[mstar55]

انا من سوهاج والكهربا بتقطع من يوم الخميس من 4 الى 5 مرات وبور فى المواقع والمنتديات ومش عارف السبب حد عنة خلفية وهل فى سوهاج بس ولا فى محفظات تانى الى بتقطع عندة ياريت يشاركنا وشكرا .

[v i p]

كل المحافظات اخي
اظاهر انها ايام سودة
والله تعقدنا بجد حاجة اخر قرف
محلات واجهزة كله بيتعطل
ايه السبب الله اعلم كنا زمان لانسال نهائيا بالكهرباء

[ehabasmaa]

عندك حق الكهربا في سوهاج بقت حاجه فظيعه ساعه واحده تيجى وتقطع بعدها ساعتين وبالحال ده لحد ما الواحد كره نفسه

[صلاح ناصر]

محافظة الشرقية مدينة ابو كبير اول مرة يقطع انهاردة

قطع ساعتيين متواصلين

[أبوأمير2011]

ومحافظة المنيا قطع بأستمرار

[v i p]

من وقت مشاركتي تم القطع لسة واصلة الان بعد ٦٥دقيقة
حسبي الله ونعم الوكيل
هذه المرة الثالثة من وقت الفجر

[محمد_saper]

الظاهر اننا كده هنشوف صيف زى الفل

[وادى النيل]

بيعملو استعدادات للصيف بيجربو القطع من دلوقتى داحنا هنشوف صيف نفففففففففففففففففففففففففففخ

[صقرصقر]

وبعدين في النور اللي كل شوية ييجي ده

[اسامه الملكى]

فعلا الكهربا فى سوهاج بتقطع عندنا من 5الى 6 مرات كل مرة ساعه ونص

بس بصراحه فى حاجه عجبتنى قوى زياده الكهربا بنسبة 8 الى 15 فى الميه

ليه بقى ؟؟؟ علشان لو حضرتك بتدفع مثلا 100 جنيه والكهربا عندك شغاله 24 ساعه

طيب بعد تخفيف الاحمال الى انا اصلا مش معترف بيه نهائا الكهربا هقطع عند حضرتك

تقريبا 5 ساعات يوميا فى الحالة دى العداد هيقف وبالتالى بدل متدفع 100 لا هتدفع 85 او 90 طيب اضرب الرقم ده فى كل البيوت هتلاقى ملايين من الجنيهات

تعمل ايه بقى الدوله ؟؟ تحل مشكلة الكهربا ومتقطعهاش لا طبعا هههههههه

هما ازكى من كده بكتير __ لما تيجى الزياده الى قلنا عليها من شويه

حضرتك هتدفع نفس المبلغ بس فى عدد ساعات استهلاك اقل وهو ده قمة الاعجاز العلمى




______ ربنا يصلح حال بلدنا ___________

[ahmed jamal]

الحمد لله عندنا فى المحله مش بيقطع خاالص وقرار رسمى كمان ههههه ربنا معاكم

[mohamedzian]

فين دا يا كبير احنا مفيش اى حاجة من كلام دا

[احمد المرعب]

عندنا فى بلقاس دقهليه مفيش حاجه اسمعها نور مقطوع دة نهائيا

[الامبراطور محمد]

الظاهر ان المشكلة فى سوهاج بس الواحد زهق من قطع النور الحل الوحيد للموضوع ده انهم يلغوا الكهرباء نهائيا علشان الناس تظبط نفسها على كده ونرتاح ولا نقول النور قطع ولا النور جه ولا لسه وخلاص .

[richard2006]

بجد الله يكون في عون محافظات الصعيد وأهلها. أنا من أسكندريه ومقيم فيها وطبيعي الكهرباء بتروح لكن بشكل أقل من محافظات ومناطق تانيه كتير. بس بسافر أسيوط كل كام شهر كده وبشوف قطع النور هناك بجد حاجة سواد وعذاب خصوصا في الصيف بيبقى الجو هلاك. ولازم يكون في آليات وحلول جذريه من شركات الكهرباء لكن المشكله أنهم أول حاجة يقولوها نرجوا تخفيض الاحمال والاستهلاك وهما قاعدين على مكاتبهم تحت التكييفات. بجد صراحه الواحد مش عارف يقول أية.

يمكن الكلمه الوحيده اللي تعبر حسبي الله ونعم الوكيل في كل جهه حاطه إيديها في الميه البارده وفي كل واحد مقصر في عمله ومبيفكرش الا في نفسه ومش حاسس بغيره