[youssef 80]

السلام عليكم
باختصار
شاب مـأجر محل فاتحه لبيع اكسيسوارات الكمبيوتر
و بيع اجهزة الدش
بقالنا كام يوم و شرطة المصنفات موجوده و بتلف و بالتالى بنقفل المحلات علشان منضررش

انا بوصفى لمحلى ايه اللى ممكن اعمله علشان احمى نفسى ؟


قبل كده من 4 سنين كان دخلى واحد بيسئل عن خطوط و طبعا مكنش عندى فقولت له مش بشتغل فيهم فراح قالى ممكن اشوف قولت له و انت مين قالى مصنفات
المهم ملقاش عندى فسئلنى عن فواتير الشراء اللى بشترى بيها البضاعة
فرديت عليه و قولت له انى عندى فواتير اللى بشترى بيها من محلات لانى مش بشترى جمله
فرد و قالى طيب عاوز فاتورة الذراع ده لجيم باد
فقولت له مهى فايدك فرد و قال لا انا عاوز اللى من المستورد
قولت له و انا هروح اشترى زراعين من المستورد
فحاب يشوف اسمى فى البطاقة و لما مسكها حطها فى جيبه
قولت له و بعدين قالى بعدين دى تعرفها لما تجيلى المركز

طبعا باسلوب الواسطة لاقيت قريب ليه جايبهالى بالليل و كان المقابل من قريبى انه جابلهم الغدا و العشا و كمان اللى يحلوا بيه بعد اللى ضفحوه لمدة يومين و اتلغى المحضر

ده حصل معايا لاكنى مش حابة
و حاليا فى مدينتى مدينة ادكو يوم الاحد و الاثنين و هما بيلفوا لدرجة انهم بيصورو بتارين المحلات و بيعملوا بيها محاضر و المحلات قافلة

طيب مهو لكده هنقعد فى بيوتنا و لا ايه اللى نقدر نعمله ؟
عن نفسى انا مش معترف بيهم فى شغلى لانه لو بيسئل عن حق الدوله فانت ليه من الاول متحطش ضرائبك و حقك من البضاعة اللى داخلة البلد
ولا الحكومة متقدرش تتكلم الا مع الشعب الغلبان
و طبعا متقدرش تفتح عينها قدام الناس اللى بيدخلوا البضاعة ؟
طولت عليكم عارف
لاكن
لو مسكت التجار الكبااااااااااار يعنى حوالى مثلا ال 1000واحد فمعناها انهيار الاقتصاد
اما لما يلف و يعمل 300000 او 400000 محضر
بعنى هيشغل بعددهم محامين يعنى هيشغل المحاكم يعنى هيدخل فلوس للدوله من الشعب
و تمشى الدنيا و الكل يشتغل و الغلبان هو الخسران لانه لا ليه ظهر ولا حتى بضن هههه
حسبى الله و نعم الوكيل

[احمد محمد 81]

نريد العدل
الــعــــــدل اســــــــــــــــــــــــــاس الملـــــــــــــــــــــــــــك

[العبدلله1984]

حسبنا الله ونعم الوكيل في كل ظالم

[ayman.elattar81]

العدل اساس الملك

[satytree]

حسبنا الله ونعم الوكيل في كل ظالم

[fnann]

حسبنا الله ونعم الوكيل في كل ظالم
هل فيه حل او طريقة قانونية

[midomorad222]

لاحول ولا قوة الا بالله العلى العظيم

[موجة حب]

اسطوانه ويندوز 97 الاصلى عشان تحمى الكمبيوتر
اما بالنسبه للريسيفرات فعليك انك تشيل من الريسيفر ابو لان الانه بتعته بعيد عن الكرتونه
وبكده مش هيقدر ياذيك

[elostaz]

حسبى الله و نعم الوكيل

[fnann]

المشاركة الأصلية كتبت بواسطة موجة حب

اسطوانه ويندوز 97 الاصلى عشان تحمى الكمبيوتر
اما بالنسبه للريسيفرات فعليك انك تشيل من الريسيفر ابو لان الانه بتعته بعيد عن الكرتونه
وبكده مش هيقدر ياذيك

طاب وايه الفكرة من الويندوز 97 الاصلي وليه الرسيفر ابو لان بالذات مش كل انواع الرسيفرات

[محمد السني1]

خلاص اسطوانه وندوز xp وشيل الوصله عشان انتا بتقوله ان ده بيشتغل بنت