[mohamed mangod]

ارجو من سياتكم شرح طريقة اصلاح دوائر البور الخاصة بالرسيفرات مع شرح طرق الصيانى المتبعة عند اصلاح هذة الدوائر دون اللجوء الى استبدالها مع خالص تحياتى

[مهندس محمودعبدالحميد]

اخى الفاضل موضوع بسيط وسهل للفنى اما للمبتدئ فدى بتبقى صعبه شويه وعلى العموم الطرق كلها واحد واهمها التاكد من وصول الفولت الى مكثف البور الكبير وهو يتراوح ما بين 260 فولت dc الى 320 واذا كان واصل الفولت نقوم بالتاكد من خرج البور من بدايه الايسيه الى خروج الدائره نفسها وهذا عن طريق قياس المقاومات المغذيه للايسيه المنظم للجهد وفى معظم الاحيان تكون سليكونات خرج الشوبر بها شورت مما يؤدى الى كتم الفولت على الايسيه وخرج الدائره وطبعا اول حاجه نعملها بنقيس الفولت على المكثف الكبير وان وجد نتاكد من السليكونات المذكوره وان كانت سليمه وكل مقاومات التغذيه الخاصه بالايسيه سليمه نقوم بتغيير الايسيه نفسه

[mohamed mangod]

الف شكر استاذى الفاضل وكنت فين حضرتك من زمان ولكن لدى استفسار بسيط فى حالة وجود الفولت على الايس الخاص بدائرة البور وعدم وجود خرج وجميع السلكونات سليمة تكون الايسى كما ذكرت حضرتك تكون تالفة ولكن عند تغيرها تعمل شورت ولا تعمل الدائرة مطلقا الا يوجد بديل للايسي يكون اكثر جودة واطول عمر للدائرة ارجو الافادة وياريت يكون الشرح مرفق معة صورة توضيحية واسف على الاطالة واشكر حضرتك على ردك واهتمامك

[مهندس محمودعبدالحميد]

يا غالى بعد تغيير الايسيه ويتضح وجود شورت هذا دليل على تلف الايسيه الجديد نفسه لانك موضح ان الفولت بيبقى على الايسيه القديم مع مراعاه عدم وجود الشورت عليه يبقى كدا المشكله فى الايسيه الجديد اما تالف واما راكب معكوس واما انه ليس مطابق للايسيه القديم

[mohamed mangod]

اعلم هذا جيدا اخى الفاضل ولكن كما تعلم حضرتك ان اكثر قطع الغيار اليوم بتيقى مضروبة او انت وحظك فبدل الواحد ما يجيب الايس ويطلع بايظ يبقى لو فية طريقة تعديل متهيالى تكون افضل ارجو الافادة وجزاك الله كل خير على تعبك معى

[خالدعصر]

ادخل هنا ياغالى وحضرتك تستفيد اكثر

[نورامحمد]

اقسم بالله السؤال اللى كتبه ما ينفع يتجاوب عليه الا بكتاب كامل عن صيانة بور الريسيفر

وطرق الكشف عنها واصلاحها




ارهقت نفسك اخى الفاضل المشرف لانه محتاج صياغه مختلفه

[خالدعصر]

ياغالى اللى حضرتك طالبه فى المشاركة رقم 6

[مهندس محمودعبدالحميد]

المشاركة الأصلية كتبت بواسطة نورامحمد

اقسم بالله السؤال اللى كتبه ما ينفع يتجاوب عليه الا بكتاب كامل عن صيانة بور الريسيفر
وطرق الكشف عنها واصلاحها
ارهقت نفسك اخى الفاضل المشرف لانه محتاج صياغه مختلفه

مفيش ارهاق يا غالى ودا واجب علينا جميعا وكان من الافضل انك ترد برد يليق بالموضوع افضل من ردك هذا لان الاخ صاحب الموضوع طلبه بالنسبه ليك سهل اما بالنسبه ليه يود ان يتعرف عليه ومن واجبنا نحن ان نرشده الى الطريق الصحيح وتقبل تحياتى يا غالى

[zezo33]

مصراوى سات رمز العطاء بلا حدود
تحياتى لك يابشمهندس على العطاء

[mohamed mangod]

استاذى الفاضل لقد تعبت جدا معى فى هذى المشاركةولكنى عاجز تماما عن شكر حضرتك لان الاستاذ الذى قدم المشاركة رقم 6 افدنى تماما فيما كنت ابحث عنة ولكن برضة الواحد لا يقدر ان يقف عاجز اما م انسان محترم زى حضرتك افادتة كثيرا بشرحاكثر من متميز بجد انا بشكر حضرتك على ما قدمت لى من مساعدات فى هذا الموضوع كما تاتقدم بالشكر لللاخ فى المشاركة رقم 6 على ما قدم من شرح وافى لطرقة التعديل اشكركم جميعا واتمنى لكم مزيدا من التقدم والرقى والتميز

[مهندس محمودعبدالحميد]

لا شكر على واجب اخى الفاضل وفى خدمتك دائما باذن الله سبحانه وتعالى

[احمد سمير]

شكرا لكم اخوانى

[alaa mohamed abdalla]

شكرن جزيلن على هزية المجهودات العظيمة

[alaa mohamed abdalla]

ارجو دائرة بور تيلفزيونسونى34 بوصة no kvs34mh1