[حميد طاروطى]

عندى رسيفر استرا 9000 hdgold وعاوز ملف قنوات يكون عليه القمر الهولندى اللى فيه قناة دهوك اللى بتذيع الماتشات الاوروبيه لأنى ركبت الطبق على رسيفر تانى ومش عارف اشغله على الرسيفر بتاعى ولكم جزيل الشكر

[محمد الطوخى]

غير متاح قمر له ملف بيه القمر الهولندى
قف على القمر ياغالى والظبط الدايك
ثم ابحث بند او اعمى
هتنزل القناه بس انتظر مع البحث شويه

[حميد طاروطى]

موجود قمرين ku nss12وقمر su nss12 جربت ابحث على القمرين دول ما جبش حاجه. ويعنى ايه اظبط الدايك مش فاهم؟

[المايسترو]

المشاركة الأصلية كتبت بواسطة حميد طاروطى

موجود قمرين ku nss12وقمر su nss12 جربت ابحث على القمرين دول ما جبش حاجه. ويعنى ايه اظبط الدايك مش فاهم؟

يعنى القمر اشارتة بتيجى بعد حوالى 5 ثوانى او اكثر ولازم تكون محترف فى التركيب
خد التردد ونزلة على اى قمر سى كان الاوربى باسمة وهتنزل القناة بعد متظبط الطبق كويس

تردد 11190

معدل ترميز
1774

[حميد طاروطى]

يا باشا انا اصلا ركبيت الطبق على رسيفر تانى عليه القمر ونزلت قناه دهوك بالتردد 11188 ومعدل الترميز 2290 واشتغل تمام بس لما جيت اوص الرسيفر بتاعى الاسترا مش راضى يشتغل خالص جربت كل الطرق .وللاسف مش لاقى له سوفت فيه القمر الهولندى ده خالص

[HOKA5522]

المشاركة الأصلية كتبت بواسطة حميد طاروطى

يا باشا انا اصلا ركبيت الطبق على رسيفر تانى عليه القمر ونزلت قناه دهوك بالتردد 11188 ومعدل الترميز 2290 واشتغل تمام بس لما جيت اوص الرسيفر بتاعى الاسترا مش راضى يشتغل خالص جربت كل الطرق .وللاسف مش لاقى له سوفت فيه القمر الهولندى ده خالص

يا أستاذ حميد أولا تردد دهوك 11188 معدل ترميز 1774 انت كاتب معدل الترميز غلط
ثانيا لو القمر شغال علي دايزك لازم تعرف الديزك علي الريسيفر الاسترا بتاعك
ثالثا بعد ماتكتب التردد استني ثواني علي الاشاره
مع أطيب تمنياتي

[حميد طاروطى]

يا باشا انا شغلت القناه على التردد ده 11188 ومعدل الترميز 2290 على رسيفر واحد صاحبى كيوماكس اتش فور بلص. كنا منزلين له القمر من على المنتدى هنا واشتغلت تمام المشكله مش فى القناه المشكله فى القمر نفسه مش موجود اصلا على الرسيفر استرا9000 اتش دى جولد. يا ريت لو فى حل حد يقولهولنا علما بانى جربت كل الاقمار اللى على الرسيفر وكل الترددات اللى كتبتوها كمان ما فيش حاجه جت خالص واستنيت كتير كمان بعد ما بكتب التردد. وانا شغال من غير دايزك بالسلك مباشر على الرسيفر وشكرا

[م / سمير محمد]

القمر موجود على الجهاز باسم ku nss12

[حميد طاروطى]

جربت على هذا القمر ما فيش اى قنوات بتنزل بجميع الترددات وجميع طرق البحث علما بان الطبق متركب ومظبوط ومجربينه على رسيفر تانى وشغال تمام بس حتى على الرسيفر التانى مش شغال على القمرده احنا منزلين قمر تانى اسمه nss12 703

[محمد الطوخى]

اولا معدل الترميز اللى حضرتك بدخلو غلط واتبع الصور وانت تعرف
بص ياغالى وركز كلامى كويس جداااااااا
قف على قمر ku nss12
واظبط دايزك القمر كويس
ثم اختار اول اختيار فى البحث ( Bind scan) وهو موضح على اليمن جداا بالصوره المرفقه الاولى
وابحث وانتظر لحد ماينتى وهنتزل لك القناه ومعاه قنوات اخره ثم ينتهى من البحث
هتقف على القناه دهوك ثوانى وهتشتغل تمام
لو بقى فرضان مانزلتش مع البحث
يبقى ادخل التردد يدوى من جديد 11188 او 11189 او 11190
معدل الترميز 1775 او 1774
وبعد ادخل التردد انتظر 5 او 10 ثوانى لحد مايجيب اشاره معاك ومع تغير التردد او تغير معدل الترميز فى حين لو مجبش اشاره بعد فتره
موضح بالصوره رقم 2




بص ياغالى على التردد ومعدل الترميز والقناه شغاله قدامك اهى

[شوني سات]

بعد اذن الاستاذ محمد الطوخي
جرب ياغالي اكثر من تردد وابدء
11188
11189
11190
11191
ومعدل الترميز 1774
او1775
عن تجربه

[محمد الطوخى]

المشاركة الأصلية كتبت بواسطة شوني سات

بعد اذن الاستاذ محمد الطوخي
جرب ياغالي اكثر من تردد وابدء
11188
11189
11190
11191
ومعدل الترميز 1774
او1775
عن تجربه

ياغالى شكراا وهو ده اللى قولت له عليه

[حميد طاروطى]

شكرا أستاذ محمد الطوخى تم حل المشكله والقناه اشتغلت وشكرا كل الاساتذه اللى اهتموا بالموضوع وردوا عليا . شكرا جزيلا للجميع عذرا تعبتكم معايا. بس الحمد لله جه بنتيجه واشتغل القمر بعد ما كنت يأست أنا طبقت كلام الاستاذ محمد الطوخى واشتغل تمام. تسلموا يا رجاله .

[محمد الطوخى]

الحمدلله ياغالى ان اشتغل تمام
وشكراا على الافاده

[argawy]

متابعه اكثر من رائعه استاذنا محمد الطوخى ربنا يفرحك بالانسه ريماس