[crespo_606]

السلام عليكم

مشكله غريبه ..قنوات في تردد غير ترددها ..وقنوات مش عارف انزلها ؟؟

مودرن كوره علي تردد

11216


لاقتها نزلت باقه اللي فيها CNN

دي الصوره




ايه العمل ؟؟؟

المشكله دي ظهرت بعد ماعملت ضبط مصنع امبارح ...

انا علي سوفت 3.43

[احمد خميس شيحة]

مع الجوكر توقع اى شيى

[love_m]

اخي العزيز تردد مودرن كورة هو 11219 يعني لا يوجد اختلاف بينه وبين 11216 مافي مشكلة اخي

[crespo_606]

تردد cnn

12073

ايه جاب ده لــ 11219

؟؟؟

فهمت المشكله

[crespo_606]

[color="red"]مفيش حل للمشكله دي؟؟؟؟؟[/color]

[mr.helmy]

اعتقد والله اعلم ان القمر اتلانتك بيرد 2 الذى يلتصق بشدة بالنايل سات من ناحية الغرب هو السبب حيث ان الجوكر اذا برمجته بالبحث الاعمى يلتقط بعض الترددات الخاصة باتلانتك0 وكلما كان الطبق منحرفا نحو الغرب اكثر كلما ارتفع عدد الترددات الملتقطة من القمر اتلانتك0 ومن ناحية اخرى فان لكل ريسيفر نسبة فى التردد يسمح فيها بتكرار البرمجة قد تصل الى + - 4 درجات0 واشكر لك صبرك على والحمد لله رب العالمين

[أ/حــمــاده الــجــوكــــر]

اخوانى اخوانى الكرام

الاخ كريسبو برجاء مراجعه هذا الموضوع والتاكد من الاعدادات لان التردد نزلته ولم تنزل معاه قناه cnn وقناه مودرن كوره نزلت بالفعل


حصريا على مصراوى سات شرح (بالصور + فيديو) لكيفيه ضبط الدايزك(DiSEqc) على الجوكر بالتفصيل

‏

[sayd mentawy]

اخى تاكد من اعدادات اللاقط

[mobinil2002]

أنا عندي تقريبا" نفس المشكلة بس بطريقة تانية أني بحط التردادات والقنوات سواء مفتوحة أو مشفرة بتنزل بس ما بتشتغلش علي سبيل المثال أنا حطيت التردد 12265 h علشان الجزيرة الرياضية HD2 نزلت بس برضه ما أشتغلتش وحطيت التردد بتاع مودرن كورة وبرضه ما أشتغلتش .
ملحوظه ممكن تكون مهمة وهي أني عندي نايل سات والقمر الأوربي والعرب سات.
علي فكرة أنا كنت كتبت قبل كده والأستاذ حماده رد علي وسألني أذا كنت منزل ملف قنوات للجهاز وجاوبته بس للأسف ما ردش عليا لحد دلوقتي .
ياريت حد يرد علشان الكلاسيكو بكرة علي HD2
نسيت أقول أني جهازي جوكر v1 والسوفت 3.43

[مصراوي متواضع]

المشاركة الأصلية كتبت بواسطة mobinil2002

أنا عندي تقريبا" نفس المشكلة بس بطريقة تانية أني بحط التردادات والقنوات سواء مفتوحة أو مشفرة بتنزل بس ما بتشتغلش علي سبيل المثال أنا حطيت التردد 12265 h علشان الجزيرة الرياضية HD2 نزلت بس برضه ما أشتغلتش وحطيت التردد بتاع مودرن كورة وبرضه ما أشتغلتش .
ملحوظه ممكن تكون مهمة وهي أني عندي نايل سات والقمر الأوربي والعرب سات.
علي فكرة أنا كنت كتبت قبل كده والأستاذ حماده رد علي وسألني أذا كنت منزل ملف قنوات للجهاز وجاوبته بس للأسف ما ردش عليا لحد دلوقتي .
ياريت حد يرد علشان الكلاسيكو بكرة علي HD2
نسيت أقول أني جهازي جوكر v1 والسوفت 3.43

حبيبي واخي في الله/mobinil2002
اولا اتأكد من ضبط الاقمار مع مدخلها بالديزك
ثانيا تذهب الي القمر وليكن نايل سات وتدخل علي البحث اليدوي وعلي اليمين في الترددات تنظر جيدا للترددات وليكن مثلا تردد 12265 ممكن تلاقي التردد مكتوب مرتين وليكن 12262-12265
لو لاقيت هكذا الترددات يبقي لايمكن ان تشتغل اي قناة علي هذا التردد الا لما تحذف الترددين وتقفل وتفتح الريسيفر وتكتب التردد ولكن دع نسبة الترميز كما يلي 27498 وليس 27500 وان شاء الله ستعمل معك القنوات وهذا عن تجربة
وتقبل رأيي ولك مني تحيتي

[mobinil2002]

أن شاء الله هجرب وما خبيش عليك أنا زملكاوي كبير زيك
" اللهم أنصر الزمالك دائما" وأبدا" "
أن شاء الله حارد عليك في كل الأحوال خلال ربع ساعة علي الأكثر

[mobinil2002]

بس نسيت أساألك أزاي اتأكد من ضبط الاقمار مع مدخلها بالديزك وشكرا"

[مصراوي متواضع]

المشاركة الأصلية كتبت بواسطة mobinil2002

بس نسيت أساألك أزاي اتأكد من ضبط الاقمار مع مدخلها بالديزك وشكرا"

اسف علي التأخير
بص ياسيدي
انت هتروح لبحث القمر عادي
من انستليشن هتبص تحت هتلاقي مكتوب بالانجايزي دايزك الرقم المكتوب امامها علي اليمين هو رقم ترتيب دخول القمر علي الدايزك وكل قمر له رقمه
يعني لو انت عامل النايل رقم 1 والاوروبي رقم 2 والعربسات رقم 3 فوق عند الطبق في مدخل الدايزك يبقي لازم تخليهم كذلك بنفس الترتيب في الديزك عندك في الريسيفر
يارب اوكن قدرت اوصلك قصدي وانا متواجد معك

[أ/حــمــاده الــجــوكــــر]

المشاركة الأصلية كتبت بواسطة mobinil2002

بس نسيت أساألك أزاي اتأكد من ضبط الاقمار مع مدخلها بالديزك وشكرا"

حصريا على مصراوى سات شرح (بالصور + فيديو) لكيفيه ضبط الدايزك(DiSEqc) على الجوكر بالتفصيل

[amrlion]

يا جماعه دى مشكله معروفه فى الجوكر

تعمل بحث على تردد تلاقى قنوات تانيه بقت مش شغاله

وتلاقى اسمها موجود بس ترددها تردد القنوات اللى كنت بتنزلها

الحل بسيط


عند البحث اعمل تمكين لبحث الشبكه

وسيبه لغاية ما يخلص خالص


مش هيبقى فيه مشكله