[magdy11122]

جددت حملة «ثورة الإنترنت» مطالبها بمقاطعة شركات المحمول اعتراضا على تردي الخدمة، وأطلقت دعوة ثانية لغلق التليفونات المحمولة، غدًا الخميس، من الساعة الرابعة عصرًا حتى الحادية عشرة مساءً تحت شعار «مليون موبايل صايم».

وطالب المنظمون للفاعلية عبر صفحتهم على موقع التواصل الاجتماعي «فيس بوك»، اليوم الأربعاء، بتفعيل المشاركة في المقاطعة من خلال إرسال رسائل عبر واتساب وفيبر، مضمونها: "يوم الخميس 9/ 7 تاني مرحلة من المقاطعة #مليون_موبايل_صايم هنقفل تليفوناتنا أو هنعملها وضع الطيران من الساعة 4 مساء لحد الساعة 11 مساء، اعتراضًا على سوء خدمات الاتصالات والإنترنت، الـ7 ساعات دول لو تمت على نطاق كبير الشركات هتخسر ملايين، وهتعرف إننا إحنا القوة وإن كلامنا هو اللي لازم يمشي، وغصب عنها أسعار النت هتنزل والسرعات هتزيد زي ما ثورة الإنترنت طلبت، ماتسكتش على حقك وماتكونش سلبي.. ماتوقفش الرسالة عندك ابعتها لكل صحابك".

وقال مصدر بإحدى شركات المحمول، فضل عدم ذكر اسمه، إن "الحملة السابقة التي شنتها صفحة (ثورة الإنترنت) لم يكن لها تأثير ملحوظ على الشركات خاصة أنها ترتبط بساعات ذروة وخلال شهر يتسم بالاستخدام المرتفع للمحمول"، مشيرًا إلى أن "مستخدمي المحمول في العادة يدفعون مقابل استخدامهم مقدما عن طريق كروت الشحن أو الفواتير المحددة القيمة".

وأضاف المصدر، أن "شركته لم تتمكن من قياس مدى الاستجابة من مشتركيها على الحملة السابقة، وهو مايثبت عدم فاعليتها"، متوقعًا أن "تشهد هذه الحملة فشلا ذريعا خاصة مع ما وصفه بتحسن في مستوى الخدمة".

[™Mr.Mahmoud™]

ولا دي كمان هيكون ليها اي تأثير

[magdy11122]

يعم بس الكل يقفل المحمول فى الميعاد المحدد وانشاء الله خير

[حمدى العسالى]

على الله تعمل حاجة

[طارق الجميل]

ياعم نقفل المحمول وصدقنى هتسمع بس
الناس تتجاوب ومش كل واحد هى جات عليا
ايوه ياسيدى جيت عليك خليك معانا

[ماهرعمر]

على البركة
المطلوب الكل يشيرها على صفحات
التواصل الاجتماعى

[hamdy1959]

على البركة إن شاء الله

[asd7777]

إن شاء الله هغلق التلفون خالص واكيد هتجيب نتيجه

[kaseb1970]

ان شاء الله هاتجيب نتيجة ولازم جميعا نتضامن ولانياْس











ء

[ashraf2013]

نعم للمقاطعة لتحسين الانترنت في مصر الكل لازم يشارك ويوافق علي طلب المقاطعة حتي تتحسن الخدمة او نظل كما نحن محلك سر لا رأ ي لنا في اي شئ وكل شئ يظل مفروض علينا الي الابد قاطع المحمول لتحسين جميع الخدمات

[hassan.shahen]

ان شاء الله هاتجيب نتيجة ولازم جميعا نتضامن ولانياْس وان مجبتش المرادي تجيب المرة الجاية

[adoool]

احنا معاها بلاش احباط

استرجل و اقفل تليفونك

خسرهم


متضيعش حقك

بياخدوا فلوسك و بيعملوا بيها اعلانات

و يقولك بنخسر

[ELSAYED 3ATEF]

الموضوع خارج عن اختصاص القسم
ولذلك مغلق
وانا شخصيا وامثل رأيي الشخصي وليس رأي المنتدي
متضامن مع الفكرة وهاغلق الموبايل في الموعد المحدد