[alaasat1]

نصيحة للكل لا تشرو ريسيفر H5 لانه زباله وجميع منتجات عبد العال ملهاش ضمان الجهاز لا يختلف عن H3 PLUS وطبعا كلنا لسه ما فقناش مش الخزوق الاول اعطال الاشارة والقنوات البتروح وتيجى بمزاجها وده شكوى ناس كتير ومش عارفين ليها حل والمفروض البيه المستورد يكون عنده لنا حل بدال ما كل يوم جهاز جديد خليكو شغالين فى الاجهزه المحترمه نصيحه لوج الله انا ولا قابض وليه مصلحه وشارب جهازين ودافع تمنهم للزباين اقسم بالله جهاز H3 فصل فيديو وكان عطل بروسسور والتانى بعد شهر قنوات بتروح وتيجى وممكن يشتغل كله غيرت اى سى اشاره وتيونر وكذا تحويل ولا حيات لمن تنادى
منتجات عبد العال كانت كويسه لحد كيوماكس فرجن 8 9 2 USP الله على ما اقول شهيد وطبعا عارف الموضوع هيتقفل بس حبيت اوضح للغلابة واصحاب المحلات

[alaasat1]

صباح الخير أحبائى الكرام،بعد اقتنائى جهاز الكيوماكسH5 ,منذ عدة أيام،وجدت ان الجهاز به العديد من النقاط أضعها بين اياديكم لأطلاع عليها قبل إتخاذ قرار الشراء من عدمه،اولها،ملاحظتى وجود قائمة youporn ومشفرة بكلمة سر ،لكن لحسن الحظ لا تفتح ،لكن كان ينبغى الغائها من الأساس،لوحظ أيضا البطئ النسبى عند فتح القناة عند التحول من قناة لأخرى،بالمقارنة بأجهزة أخرى وموديلات سابقة للشركة،وهذا لم نعهده من الوكيل او البراند يعنى،ثانيا وهو الأهم هو التهنيج أحيانا عند التحويل ببعض قنوات الأتش دى أو إعطاء اوامر سريعة للجهاز او تفعيل خاصية اظهار الترجمة والغير مفهومة (خاصة انه طبعا مابيترجمش حاجة),,, وهذا ما أثار حفيظتى وغضبى لأنى راسترت الجهاز اربع خمس مرات خلال ليلة واحدة،أثناء اجراء إختبار جودة للجهاز،ثالتا،تهنيج برضه أثناء اختيار تغيير الصوت والتحول من الأيطالية لأنجليزية مثلا وعدم وجود الصوت الا بعد التحويل لقناة أخرى والرجوع!!! كل الكلام دا جديد بالنسبة لى،ومعناه ضعف التصنيع ( نسبيا ) والدليل على هذا ,الصورة التى توضح فرق الحجم بين الكيوماكس جولد 2009 والكيوماكس الأتش فور 2014 وإنتهاء بالفايف 2015

دا حتى إختيار قناة المشاهدة من القائمة،لا بد من النقر مرتين على اسم القناة،،،،،وعليه،كان الأجدر للشركة ان تتريث ولا تتسرع بطرح الجهاز بالأسواق للمستهلك قبل إجراء الإختبارات الكافية للتأكد من جودة المنتج،بس على فكرة الموضوع مش صعب حله بالتأكيد،لأن اى سوفت كويس يعالج المشكلات دى كلها،لكن الجهاز فى خاصية كويسة وهى ظبط الصوت لكل قناة على حدا،volume per channel , وتفيد فى القنوات اللى صوتها عالى اوى او العكس،ويوجد حاجة اسمها samba menu, نرجو توضيح معناها او وظيفتها إيه من مشرفى القسم،عموما لن استعجل الحكم النهائى على الجهاز قبل صدور سوفت وير اخر،تحياتنا العطرة

[الاطونى]

انا بقالى سنه عامل مقاطعه لاجهزه عبد العال اصلا

[الامبراطور محمد]

كلامك سليم 100% يا غالى

[alaasat1]

المشاركة الأصلية كتبت بواسطة الاطونى

انا بقالى سنه عامل مقاطعه لاجهزه عبد العال اصلا

معلش بتعلم بس فعلا مش مدخل المحل اجهزته تانى بس اخلص الشويه بتوعه وهشتغل فى الاجهزه المحترمه زى ترومان وستارسات هيبر وسوبر ماكس حاجه ليها ضمان ومرتجع مش علشان 10 ج + 10 ج سوفت اشرب الجهاز

[alaasat1]

ارجو من الادارة عدم غلق الموضوع لان الادارة مش مستفاده حاجه تانيا تعبين المشرفين الاجلاء الكرام معانا بمشاكل ملهاش حل والقسم مزدحم بمشكلات عديده بارك الله فى مصراوى وكل من يساعد فى علاج وحل مشكلة وكلنا عارفين انه لوجه الله وشكرا خلينا ننصح الناس الدال على الخير كفاعله
وخلى اليعمل ملاين يشوف ويجرب الحاجه وضمنها قبل ما يبلى الناس بيها حسبنا الله ونعم الوكيل

[م/ احمد عنتر99]

انا الحمد لله مبطلها نهائى لو ببلاش حتى

[♠♠ abo malak ♠♠]

المشاركة الأصلية كتبت بواسطة احمد احمد عنتر

انا الحمد لله مبطلها نهائى لو ببلاش حتى

يا خساره يا احمد شكرا لك

[alaasat1]

المشاركة الأصلية كتبت بواسطة احمد احمد عنتر

انا الحمد لله مبطلها نهائى لو ببلاش حتى

تعيش فى سلام وتكسب بدال ما الناس تزعل منك وتخصر فلوس

[ابوحمد سرور]

ممكن اعرف افضل اجهزة ريسيفر بنت من ريسيفرات عبدالعال تكون نفس الاسعار او اغلى شوايه

[sobhy1]

مفيش احسن من استار هايبر 2000

[WOLF ELMASRY]

ربنا يوقف حال عبدالعال

[amr shabaan]

ازاى اعضاء منتدى مصراوى سات مش يكونوا لعبة فى ايد موزعين الريسيفرات ووكلاء الشركات ........ كل وكيل عن شركة معينة يفضل يطلع عيوب الريسيفرات المنافسة واحنا مش عارفين مين الصح ومين الغلط لحد ما نلبس ونشترى

[alaasat1]

المشاركة الأصلية كتبت بواسطة ابوحمد سرور

ممكن اعرف افضل اجهزة ريسيفر بنت من ريسيفرات عبدالعال تكون نفس الاسعار او اغلى شوايه

تايجر شوف حاجه ليها ضمان ومرتجع
دراك 7500 hd 3d

[احمد الرحيمى]

انا اشتريت h5 وبصراحة جدهاز ائع ولا يوجد تقطيع ف قنوات hd ***** سريع جدا ف فتح القنوات فاتح **** 6شهور العيب الوحيد هوا youporn ومش شغالة ودا الافضل وياريت يبقا فية سوفت كاسر بين سبورت وان شاء الله عمالقة مصراوى سات هيلاقوو حل وشكراا