[أبـو على]

بسم الله الرحمن الرحيم
السلام عليكم

يرى بعض المحللين أن السبب يعود إلى كثرة التقارير التي يكون الأطباء مطالبين بكتابتها. فتشير إحدى الإحصائيات إلى أن الطبيب يوقع خلال 8 ساعات من الدوام 50-100 مرة. ويضطر الأطباء إلى توثيق كافة التقارير الخاصة بالحالات والمرضى الذين يشرفون عليهم. تشير تحليلات أخرى إلى أن ما يكتبه الأطباء ليس موجهاً إلى العامة كي يقرؤوه، وإنما موجه إلى أطباء مثلهم يفهمون ما يكتبه زملاءهم والرموز والاختصارات التي يستخدمونها. كما أن توتر العمل وكثرة التفكير يجعل الطبيب غير مهتم بشكل ما يكتبه لأن رؤيته للأمور تتغير من خلال الدراسة واكتشاف جسم الإنسان، فهناك أمور أهم بكثير من شكل خطه
وهناك من يقول
انا عارف السبب لان الدكتور لو كتب بخط مفهوم الناس ممكن تشك فيه وتقريبا كل مكان الخط مش مفهوم الناس تقول عليه دكتور ممتازو فاهم عمله

ومع هذا نقدم للسادة الاطباء هذا الاعلان

[مصطفى مخيمر]

علشان مستعجلين لقبض فلوس الناس

[على عنيصر]

السبب غالباً هو أنه إذا كان الخط مفهوما و مفصلاً فإنه لابد أن يكتب كل الحروف بشكل صحيح

و لكن عدم الإهتمام بالكتابه يعفيه من الدقه فى إسم الدواء و بخاصه الحروف المتحركه

[اشرف فتحى]

اخى الكريم
بارك الله فيك

[جلال العسيلى]

بارك الله فيك اخى الكريم
على الطرح الطيب

[mahgad]

انا هحكى حكاية لتعرفوا مدى خطورة ما يفعله الاطباء
طبيب بشرى
على فكره الطبيب ده هو اللى قالى
كان كاتب rantidin tab وده طبعا اقراص مضادة للحموضة والقرح
بما ان خط الدكتور ده وحش فكان rantidine اللى كاتبه شكله شبه دواء تانى اسمه Rimactane caps وده لعلاج الTB او الدرن وده بالنسبة للى واقف فى الصيدليه
والعجيب ان دواء الدرن ده بيلون البول باللون الاحمر
وطبعا المريض خد الدواء الغلط من هنا وحس ان هيموت من شكل البول
وطبعا المريض ما يعرفشى حاجة وفين وفين لحد ما الدكتور عرف السبب وشرح للمريض
ارجو ان يتحرى الطبيب الدقة وتحسين خطه
خطك ربما يقتل المريض

[هانى خليل]

زى ما قالوا الاساتذة مستعجلين علشان يقلبك ويشوف غيرك

[v i p]

ولان الدكتور بيحب يشوف العلاج مرة اخري بعدان تشتريه من الصيدلية هذه بتكون افضل للتاكد منعا للغلط او البديل

[فيوتشر مان]

الاصول فى المهنه ان تكتب الروشته على الكمبيوتر حتى لا تقع اخطاء
زمن الكتابه على اليد يجب ان ينتهى

[أبـو على]

جزاكم الله خيرا على المتابعة

[derweiss]

في اوروبا انتهي زمن الكتابه باليد

[وحيد فريد]

انا من رأيي ان كل دكتور يعين كاتب اهو منها نفهم الخط وفى نفس الوقت يساهم فى مشكلة البطالة