[Trunks]

السلام عليكم
عندي طبق مركب عليه 4 اقمار اوروبي+نايل+اموس+استرا المهم كله شغال تمام الا الاوروبي اركب السلك مباشرة للقطعة يشتغل اوصله بالدايزك مايشتغلش غيرت الدايزك وغيرت القطعة وغيرت السلك وغيرت السلك من القطعة للدايزك وبردو مش شغال مش جايب اشارة خالص والتلاتة التانيين شغالين ميه ميه ياريت حد يقولي حل للمشكلة دي

[ahmed hassn2012]

انت غيرت القطعة الخاصة بالاوربى ؟
ممكن تعمل تبديل لمداخل الديزك يعنى تخلى الاوروبى 3 بدل من 2 مثلا وتخلى الاسترا 2 بدل من 3

[Trunks]

غيرت قطعة الاوروبي ونفس المشكلة
هجرب كده تغيير مداخل الدايزك

[james_love_3]

غير الدايزك وان شاء الله كله يشتغل تمام

[أحمد محمد نصار]

واضح إن المشكلة فى نوع الدايزك. غير نوع الدايزك.

[المهندس كرم ستالايت]

غير الدايزك

[استشارى نافع]

المشاركة الأصلية كتبت بواسطة Trunks

السلام عليكم
عندي طبق مركب عليه 4 اقمار اوروبي+نايل+اموس+استرا المهم كله شغال تمام الا الاوروبي اركب السلك مباشرة للقطعة يشتغل اوصله بالدايزك مايشتغلش غيرت الدايزك وغيرت القطعة وغيرت السلك وغيرت السلك من القطعة للدايزك وبردو مش شغال مش جايب اشارة خالص والتلاتة التانيين شغالين ميه ميه ياريت حد يقولي حل للمشكلة دي

لو انت متاكد من الديسك
يبقى راجع على الاعدات الديسك من داخل الرسفير..بمعنى رقم 1
الاروبى ويكون فى المدخل رقم 1 فى الديسك
وممكن تكون قفل على القمر نفسه من الاعدادت الديسك

[Trunks]

شكرا علي المساعدة بس انا عملت كل حاجة وبردو الهوتبيرد مش عايز يشتغل غيرت الدايزك وغيرت مكانه مع النايل سات النايل سات اشتغل وهو مش عايز يشتغل جربته من غير دايزك شغال

[عادل عامر]

عن تجربة السبب الديزك
هات ديزك دريك هيشتغل

[Trunks]

والله يا استاذ عادل الديزك اللي جبته دريك

[ahmed hassn2012]

جربت تغير مداخل الاقمار كلها ساعات بيحصل تعارض

[hamid20]

كان عندى نفس المشكلة وكان السبب هو السلك اللى متوصل من القطعة للدايزك
راجع على السلك دا او غيره خالص

[العشماوى]

ممكن يكون قطعه اخرى هى اللى عامله مشكله
جرب تركب الاوربى لوحده فى الديزك وجرب ثم جمع قمر واحد بعد التانى لكى تصل للمشكله

[ahmed hassn2012]

المشاركة الأصلية كتبت بواسطة العشماوى

ممكن يكون قطعه اخرى هى اللى عامله مشكله
جرب تركب الاوربى لوحده فى الديزك وجرب ثم جمع قمر واحد بعد التانى لكى تصل للمشكله

تمام ممكن يكون داه السبب طالما انك غيرت القطعة والسلك والديزك

[Trunks]

حاجة غريبة بدلت سلك قطعة الاوروبي بسلك قطعة النايل سات وسبحان الله الاتنين اشتغلو