75 شرق بس المهم الفنى اللى هيظبطلك المدار جيدا

[mayc]

المشاركة الأصلية كتبت بواسطة احمد يوسف عابدين

يا جماعة انا بستفسر عن هو هيستقبل من فين لفين وهل هيستقبل فيدات بى ان سبورت و فيدات w1 & w3 ويستقبل ترددات سوبر من استرا زى zdf ولا لأ علماً انى عايش فى جنوب سيناء فى الطور

انسى اى ترددات سوبر على استرا 1 على الطبق ده الحزمه العريضه بس

مكانى احسن منك و طبق 240 و مجبتش غير شويه ترددات من العشرات اللى فى الاول و طبعا الحزمه العريضه

لكن الفيدات على 10 شرق تغطيتها احسن فى الصعيد و لبحر الاحمر و عندك فى سينا و احتمال كبير تستقبلهم لو ظبطت الطبق كويس و عليه قطعه بحلقات زى الفوجى او تعدل اى قطعه بلاستك

و فيدات 7 شرق التغطيه واحده فى بحرى و فى سينا و جرب الاستقبال

و فيدات 3 شرق برضو تغطيتها عندك و فى الصعيد احسن من وجه بحرى و احتمال كبير انك تستقبلها على الطبق ال 160

اما بقيه المدار بقى فحسب شطاره الفنى الى هيظبط الطبق

دى صور الخرايط بتاعه 3 شرق و 7 شرق و 10 شرق

[احمد يوسف عابدين]

شكرا ل استاذ استشارى نافع وشكر خاص للبرنس mayc انت برنس بجد والله شكرا بجد ليك

[استشارى نافع]

المشاركة الأصلية كتبت بواسطة احمد يوسف عابدين

شكرا ل استاذ استشارى نافع وشكر خاص للبرنس mayc انت برنس بجد والله شكرا بجد ليك

الشكر لله اخى الفاضل