[hamid20]

هل من الطبيعى وجود ماس فى سلك الدش ؟؟؟
لانى لما حاولت اركب العدسة الجديدة بيكون فيه ماس فى السلك فمش عارف دا طبيعى ولا ايه ؟؟

[arnoob2009]

وانا كمان قابلني الموضوع ده قبل كده مره ياريت نلاقي اجابه للموضوع ده من محترفين القسم

[باسم عادل]

حصلت معاياااااااا
كان ماس خفيف
و فجاأأأأأأأأة
و الفولت على
و ايدى كانت ماسكة الطبق
و ايدى التانيه ماسكة العدسه
و الكهربا خبطتنى فى الارض
و ربنا ستر و انكتبلى عمر جديد
دورت بقى فى المشكله
عرفت ان المشكله فى التليفزيون
كان معمول فيه تعديل فى دائرة الاوديو و الفيديو
فطلع كهربا زيادة للرسيفر
عن طريق كابل الاوديو و الفيديو
و الريسيفر طلع الفولت للعدسه عن طريق سلك الدش
و انا اخدت المقلب المحترم اللى طلع من نفوخى

غالبا هتكون المشكله فى دائرة الكهربا فى التلفزيون
اذا كان الفلوت زااايد
لكن المعدل الطبيعى 18 فولت اقصاه
اكتر من كده يبقى المشكله من التلفزيوون
و خدوا بالكم على نفسكم يا جماعه
الموضوع خطير
انا كنت هروح فيها

[amrlion]

طبعا لازم

لان فيه كهرباء فولت قليل طالعه من التيونر الى القطعه

[باسم عادل]

المشاركة الأصلية كتبت بواسطة amrlion

طبعا لازم

لان فيه كهرباء فولت قليل طالعه من التيونر الى القطعه

تمام المعدل الطبيعى 13 و 18 فولت
الخاصين بالافقى و الراسى
لكن لو زااااااد عن كده
يبقى ناخد بالنااااااا

[السيد الوحش]

المهم اى واح يكون بيظبط رسيفر او طبق يكون يكون لابس عازل (مداس) لان بدون عازل تحصل كهربا

[باسم عادل]

المشاركة الأصلية كتبت بواسطة السيد الوحش

المهم اى واح يكون بيظبط رسيفر او طبق يكون يكون لابس عازل (مداس) لان بدون عازل تحصل كهربا

كلامك صحيح
و انا كنت لابس مداس و الكعب كبير و عالى
و من الجلد الطبيعى
لكن المشكله كانت الكهربا طالعه عاليه من التلفزيون
تقريبا 220 فولت

[عادل عامر]

دا شىء عادى ولو انت لامس الارض وخدت ارضى تصعق صعقة خفيفة
وانا لما بحل السلك والريسفر شغال بقف على اى شى يعزلنى عن الارض

[عباس نصرابوزيد]

كتير حصلت معايا

[ahmed hassn2012]

بيحصل ساعات هذا الموضوع لدرجة ان الواحد لما يجرب بمفك تست ينور
المشكلة دى سببها بعض الرسيفرات بيخرج كهرباء زيادة لسلك الدش

[gamal_317_ 20]

امر طبيعى وغير الشحنه الى فى جسم الواحد