[فوزى هارون]

انا عندى طبق 180 بريفكس قولت اعملو صيانه عشان الازرع بتاعته دابت وصدت وتاكلت فغيرتهم بس دلوقتى الطبق مابيجبشى اى اقمار بعد عرب سات 30 دا عيب ظبط ولا الازرع طويله ولا فى ايه مع انى بجيب النايل سات والاوربى واسترا 19 وعرب سات 30 وبعد كده مفيش اى اقمار ارجو الرد عشان انا عايز اجيب قناة دهوك ومش عارف انا اشتريت رسيفر اتش دى ومش عارف اجيب حاجه خالص وشكرا يارجالة مصراوى

[فوزى هارون]

اى حد يرد عليى يا حبايب لو تكرمتم

[hassan.shahen]

1- تاكد من اطوال الزراع بالمقارنة بطول الزراع القديم

2- اذا كان نفس الطول اضبط المدار جيدا

[فوزى هارون]

المشاركة الأصلية كتبت بواسطة hassan.shahen

1- تاكد من اطوال الزراع بالمقارنة بطول الزراع القديم

2- اذا كان نفس الطول اضبط المدار جيدا

شكرا على الرد ياغالى بس الزراع القدم اتكسر ورميته ممكن تعرفنى طول الازرع كام سم

[™Mr.Mahmoud™]

موضوعك ليس في قسمه الصحيح اخي الكريم
مكان موضوعك الصحيح قسم التركيبات
ارجو عند عمل موضوع ان يكون في قسمه الصحيح حتي يتم الرد عليك بسرعه
وحتي لايتم غلق الموضوع دون الرد عليك

منقول لقسمه للافاده

[استشارى نافع]

المشاركة الأصلية كتبت بواسطة فوزى هارون

شكرا على الرد ياغالى بس الزراع القدم اتكسر ورميته ممكن تعرفنى طول الازرع كام سم

قيس الابعاد زى الى فى الصوره دى
والاخوة هنا هيساعدوك ان شاء الله

[ahmed hassn2012]

زى ما استشارى نافع شرح لك
تقيس طول قطر الطبق من الحواف الداخليه وليس القطركله
وتقيس عمق الطبق من نقطة منتصف الطبق حتى نقطة الشريط الممتد لقياس قطر الطبق حدد القطر والعمق وسوف يتم حساب البعد البؤرى وطول الاذراع

[فوزى هارون]

ياجماعه انا عايز اعرف طول ازرع طبق بريفكس 180سم كام عشان انا مش فاهم الصور وانا هاقيس الأزرع اللى عندى وهاعدلهم علي المقاسات اللي هاتقولولى عليها وبعد كده نظبط الطبق من تانى وشكرا علي الرد والمتابعه

[عادل عامر]

الصورة وضحة يا غالى فيس الطبق من الحواف الداخلية للحلة مش من الحرف المتنى
وقيس العمق عن طريق شد خيط على وش الطبق او وضع مسطرة خشب او اى شىء عدل على وش الطبق وقيس من نقطة منتصف الطبق اللى بيبقى فيها خرم المنتصف االى الخيط المشدود على وش الطبق او الى المسطرة الخشب
وقلنا الناتج ونحسبهالك عشان تشتغل صح
وعلى فكرة انت عندك مشكلة فى ظبط البولار

[ahmed hassn2012]

تابع الصورة جيدا



الخط الازرق هو قطر الطبق حتقيس طول القطر من الجوانب الداخليه مش من الحواف الخارجية وداه افقيا بمتر ويكون مشدود
وزى ما الاستاذ عادل شرح لك هات خشبة او خيط مشدود وضعها على قطر الطبق وقيس راسى من نقطة منتصف الطبق حتى اول الخشبة او الخيط الممتد ويكون داه العمق
اكتب القطر كام والعمق كام واحنا حنحسب لك ان شاء الله البعد البؤرى وتعمل الدراعات على طول كام علشان يكون شغلك صح ويبقى لك بعد ذلك عملية الضبط

او زى الصورة دى

الخط الاحمر القطر والخط الاسود العمق

[mina sarwat]

بص يا ستاذ فوزى زى ما البشمهندسين قالوا لك ودى صورة تخليك تعرف تقيس عمق الطبق وقطرة

[حماد]

يا غالى الطبق بتاعك هايكون طول الذراع 78سم بدون التنايات.....

مع احترامى الكامل للجميع....

[فوزى هارون]

المشاركة الأصلية كتبت بواسطة ahmed hassn2012

تابع الصورة جيدا



الخط الازرق هو قطر الطبق حتقيس طول القطر من الجوانب الداخليه مش من الحواف الخارجية وداه افقيا بمتر ويكون مشدود
وزى ما الاستاذ عادل شرح لك هات خشبة او خيط مشدود وضعها على قطر الطبق وقيس راسى من نقطة منتصف الطبق حتى اول الخشبة او الخيط الممتد ويكون داه العمق
اكتب القطر كام والعمق كام واحنا حنحسب لك ان شاء الله البعد البؤرى وتعمل الدراعات على طول كام علشان يكون شغلك صح ويبقى لك بعد ذلك عملية الضبط

او زى الصورة دى

الخط الاحمر القطر والخط الاسود العمق

تمام يارجاله انا قيست زى الصوره دى تمام قطرالطبق بدون الحواف 165 سم وعمق الطبق 23 سم وانا شاكر جدا متابعتكم معى وانا اسف على التاخر على الرد وذلك لظروف السفر فى العمل وارجوكم الرد

[ahmed hassn2012]

وفقا للمعطيات السابقة
البعد البؤرى عندك 74 تقريبا
الدرعات ممكن تعملها 78 زى ما قال الاخ حماد
او تخليها 80 سم بالزيادة علشان حركة القطعة لاعلى واسفل بالفلانشة

[فوزى هارون]

شكرا يارجاله انا استعنت بالموضوع داhttp://www.masrawysat.com/vb/showthread.php?t=1394250
ولقيت عندى الزراع طويل 2 سم هل 2 سم يفرقو فى ظبط الطبق والمشكله اللى عندى فى الاساس الزراع طولو 80سم والمفروض يكون 78 سم هل الاثنين سم دو يفرقو فى مشكلتى