[محمود نبيه]

الرسيفر به مشكله وهى ان الايسى ضارب خالص مش باين عليه اى رقم المهم جيبت الرقم من رسيفر مثله بالظبط وركبت الايسى ضرب برده ايه الحل

[م/دسوقى ابوكنزى ويوسف]

بص ياغالى بورده بور البراكليبس فرجن 1
فى منها نوعين
الاول 5L365
التانىP565
شوف انت ركبت انهو واحد وركب الرقم التانى وتاكد من تركيبه الصحيح
لان الايسيه فيه نقطه لازم تركب على النقطه اللى فى البورده

[محمود نبيه]

الايسى فيه نقطه تمام والبورد فيها نصف دائرة ومكتوب بجوارها v1 او u1 مش واضحه اوى بخلى النقطه بتاع الايسى فى نفس اتجاها مش كده راكب مظبوط

[م/دسوقى ابوكنزى ويوسف]

ايوه مظبوط ياغالى شوف الرقم اللى انت ركبته كام وركب الرقم التانى

[محمود نبيه]

انا ركبت365 5l ضرب وركبت dl0156 ضرب الرقم التانى dl0156 جايبه من على بورده نفس النوع مش عارف ضرب ليه المهم معايا اخر ايسى وهو 3b 0565 j ده ينفع بديل بس انا رابع ايسى اركبه ويضرب ياريت حد يتعب معايا ودلنى صح مش بقول على حد معين بس لانى غرمت كتير فى الرسيفر ده

[ابوحنين وفرح وريتاج]

كدا فيه شرط راجع الدايود الى بجوار اى سى

[محمود نبيه]

الدايود هو الموحدات

[م/دسوقى ابوكنزى ويوسف]

ياغالى كل الارقام اللى انت ركبتها هى 5l365والباقى بديلهم وهيضربو ركب 3b565
بس تاكد من سلامه الدايودات وسلامه البفه الزرقاء اللى بجوار كابل الكهرباء اللى راكب متوازى للفيشه الكهرباء ياغالى
يعنى لو البفه سليمه مش عامله شورت يعنى سلكه
والدايودات مش عامله شورت
ركب الايسيه وتوكل على الله

[محمود نبيه]

تمام انا قيست البفه مش عامله شورت والدايودات بيقرأ فى اتجاه ومش بيقرأ فى اتجاه الأخر مش كده يبقى تمام

[م/دسوقى ابوكنزى ويوسف]

تمام ياغالى ركب وتوكل على الله

[محمود نبيه]

تمام هتكول على الله بس عاوز اعرف اخر حاجة لو المحول الموجود بعد الايسى فيه قفله يضرب الاسى وازاى اعرف ان المحول ده شغال تمام مفهوش قافله

[م/دسوقى ابوكنزى ويوسف]

ياغالى الدريفر مافيهوش قفله لانه لوتالف هتركب الايسيه هيبقى الفولت موجود على المكثف الصغير بس مافيش فولت بعد الدريفر

[محمود نبيه]

توكلت على الله هركب الايسى وهرد عليك وربنا يسترها

[م/دسوقى ابوكنزى ويوسف]

فى انتظار ردك ياغالى

[محمود نبيه]

انا ركبيت الايسى الى حضرتك قولت عليه معملشى قفله بس مفيش خرج خالص الخرج صفر على كل الاطراف بس على فكرة الف شكر على الايسى لانه الرقم مظبوط لانى جربته على رسيفر نفس النوع اشتغل تمام بس ده مش راضى يشتغل ياريت يكون العيب فى ايه غير الايسى