[ahmed_cafamol]

السلام عليكم :D
معلش أنا مزهقكم معايا من السنة اللى فاتت :D
استحملونى
أنا الحمد لله اتعلمت كتير منكم فى الفترة اللى فاتت جزاكم الله خيرا و السنة اللى فاتت ركبت الطبق 180 و ضبطت المدار و كل ده و الحمد لله كان شغال كويس

من فترة قريبة حصل مشاكل فى السلك غالبا و الاشارة فصلت فأنا افتكرت انها فى الطبق و غالبا حركته تانى و حركت العدسة و حركت مكان الأذرع بتاعت العدسة (غالبا المدار لسه سليم)

المهم صلحت السلك و الاشارة رجعت تانى بس فيه قنوات كتير ضاعت و الترددات القوية بتاعت كل قمر هيا اللى بقيت بستقبلها و بعد لما كنت بستقبل الفيدات معدتش بستقبلها

فأنا دلوقتى عاوز أصلحه تانى بس من غير ما اطلع التليفزيون و كده فعملت اختبار للأقمار لقيت انى مستقبل الهسبا و مستقبل اموس و النايل و 7 شرق و 10 شرق و الأوروبى و عرب سات و التركى لحد الهولندى

بس فيه قنوات كتير فيهم واقعة و أنا مش عارف ليه و طبعا قمر استرا 28 مش بستقبله خالص ممكن علشان القطعة أو ممكن علشان فى المنصورة مش عارف الصراحة

الاستفسار بخصوص :

- هل دلوقتى المدار مضبوط و لا العدسة اللى مش مضبوطة فى بؤرة الطبق و إزاى أقدر أضبطها فى البؤرة ؟ مع العلم انا مش مستقبل قناة تونس اللى فى قمر اتلانتيك بيرد 12.5 ده معناه ان العدسة مش مضبوطة صح ولا ايه ؟

- هل قاعدة الطبق المرفقة بالصور دى ممكن تعمل مشاكل و لو عاوز اعمل ماسورة جديدة و اثبتها اقول للحداد ايه علشان يجيبلى ماسورة زيها ؟؟

- ـنت مش مستقبل قمر استرا 28 خالص هل ده مدار و لا علشان العدسة و المكان (المنصورة)

جزاكم الله خيرا

صورة القاعدة الاسمنتية ( كانت ملزقتش فى الارض معرفش ليه ؟؟ )



صورة الطبق من الأمام



صورة العدسة و أذرع العدسة

[عادل عامر]

تحتاج تثبيت القاعدة اولا ووزنها وبعد كدة تحتاج تظبيط لبولار الطبق سنة ييمين سنى شمال لحد ما تظبط الاشارة

[ahmed_cafamol]

طيب أجيب ماسورة أخرى قطرها كام ؟ وطولها قد ايه يا أستاذ عادل ؟
ثانى حاجة ليه ضبط بولار مهو ممكن ضبط العدسة ممكن البعد البؤرى مش مضبوط

[ahmed hassn2012]

من الواضح من الصور ان القاعدة الاسمنتيه مش ثابتة كويس لانها ممكن تميل او تتحرك تضيع المدار
عليك اولا اعادة تثبيت القاعدة الخرسانيه والاستاند بدون الطبق والبولار واتركها يومين وبعد كدة ركب الطبق وممكن تكون محتاج ضبط بسيط للمدار

[ahmed_cafamol]

طيب أجيب القاعدة منين ؟ الماسورة اجيبها منين و طولها كام و قطرها المفروض يبقى كام ؟
و هل العدسة مضبوطة فى البؤرة أم لا ؟ و أعرف ازاى ؟

[استشارى نافع]

المشاركة الأصلية كتبت بواسطة ahmed_cafamol

طيب أجيب القاعدة منين ؟ الماسورة اجيبها منين و طولها كام و قطرها المفروض يبقى كام ؟
و هل العدسة مضبوطة فى البؤرة أم لا ؟ و أعرف ازاى ؟

الماسور قطرها 3 بوصه وطولها 110-120سم زى ما انت عايز
من عند اى حداد بس خاليه يعمالك خوصتين من اسفالها او اى قاعدة قديمة عند اى فنى قديم او من اى طبق قديم

على فكرة القاعدة اللى عندك متحركه من مكانها...بمعنى انك تقدر تحركه من مكانها

[ahmed hassn2012]

الماسورة شغالة يا احمد
انت زى ما الاستاذ عادل قالك تعيد تثبيت القاعدة وتوزن الاستاند او
الماسورة بميزان ميه زى الصورة كدة راسى وافقى

[ahmed_cafamol]

تمام شكرا
بس بالنسبة لضبط العدسة أنا لقيتها على بعد 65 سم من الطبق
الطبق من الداخل حوالى 170 سم
و الطبق مش عميق
زى الصورة كده
فهل كده العدسة مضبوطة ؟؟؟

[ahmed hassn2012]

المشاركة الأصلية كتبت بواسطة ahmed_cafamol

تمام شكرا
بس بالنسبة لضبط العدسة أنا لقيتها على بعد 65 سم من الطبق
الطبق من الداخل حوالى 170 سم
و الطبق مش عميق
زى الصورة كده
فهل كده العدسة مضبوطة ؟؟؟

ايوة كدة مضبوطة على منتصف الطبق بعد ما تثبت القاعدة والاستاند
وانت بتضبط المدار قد تحتاج لف القطعة سنه يمين او شمال او سنه لفوق او تحت وهكذا

[ahmed_cafamol]

المشاركة الأصلية كتبت بواسطة ahmed hassn2012

ايوة كدة مضبوطة على منتصف الطبق بعد ما تثبت القاعدة والاستاند
وانت بتضبط المدار قد تحتاج لف القطعة سنه يمين او شمال او سنه لفوق او تحت وهكذا

تمام بس هحرك القطعة فوق و تحت تقصد أحركها بحيث أقربها للطبق أو أبعدها عنه يعنى أخليهى بعدها 63 سم مثلا أو كده و لا تقصد فوق و تحت ايه ؟
و لو الماسورة اللى عندى بها انحناءات ازاى اعرف اضبطها بميزان المياة ؟ هل استخدم قطعة خشب مستوية و اضعها على الماسورة ولا اعمل ايه ؟