الشعب المصري دمه خفيف ومبتسم حتى فى الأزمات

سوق الدش بفاقوس · #1 2011/04/18, 10:34 PM

الحمد لله مســتورة وماشـية بس مقطوره

الأعمى شايف الصـورة كله بيـدفع فى فتوره

اللى نهب و اللى ارتـشى واللى بالأســرار فشى

وسابنى ابات من غير عشى وقال لى مات اللى اختشى

صبحت فاصل م الفـيشة وشاطر العن العـيشة

واللى على راسهم ريــشة خلعو البرقع والبيـشة

بفساد يكسر الهـمة وخيل بيجرى فى الذمة

ومجلس لابس العمه ونتن طموحه يكون رمـــة

التطوير بقى وش جـير والتنمية رصف وتشـجير

والطب حنه وزيت جـرجير وكله بيع ومافيش تأجـــير

بيع لدواعى السـفر اللى الشيطان منهم كفر

ومعروفين بالنــفر بس معاهم شيخ غفر

وطالبين تعين سـجانين ترزى وطباخ وعجانــين

ورؤساء تحرير للـجرانين يضحوا بأم لاجل جنــين

لو انتى شاطرة والأولـى طب ليه ايديكى معـلوله

وفاضية وعنى مشـغولة صبحتى امنا الغــولة

وبقت الناس الكسـيبة يارقاصات يا لعـيبة

يا رجال اعمال حبـيبة شياطين بسبحة وزبـيبة
السياسة مش اعــلانات كلمونا بلاش رنـات

ماتكسبوا فينا حـسـنات ماعندكوش اخوات بنــات

ادونى حزن من غير كـرب حبة شتيمة شبعت ضــرب

لو نص كفته وربع طــرب اروح فداكو بس فى حرب

ع الاقل اموت شــهيد زهقت من سوق العـــــبيد

ومن غير خبط أو تهــبيد ماترشونى بأى مبـــيد

ضايعة منى المحـفضة وجيوبى فاضية منـفضة

لو زعلانين م الفــضفضة يبقى انتوا خلق من الفضـا

مجدى (الضابط) كشك · #2 2011/04/18, 10:52 PM

والله ياحاج حمادة احلى حاجة--- ذكر الكفتة والطرب
بس اشم ريحتهم اخطفها من ايدك وقول الضابط اخذها وهرب

مشكووور على الطرح

sameh moka · #3 2011/04/18, 11:28 PM

هذه من أقول بقوس مرشح الرئاسة الجديد على يوتوب

hamadasat96 · #4 2011/04/19, 01:44 AM

والله ياحاج حمادة انت راجل زي العسل
فينك يانزار قباني تشوف الحاج حمادة حبيبي
بيجيب لنا من الاخر كلام مكتوم مفيش طريقة نعبر بيه
او مش عارفين
تحياتي ليك اخي وحبيبي الحاج حمادة
وللعلم انا كل ما اشوف رد ليك توحشني واخش ارد في مواضيع
تقبل مني ارق التحيات

سوق الدش بفاقوس · #5 2011/04/19, 02:41 AM

اقتباس:

المشاركة الأصلية كتبت بواسطة hamadasat96

والله ياحاج حمادة انت راجل زي العسل
فينك يانزار قباني تشوف الحاج حمادة حبيبي
بيجيب لنا من الاخر كلام مكتوم مفيش طريقة نعبر بيه
او مش عارفين
تحياتي ليك اخي وحبيبي الحاج حمادة
وللعلم انا كل ما اشوف رد ليك توحشني واخش ارد في مواضيع
تقبل مني ارق التحيات

و الله ياحمادة القلوب عند بعضها
انا كل لما اشوف رد ليك
اقول لما اشوف حمادة ابو سكندر عامل اية

@@@ محمد كمبيوتر @@@ · #6 2011/04/19, 08:51 AM

تسلم استاذى الكبير

انور حافظ احمد · #7 2011/04/19, 08:58 AM

مهيب الركن · #8 2011/04/19, 02:23 PM

ومجلس لابس العمه ونتن طموحه يكون رمـــة

اغبى حاكم فى العالم سرق معلقه من طبق الكشرى محدش خد باله
سرق طبق الكشرى محدش خد باله
سرق عربيه الكشرى ولما صاحب العربيه خد باله سجنه بتهمه تكدير الامن العام
حرامى غبى ، فيه واحد يسرق كل موارد بلد بحالها ؟
فعلا غبى ...

اسلام2010 · #9 2011/04/19, 04:03 PM

بجد تسلم الايــــــــــادى

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عمر جابر: عدم التفكير فى الأزمات المالية وراء الفوز على المصرى	نور المصطفى	نادى الزمالك	1	2013/12/25 08:45 PM
رسالة إلى الشعب المصري الحبيب	djallel	الفيدات	6	2012/07/11 01:27 AM
من غرائب الشعب المصرى	داليا الاميرة	الفكاهة و الغرائب و الطرائف و الصور	2	2012/05/03 01:35 AM
تحية الى الشعب المصري الشقيق	prencsat	الترحيب و المناسبات	7	2011/07/01 07:17 PM
اضحك مع الشعب المصرى	طه بغدادى	الفكاهة و الغرائب و الطرائف و الصور	8	2010/09/27 05:29 AM