[aiman noor eldein]

- الأولانى : الزمالك عمل ايه امبارح ؟
- التــــانى : كسب تلاته واحد .
- الاولانى : يادى الوقعه .!!
- التـــانى : وقعه ليه بس ، كده كويس .!
- ازاى ؟
- خليه يطلع اول المجموعه ، علشان يبعد عننا فى الدورالقبل نهائى , وبعد كده يبأه يحلها الف حلال .
- وانت يا كوتش ضامن انك تطلع الاول ؟
- لو كسبنا الملعب المالى ، و النجم كسب الترجى بنفس النتيجه ، نتصدر المجموعة بفارق جونين .
- وايه ضمنك ان الترجى مش هيفوت المبارة و يعوض فارق الاوسكور لصالح النجم ؟
- فكرك يعمــــــلها ؟
- أكيد طبعا ، وما يعملهاش ليه ، يلعب بالعيال زى الجونة .!!
- ههههههه .. يعنى الاهلى علشان يضمن اول المجموعه لازم يجيب له 3 اجوان فى الملعب المالى .
- وده سهل ؟
- أكيد مش سهل ، الملعب المالى فرقه مش واقعه .!
- مين جاب إجوان الزمالك امبارح ؟
- احمد حمودى اتنين وكهربا واحد .
- حمودى ده يا ما قلنا عليه ييجى الاهلى وما فيش فايده ، الواد كان عايز ييجى وكلم طوب الأرض لكن الادارة صدرت العبيطه ، ودن من طين وودن من عجين .
- ومين بتقول جاب الجون التالت ؟
- كهربا .
- كهربا ده مش ابن الاهلى ؟! وسبناه قبل كده ببلاش ، مش هنبطل بأه الخصله الهباب دى ؟!! ، بس على فكرة عفارم عالزمالك بيعرف يجيب لعيبه صح .
- وانت خايف تلاعب الزمالك ليه ؟
- مش حكاية خوف يا معلم ، بس لو لعبتا مع اورلاندو ، و اتغلبنا لا قدر الله ... عادى ، ماتش وراح وبطوله وراحت ، الدولاب مليان ، لكن لو خسرنا من الزمالك مش هنخلص من لسان مرتضى منصور وجمهور الزمالك الطيب خصوصا السنيور و ياسر عرفة بتوع مصراوى سات .!
- يالطيف ... يالطيف .. ربنا يستر .!
- صحيح انطوى اتعور ؟!
- أيوه ... وجبسوله رجله ، هيغيب اكتر من شهر .!
- خساره الواد ده فرود مالكتاب .!
- وايه حكاية مؤمن زكريا هوه التانى ، هو كل لعيب دلوقتى ييجى يتغير يعمل الشغله دى ، مش عمرو جمال عملها قبل كده ؟!
- بص أصل الراجل بتاعنا طيب ، واللعيبه مالهاش فى الطيب ، عايزين واحد زى مستر مانويل ماعندوش غير الجزمة .!!
- هما عملوا ايه فى موضوع رامى ربيعة ، واحمد حجازى !!
- الله اعلم , شكلهم كده مش عايزين يدفعوا .!!
- يدفعوا ايه هو حد بيدفع من جيب أبوه ؟ ماحنا عارفين الفلوس جايه منين .!!
- هااااااااااى ، هات يابنى اتنين شاى فى الخمسينه وحياة ابوك .!!!

[aiman noor eldein]

عفوا حدث خطأ عند كتابة اسم الاخ الكريم ياسر عرفة



لذا وجب التصويب

- مش حكاية خوف يا معلم ، بس لو لعبتا مع اورلاندو ، و اتغلبنا لا قدر الله ... عادى ، ماتش وراح وبطوله وراحت ، الدولاب مليان ، لكن لو خسرنا من الزمالك مش هنخلص من لسان مرتضى منصور وجمهور الزمالك الطيب خصوصا السنيور و ياسر عرفه بتوع مصراوى سات .!

[رزق صبحى]

العبد لله بيشرب شاى فتلة

[نور المصطفى]

ان شاء الله النهائى اهلى وزمالك

[aiman noor eldein]

المشاركة الأصلية كتبت بواسطة رزق صبحى

العبد لله بيشرب شاى فتلة

بالهنااااااا و الشفاااااااا

[aiman noor eldein]

المشاركة الأصلية كتبت بواسطة نور المصطفى

ان شاء الله النهائى اهلى وزمالك

إإإإإإإإإإإإإإمين

[مـنـعـم امـبـابـى]

مع انى اتمنى ان يكون النهائى مصرى خالص
الا اننى اتوقع
لو حدث ان الزمالك لعب مع النجم
الامور سوف تختلف
وتاتى الرياح بما لاتشتهى السفن

[aiman noor eldein]

المشاركة الأصلية كتبت بواسطة مـنـعـم امـبـابـى

وتاتى الرياح بما لاتشتهى السفن

السفن الحمراء ام السفن البيضاء ؟؟!!

[الامبراطور محمد]

الحمراء

[رزق صبحى]

المشاركة الأصلية كتبت بواسطة aiman noor eldein

بالهنااااااا و الشفاااااااا

الله يهنيك ياااااااا فنجان شاى انم اية

[رزق صبحى]

المشاركة الأصلية كتبت بواسطة الامبراطور محمد

الحمراء

هيا اية الى حمرا بلظبط

[aiman noor eldein]

السفيـــــــــنة

[السنيور]

كلام جميل وكلام معقول مقدرش اقول حاجه عنه اسلوب فكاهى واقعى وبسيط جميل جدا تحياتى استاذ ايمن اما الشاى الزمالك عودنا على شربه تقيل حبر اما مكسب الزماللك للاهلى اقول لكل شئ بداية

[الامبراطور محمد]

المشاركة الأصلية كتبت بواسطة رزق صبحى

هيا اية الى حمرا بلظبط

هو ايه اللى بيضحكك كده !!!!!!!!!!!!!!!!!!!!!!!!!

[aiman noor eldein]

المشاركة الأصلية كتبت بواسطة السنيور

يا لطيــــف يا لطيـــف .!!

همـــــــا بيطلعـــــــــوا امتى ؟؟؟

وجمهور الزمالك الطيب خصوصا السنيور و ياسر عرفة بتوع مصراوى سات .!
- يالطيف ... يالطيف .. ربنا يستر .!