[hazzuma]

صباح الخير أحبائى الكرام،بعد اقتنائى جهاز الكيوماكسH5 ,منذ عدة أيام،وجدت ان الجهاز به العديد من النقاط أضعها بين اياديكم لأطلاع عليها قبل إتخاذ قرار الشراء من عدمه،اولها،ملاحظتى وجود قائمة youporn ومشفرة بكلمة سر ،لكن لحسن الحظ لا تفتح ،لكن كان ينبغى الغائها من الأساس،لوحظ أيضا البطئ النسبى عند فتح القناة عند التحول من قناة لأخرى،بالمقارنة بأجهزة أخرى وموديلات سابقة للشركة،وهذا لم نعهده من الوكيل او البراند يعنى،ثانيا وهو الأهم هو التهنيج أحيانا عند التحويل ببعض قنوات الأتش دى أو إعطاء اوامر سريعة للجهاز او تفعيل خاصية اظهار الترجمة والغير مفهومة (خاصة انه طبعا مابيترجمش حاجة),,, وهذا ما أثار حفيظتى وغضبى لأنى راسترت الجهاز اربع خمس مرات خلال ليلة واحدة،أثناء اجراء إختبار جودة للجهاز،ثالتا،تهنيج برضه أثناء اختيار تغيير الصوت والتحول من الأيطالية لأنجليزية مثلا وعدم وجود الصوت الا بعد التحويل لقناة أخرى والرجوع!!! كل الكلام دا جديد بالنسبة لى،ومعناه ضعف التصنيع ( نسبيا ) والدليل على هذا ,الصورة التى توضح فرق الحجم بين الكيوماكس جولد 2009 والكيوماكس الأتش فور 2014 وإنتهاء بالفايف 2015

دا حتى إختيار قناة المشاهدة من القائمة،لا بد من النقر مرتين على اسم القناة،،،،،وعليه،كان الأجدر للشركة ان تتريث ولا تتسرع بطرح الجهاز بالأسواق للمستهلك قبل إجراء الإختبارات الكافية للتأكد من جودة المنتج،بس على فكرة الموضوع مش صعب حله بالتأكيد،لأن اى سوفت كويس يعالج المشكلات دى كلها،لكن الجهاز فى خاصية كويسة وهى ظبط الصوت لكل قناة على حدا،volume per channel , وتفيد فى القنوات اللى صوتها عالى اوى او العكس،ويوجد حاجة اسمها samba menu, نرجو توضيح معناها او وظيفتها إيه من مشرفى القسم،عموما لن استعجل الحكم النهائى على الجهاز قبل صدور سوفت وير اخر،تحياتنا العطرة

[الوكيل1]

مشكور للمعلومات

[yasser farg]

علي فكره فيه جماعه هنا بيطبلو لعبد العال مش هيعجبهم الموضوع يقولك مغلق هههههههههههههههههههههههههههههههههههههههههههههههههه ههه

[hazzuma]

المشاركة الأصلية كتبت بواسطة yasser farg

علي فكره فيه جماعه هنا بيطبلو لعبد العال مش هيعجبهم الموضوع يقولك مغلق هههههههههههههههههههههههههههههههههههههههههههههههههه ههه

لأ مش للدجة دى يا ياسر،أنما الموضوع غرضه إصلاح الأخطاء وإعادة ترتيب الأوراق،للعمل على إيجاد سوفت لحل المشكلات المذكورة بالموضوع،تحياتى

[محمود مراد ابوشروق]

المشاركة الأصلية كتبت بواسطة yasser farg

علي فكره فيه جماعه هنا بيطبلو لعبد العال مش هيعجبهم الموضوع يقولك مغلق هههههههههههههههههههههههههههههههههههههههههههههههههه ههه

للاسف حضرتك لا تعرف شى عن الاخوه الى بيسعدوك هنا بدون اى مقابل
تقدر تسال نفسك سؤال هما لية بيعملو كدا
انا اقولك الاجر والثواب عند الله

[ادم بشا]

كلام الأخ محمود مراد مظبوط وبعدين مفيش حد فرض عليك أجهزة عبد العال والدليل أن المنتدى فيه أكثر من مليون جهاز هم كل همهم انهم يقدمون الأفضل والنصيحة فقط لا غير وانت عليك تختار يجب على الأخ ياسر الاعتزار عن كلامة وشكرا هذه رأي

[pepostar]

معنى كلام حضرتك ان اتش فور العادى افضل من اتش 5

[hackooo747]

والله الجهاز لسه مجبتهوش ممكن نكون عمليين وننتظر راي الاساتذه المشرفين هم اعلم منا خبره وعلم وليس تطبيل وصاجات احنا موش في مولد

[hazzuma]

المشاركة الأصلية كتبت بواسطة pepostar

معنى كلام حضرتك ان اتش فور العادى افضل من اتش 5

أكيد طبعا ،والفرق فى النقاط الأتية:
1- سرعة التنقل بين القنوات ( الأتش فايف أبطئ نسبيا وهو ما يظهر جليا فى التنقل بين قنوات مختلفة التردد)
2-التهنيج بعض الأحيان فى الأتش دى والأس دى كمان لو أخد كذا امر ورا بعض غصب عنك حتى،وعند تفعيل خاصية الترجمة الغير مفهومة!!!
3-الحجم كمان أقل ،توفيرا للنفقات أكيد من قبل المصنع (بضم الميم)، تحياتى