[ELSAYED 3ATEF]

ارجو من المشرفين والا عضاء الاكثر دراية بالفلاشات وتفكيك الباتشات التعاون لاعادة الدونجل المنتهي الصلاحية مرة اخري
والحل يكمن في امرين اثنين

الاول سحب فلاش حديث للدونجل واعادة تجربته علي جهاز منتهي الصلاحية وان لم يعمل يفكك الباتش ويتم العمل علي تغيير السيريال او بالاصح تغيير اليوزر اي دي الخاص بالدونجل واعاده شحنه مرة تانية

الثاني تحويل الجهاز الي اي نوع اخر من الدناجل حتي لو بتغيير الفلاشة

الامر مهم للغاية
بعض الانواع ستنتهي صلاحيتها في 20-7-2010 والبعض الاخر سينتهي يوم 30-11-2010 وبعضهم ممتد الي 3-2011

فنرجو التعاون والعمل لايجاد حلول



هذه الصورة توضح انتهاء هذا الدونجل يوم 15 -6 -2010

[مان كيند]

ياعم السيد انا منش فاهم الصلاحيه بتتمد بالسوفت نفسه زى الميكروبوكس وقفو السوفت فترة وقفل وبعدين نزل له سوفت واشتغل ولا انت قصدك ان السوفت ينزل على الاى دى بتاع الجهاز اللى انا فاهمه طول مالسوفت بينزل التايمر شغال

[مان كيند]

ياعم السيد انا مش فاهم الصلاحيه بتتمد بالسوفت نفسه زى الميكروبوكس وقفو السوفت فترة وقفل وبعدين نزل له سوفت واشتغل ولا انت قصدك ان السوفت ينزل على الاى دى بتاع الجهاز اللى انا فاهمه طول مالسوفت بينزل التايمر شغال

[ELSAYED 3ATEF]

شوف يا مان الصورة المرفقة هتلقي فيها تاريخ 15-6-2010 التاريخ ده قصاد كلمة Expired Deate وده يعني تاريخ الانتهاء

المفروض اننا اول ما نشتري الدونجل يشتغل من اول مره يشتغل فيها علي اي قمرشيرينج مدة ( سنة ) دا اذا مكنش اتجرب في المحلات اما لو كان اتجرب فبيشتغل سنة من اول يوم هما يجربوه

وخد بالك السوفتوير ملوش علاقة خالص بمد فترة الصلاحية الشركة بس مالكة ******* هي اللي بتقرر تمد الصلاحية او تبقيها علي ماهي عليه

نيجي للجزء المهم

التايمر نزل السوق المصري علي دفعات معظم الدفعات دي متجربين من المصدر) يعني ايه مثلا انا اشتريت دونجل في 2 - 2010 المفروض يبقي شغال لغايه 2-2011 لانه بيشتغل لمده سنه
لا الدناجل الي نزلت كان اخرها 30 -11 - 2010 يعني لو انته شاريه في شهر 2 اخره 30 - 11 ولو شاريه في شهر 4 برده اخره 30-11 الا اخر دفعتين لما الشركه شافت رواج كبير للمنتج نزلو اصدارات العداد بتاعها صفر يعني يعد من اول يوم يشتغل فيه عندنا

اما الدناجل اللي صلاحيتها انتهت هي اللي نزلت الدفعة الاولي
والتانيه 20 - 6
والثالثة 20-7
واللي بعدها 30-11
واللي بعدها 20-3 -2011
واللي بعدها من نفس يوم تشغيلك مدة سنة كاملة

اتمني ان اكون وضحت بعض الامور

[مان كيند]

يعنى ايه انتهت صلاحيتها مش بياخد السوفتوير انت سمعت عن تايمر انتهت صلاحيته وقفل فعلا وايه رايك فى فكرة عبد البر انك تحوله لدلتا فتره وترجعه تايمر يعد من الاول ولا ايه

[ELSAYED 3ATEF]

التايمر والدلتا واستار 1000 و فيجن اكس 100 ماجيك بوكس علي ***** واحد يا مان
يعني التحويل مش هيفيد في مد الصلاحية

[مان كيند]

انت قريت اشرف الجوهرى فى الرد على سوفت اليوم ان الدناجل اللى انتهت صلاحيتها تعمل على w6 يعنى مانتهتش ولاحاجه مش عارف لكن كله بتمد والا ينزلوا دنجل جديد مايخدش السوزفت بتاع القديم زى Y4 5 6

[ELSAYED 3ATEF]

الرد بيقول انه شغال علي الاجهزة التي لم تنتهي صلاحيتها اما المنتهية طبعا مش هيشتغل

[مان كيند]

وممكن يسحبو فلاشة واحد شغال وينزلوها للى مش شغال ولا لا ثم انت مقولتش انت عارف تايمر انتهت صلاحيته وقفل فعلا ولا ماشفتش

[khodary]

اخوانى الاعزاء
اهلا بكم
حواركم هذا شدنى جدا للدخول معكم فى محادثه ارجو ان يستفيد منها الجميع
الاخ ( مان كيند ) انا بشكرك بشده على مجهودك فى القسم ومتابعه حاله الشيرنج
باستمرار .
بالنسبه لكلام الاخ ( السيد عاطف ) بشأن انتهاء صلاحيه بعد الدناجل
سوف احاول جاهدا المساعده فى تبسيط الامر حتى يصل للجميع
من فتره طويله اى ما يقرب من سنتين تقريبا نزل الاسواق جهاز كان
فى وقته ( فاكهه ) الدناجل وانا اقصد بهذا الجهاز ( الميكروبوكس )
وقال الجميع عنه فى هذا الوقت انه معجزه وبالفعل عمل الجهاز لفتره عند
كل من اشتراه وسألت احد التجار الكبار عن مده عمله قال سنه منذو ان تضع
جهازك فى الكهرباء ويبدأ الاستقبال لان لكل جهاز من هذه الاجهزة سيريال يتعرف
عليه من يبث الداتا الخاصه بهذا الجهاز والسريال هذا يرشدهم الى تاريخ استعمال
هذا الجهاز وفكره هذا السريال تشبه الى حد كبير كروت الجزيره وart فكل كرت مسجل
له تاريخ بدايه ونهايه .
ولكن لم يكمل جهاز الميكروبوكس عمله كما عرفنا لمده سنه ولكنه توقف بعد شهرين
من نزوله الاسواق وبدأ مسلسل السوفت الجديد والتقطيع المستمر ثم انقطع تماما
وظل متوقف يقرب من 8 اشهر تقريبا ثم عاد فجأه بسوفت جديد وبقوه واستمر يعمل الى
الان دون وضع وقت لتوقف هذا الجهاز سواء الموديلات القديمه او الحديثه
ولكن الوضع يختلف تماما بالنسبه لدنجل التايمر لانه منذو صدوره منذو ما يقرب من السنه تقريبا لم يتوقف
عن العمل سوى من فتره قصيره بدأ ايضا مسلسل التقطيع ثم التوقف ثم كل يوم
سوفت جديد كل يوم وكما يقول انه شغال علي الاجهزة التي لم تنتهي صلاحيتها اما المنتهية طبعا مش هيشتغل ولقد اتبعت الشركه سياسه ان تنهى الاجهزه القديمه وهذا حتى
يقوم الناس بشراء الاجهزه الجديده وهذا لانهم تأكدوا من دعم ومصداقيه عمل هذا الجهاز
وطبعا العمليه تجاريه بحته وسوف يأتى يوم يتوقف فيه دنجل الميكروبوكس و y6 وغيرهم
الكثير والكثير من الاجهزة ويصدر الاحدث والاحدث ........الخ
ولكن لى رأى اخر اخ عاطف الا وهو ان الشركه المصنعه للتايمر لن تسمح بأن يتم نسخ
فلاشه الاجهزه حديثه الاصدار الى الاجهزه المنتهيه والا لما كان هناك داعى لوقفها من
الاصل وانا اعتمد فى كلامى على لماذا لم تستمرالاجهزة التى تم تحويلها الى دنجل y6
فى العمل كما حدث فى السابق مثل تحويل ستاربورت 9400 وايضا سترونج وغيرهم
من الاجهزة ويرجع هذا الامر بان قامت الشركه بمطالبه مهندسين البرمجيات بعمل سفتوير يتفاعل مع الهاردوير الاصلي
دون غيره ومع اي سي يتعرف على هويه المذر بورد وهذا الايسي هو عباره عن دريم تشيب
محمي وعليه بروتيكت
ويطلب السفتوير من البروسيسر برؤيه نوع واحد من التيونرات
وبالتحديد التيونر الذي بداخله ic الاصلى لجهاز الدنجل رقم m88ts2808 وهذا الرقم غير موجود سوى بتيونر دنجل y6 على ما اعتقد وايضا هناك اوامر بالسفتوير ان لا يتعامل الا مع معالج واحد وهو معالج دنجل y6 الاصلي
يعنى خلاصه الكلام
يجب ان يكون هناك شروط بالهاردوير لتقبل السفتوير
1- المعالج
2- التيونر
3- دريم تشيب
هذا رأى والله اعلم ورسوله
ارجو ان لا اكون اطلت عليكم ولكن حبيت ان اوضح الامور لا اكثر ولا اقل
وفى انتظار اراء اخرى .
تحياتى للجميع .

[ELSAYED 3ATEF]

الف شكر مشرفنا الغالي علي تفاعلك معنا وان شاء الله نجد حل ونطرحه علي الجميع

[hany_dash]

مشكوووووووووووووووووووووووووررررررر

[krspo]

الف الف شكر اخى الكريم

[مان كيند]

تحت امرك ياغالى
بالنسبة لمعنى هذة الجملة
بالفعل فى اجهزة انته صلاحيتها
وعلشان نشغل هذة الاجهزة
بنحولها الى دلتا
ايه رأيك فى الكلام ده ياعم السيد من اشرف الجوهرى

[ELSAYED 3ATEF]

المشاركة الأصلية كتبت بواسطة مان كيند

تحت امرك ياغالى
بالنسبة لمعنى هذة الجملة
بالفعل فى اجهزة انته صلاحيتها
وعلشان نشغل هذة الاجهزة
بنحولها الى دلتا
ايه رأيك فى الكلام ده ياعم السيد من اشرف الجوهرى

بعد التجربة لا ولم ولن يعمل الا اذا قررت الشركة الداعمة