[amrlion]

السلام عليكم

كنت عملت من فتره موضوع خاص بالقطعه الانفرتو البلاك الالترا الحديد الجديده

وما اكتشفته من ضعفها وقرب قوتها من الفوجى تقريبا
وتم اعادة تعبئتها وركنها كما وصلت من دبى

ودار النقاش مع الاخوه فى المنتدى على ان الفيد الخاص بها سىء وانه لو كان افضل من ذلك ربما كان سيفرق فى اداء القطعه

وطبعا تحدث الجميع وأكد ان فيد الانفاكوم ذو الحلقات القابله للدوران وتغيير الارتفاع هوا الافضل والامثل لمثل هذه القطع

وطبعا بسبب ارتفاع سعره وصعوبة الحصول عليه ذهب التفكير الى عمل فيد مشابه له

وكانت البدايه فى حديث مع اخ عزيز بالمنتدى عن امكانية عمل فيد فى المخرطه بعد شراء المونيوم وصبه وتشكيله

ولكن رأيت ان الفكره غير مضمونه وستكون عالية التكاليف ومتعبة فى نفس الوقت


فكان الاقتراح انه افضل فيد متاح كسعر وخامات وجوده هوا فيد الفوجى

وبعد ان حصلت من احد الاخوه المحترمين هنا على قطعه فوجى قررت ان اقوم بالتجربه فى الفوجى القديمه لدي

وبعد ان رايت بعض المواضيع للاخوه فى المنتدى والاخر تامر ( عين حورس) وما قام بعمله كفيد مشابه لفيد الانفاكوم قررت ان اتوكل على الله

وكان لزاما علي ان استشير اخوتى فى المنتدى لما لديهم من خبره وتجربه


الفكره باختصار

سيتم قطع فيد الفوجى من اوله من بعد الابره تقريبا لنستفيد باطول مسافه ممكنه

كما بالصوره





ثم التوجه للمخرطه وفصل الحلقات عن الماسوره وعملها بطريقة الووظ

بحيث تكون الحلقات والماسوره مجهزه للف الحلقات الى الاعلى والاسفل كفيد الانفاكوم







ثم عمل حلقه فى اول الماسوره مساويه لقاعدة القطعه ومضاهيه لاماكن المسامير




وطبعا سيكون طول الفوجى من اوله الى اخره مساوى لطول فيد الانفاكوم
تماما

فارجو مشاركة اخوتى فى الموضوع حيث لو انه اتى بنتيجه افضل سيحسن من استقبال القطع الموجوده حاليا كالسانتك والانفرتو والكيوماكس والذى كلهم بفيد سىء



وفيد الفوجى متوفر وسهل وغير مكلف


وشكرا

** ملحوظه(( استعنت ببعض صور الزملاء لسهولتها)

[كلمة حق]

من الاخر انت عندك قطعه ممتازه بكل المقايس لاكن قطعه حساسه لابعد ما تتخيل والفيدالمرفق معاها ممتاز لاكن عيزه شوية ضبط اولا ضبط بؤرة الطبق بقلم ليزر ثانيا بعد ضبط البؤره انزال بالقطعه حوالي 10 سم عن مقاس الاولي وان شاء الله ستذهل من النتائج

[amrlion]

شكرا اخى العزيز


القطعه اخذت ما تستحق من الوقت فى التجارب والتقييم وللاسف لم تكون بالمستوى المطلوب

وتم تجربتها من اخوه كثير فى المنتدى وناس على قدر عالى من الخبره والتجربه ولم تكون فى المستوى ايضا

هى ممتازه زى ما انت قولت لمن لديه قطعه عاديه

ولكن لمن لديه قطعه فوجى او اعلى فهى ليس بتلك القوه


شكرا لمشاركتك
وارجو ان استمع لرأيك فى الموضوع المشار اليه حيث ان موضوع تجربة القطعه انتهى فعليا لدى والفكره الان فقط فى عمل فيد جديد

[nady ali]

والله الفكره رائعه جدا وانا عن نفسى فكرت اعملها لكن تراجعت لعدة اسباب :- هى اولا قناعتى التامه والكامله بضعف الدائره الالكترونيه ورداءة المواد الخام التى صنعت منها قطعه انفرتو بلاك الترا الحديد الجديده وسبق حكمى عليها بالضعف فى كذا مشاركه وعليه فيد الانفاكوم او اى فيد اخر فى العالم مش هيعمل من الفسيخ شربات او مش هيعمل من الحبه قبه زى مابيقولوا . ثانيا : اخ اسمه moha010 فى احد المنتديات من حوالى ستة اشهر قعد يحكى ويقول ويعيد ويوصف الغنيمه التى حصل عليها من سلوفاكيا وهى فيد الانفاكوم ولما قولنا له جربه واعطينا النتيجه بسرعه علشان اذا طلع كويس نبعت نشترى فيد زيه من اى موقع اجنبى وللاسف الى هذه اللحظه لم يشارك ولم يكتب كلمه واحده فى حق هذا الفيد المفترس ولما سالناه وقولنا له يااخى فين النتيجه شوقتنا له قعد يلابط ويماطل ويتعذر باعذار واهيه مره يقول اصل الطبق بتاعى تعبان وبعافيه شويه ولما ربنا يشفيه هجرب ومره يقول اصل انا مشغول الايام دى ومش فاضى للدش وهكذا ستة اشهر مماطله بدون نتائج . وبناءا على ماسبق يااخى amrlion جرب فكرتك بس ماتصرفش عليها فلوس كثير وعلى فكره طول فيد الانفاكوم هو 6.4 سم وكمان ممكن تقطع القاعده ( اللى هيركب فيها الاربعة مسامير ) من اى فيد قديم او من الفيد التعبان اللى جاى مع قطعة الانفرتو وتلحمه ( بالانبوبتين بتوع لحام الحديد على البارد ) باحتراف فى نهاية زور فيد الفوجى . واخيرا ربنا معاك ويوفقك ونحن فى انتظار نتائجك

[عادل عامر]

يا جماعة القطعة ضعيفة وركبت لها فيد قطعة اف تى ونفس الكلام فيد بمسامير
لن يزيد عليها حال

[amrlion]

المشاركة الأصلية كتبت بواسطة عادل عامر

يا جماعة القطعة ضعيفة وركبت لها فيد قطعة اف تى ونفس الكلام فيد بمسامير
لن يزيد عليها حال

أ/ عادل

لا اختلاف على ان القطعه ضعيفه

ولكن فيد اف تى على ما اعتقد هوا ثلاثى ونفس الفيد اللى مع القطعه

عكس فيد الفوجى خماسى

بالاضافه الى ان الفيد ده هيبقى سهل تغير مكان الحلقات لانها الووظ فممكن تعلى او تخفض الحلقات

[amrlion]

المشاركة الأصلية كتبت بواسطة nady ali

والله الفكره رائعه جدا وانا عن نفسى فكرت اعملها لكن تراجعت لعدة اسباب :- هى اولا قناعتى التامه والكامله بضعف الدائره الالكترونيه ورداءة المواد الخام التى صنعت منها قطعه انفرتو بلاك الترا الحديد الجديده وسبق حكمى عليها بالضعف فى كذا مشاركه وعليه فيد الانفاكوم او اى فيد اخر فى العالم مش هيعمل من الفسيخ شربات او مش هيعمل من الحبه قبه زى مابيقولوا . ثانيا : اخ اسمه moha010 فى احد المنتديات من حوالى ستة اشهر قعد يحكى ويقول ويعيد ويوصف الغنيمه التى حصل عليها من سلوفاكيا وهى فيد الانفاكوم ولما قولنا له جربه واعطينا النتيجه بسرعه علشان اذا طلع كويس نبعت نشترى فيد زيه من اى موقع اجنبى وللاسف الى هذه اللحظه لم يشارك ولم يكتب كلمه واحده فى حق هذا الفيد المفترس ولما سالناه وقولنا له يااخى فين النتيجه شوقتنا له قعد يلابط ويماطل ويتعذر باعذار واهيه مره يقول اصل الطبق بتاعى تعبان وبعافيه شويه ولما ربنا يشفيه هجرب ومره يقول اصل انا مشغول الايام دى ومش فاضى للدش وهكذا ستة اشهر مماطله بدون نتائج . وبناءا على ماسبق يااخى amrlion جرب فكرتك بس ماتصرفش عليها فلوس كثير وعلى فكره طول فيد الانفاكوم هو 6.4 سم وكمان ممكن تقطع القاعده ( اللى هيركب فيها الاربعة مسامير ) من اى فيد قديم او من الفيد التعبان اللى جاى مع قطعة الانفرتو وتلحمه ( بالانبوبتين بتوع لحام الحديد على البارد ) باحتراف فى نهاية زور فيد الفوجى . واخيرا ربنا معاك ويوفقك ونحن فى انتظار نتائجك

منور اخى العزيز

بخصوص تجربة أ/محمد اللى حضرتك ذكرته فى الموضوع

هو فعلا على حد علمى مشغول حتى انه لم يقم بتركيب الطبق اليورو ستار لديه


وبغض النظر فده لا يمنع ان الفيد فعلا ممتاز كفكره وخامات وقابليه للتعديل

وده لان اى قطعه عاديه بيتعمل عليها تعديل بفيد فوجى بتتضاعف قوتها

[amrlion]

المشاركة الأصلية كتبت بواسطة عادل عامر

يا جماعة القطعة ضعيفة وركبت لها فيد قطعة اف تى ونفس الكلام فيد بمسامير
لن يزيد عليها حال

وبعدين يا أ/عادل


المقصود بعمل الفيد ليس الانفرتو فقط

يعنى لو نجحت الفكره فممكن اوى استعماله مع السانتك الذى اجمع الجميع على قوتها مع انها بنفس فيد الانفرتو السىء

[alamogy]

شكرا لك اخى amrlion على طرحك للموضوع
اعتقد لم يقوم احد بعمل فيد مشابه لفيد انفاكوم حتى الان
وقد قدمت نفس الفكره فى موضوع سابق وجدتها اثناء بحثى فى هذا الموضوع
http://www.masrawysat.com/vb/showthr...1846314&page=6

كما بالصور





صاحب التجربة يستخدم ماسوره من النحاس ويستخدم حلقات الانفاكوم
والمقاسات موجوده


وانا سمتها التعديل بدون قص ولزق

وهى فكره للتعديل قد تغير طريقه التعديل الوحيده الذى يستخدمها الاخوه فى المنتدى
لكن انا بصدق على كلام الاخ nady ali لاننا مش عارفين ايه الخامات او المكونات التى تحويها هذه القطعه بالداخل لانها صنعت من وحى الخيال ههههههه
انما فى حاله استخدام Inverto black pro الاصليه القديمه المنتجه من قبل الشركه الام لتوقعت نجاح التجربه
زى بالظبط القطعه التى قام الاخ حماده حسين بعرضعها فى المنتدى والتى قامت بتصنيعها شركه Tiger AG
هى Inverto black ultra فى الشكل الخارجى فقط
لكن بالداخل لا تمس بأى صله لا لل Inverto ولا لل Ultra بس هى ليها صله بال Black او باليوم الاسود اللى فكرت فيه الشركه دى بتصنيع هذه القطعه

[amrlion]

اخى الموجى


نورت المووضع وطبعا ردك من الاساسيات اللى بنعمل حسابها فى اى تعديل

بخصوص الموضوع اللى اشرت اليه انا شوفت مسبقا وشوفت نبذات كتير ليك ولأخوه محترمين فى القسم وده اللى هدانى الى الفكره وقولت استشيركم قبل التنفيذ

الموضوع مش خاص بالانفرتو بس الموضوع هيبقى مفيد لكل القطع


وانا فى انتظار قطعه سانتك واعتقد ان فيدها نفس فيد الانفرتو فلو نجحت الفكره فاكيد هيزيد من قوة السانتك القويه اساسا

فعايز رأيك فى تنفيذ الفكره كما شرحتها بالظبط فى الاعلى

ولو نفعت يبقى عملنا شىء مفيد مستقبلا للجميع وكل القطع


تحياتى

[alamogy]

الموضوع انت اللى عامله فانت اللى منوره
واعرف جيدا ان الموضوع ليس خاص بالانفرتو وهو خاص بكل القطع كما هو الحال بالصور التى وضعتها
انا بالتاكيد مؤيد للفكره
وبالنسبه للتنفيذ كما شرحتها بالضبط اتخوف من نقطه واحده وهى سمك وخامه فيدهورن الفوجى
هل سيمكن عمل قلاووظ يمكنك من حركه الحلقات الى الاعلى والاسفل
بالنسبه لفيد انفاكوم السمك تقريبا 3 مم
تحياتى لك

[amrlion]

انت تقصد ان سمك ماسورة الفوجى قد لا تتحمل عمل قلاووظ ؟ اى انه الفيد يصبح رقيق جدا؟؟

ملحوظه جيده جدا لما افكر بها

[alamogy]

دا اللى انا اقصده
السمك والخامه نفسها
يعنى حاول تقارن بين الصور اللى وضعتها فى اول موضوعك انا شايف فى فرق
لكن يرد علينا الاخوه وكمان الخراط هو اللى هيقولك القول الفصل

[romany merzik]

ممكن نستخدم خامات ايه غير الالومنيوم و النحاس في صنع الفيد !!

[amrlion]

المشاركة الأصلية كتبت بواسطة alamogy

دا اللى انا اقصده
السمك والخامه نفسها
يعنى حاول تقارن بين الصور اللى وضعتها فى اول موضوعك انا شايف فى فرق
لكن يرد علينا الاخوه وكمان الخراط هو اللى هيقولك القول الفصل

عموما الخراط هوا اللى هيفيدنى فى الجزئيه دى

وممكن اركب على الجزء ده اى جزء اكبر منه فى القطر بحيث يبقى راكب فوق الجزء اللى هيتعمل قلووظ