[PRO WAEL]

القناة ممتازة ولكن مشكلتها ان الصورة سيئة نوعا ما ولكنها تنقل من بين سبورت

[darwish]

تمام اخي الغالي
بس اللي انا عاوز اعرفة لية الكارت بتاعها ميتحرقش زي دهوك
خصوصا انهم ناقلين الماتش منها بالعربي
وفي مذيع افغاني كل 30 ثانية عبال ما يقول كلمة !!

[وحيد الحديدي]

اكيد وجدوا طريقه لاخفاء الكود

[PRO WAEL]

ربنا يسهل ادينا بنتعلق باى شئ ينقل المباريات

[ayman belal]

تسلم يا غالى على المتابعة
حتى تعم الفائدة على الكل
و احنا فى انتظار المزيد من القنوات
لعلها تتجه الى فكره دهوك

[™Mr.Mahmoud™]

شكراً لك ياغالي

[hemahp]

يمكن علشان جودة الصورة مش عالية علشان كده بين سبورت مفيش اهتمام بيها

[PRO WAEL]

فعلا جودة الصورة ضعيفة جدا ودى مشكلة بالنسبالى لان اهم حاجه عندى الصورة بصراحة

[emadmody2010]

القمر ده الوحيد اللي مش عارف القطه

[PRO WAEL]

المشاركة الأصلية كتبت بواسطة emadmody2010

القمر ده الوحيد اللي مش عارف القطه

مع انه اصبح منتهى السهولة ،،

بص يا باشا
نوع العدسة عدسة عادية قديمة من اللى ب 15 جنية
التردد الهام جدا واللى علية القنوات بتاعة القمر وهو التردد الوحيد على القمرواللى بظبط عليه هو تردد 11293 27500 V
والطريقة المتناهية السهولة جبت بيها القمر فى 5 دقايق باشارة 98% هو انى ظبطت الطبق على الاوربى اقصد الارتفاع وده اهم شئ ،،هويت المسامير اللى بتحرك الطبق يمين ويسار وسبت الارتفاع نفس ارتفاع الاوربى . واتحركت ببطئ ناحية القبلة لقطت القمر فى ثوانى معدودة برسيفر عادى هيروشيما . والموضوع غاية فى السهولة اذا اتبعت التعليمات وحركت الطبق بنفس ارتفاع الاوربى يا جميل وبالتوفيق .

[data2008]

لو كان الكود لا يظهر يبقى البث
من موقع بين سبورت
الاشتراك على بين سبورت على الانترنت
لا يظهر عليه الكود

[emadmody2010]

المشاركة الأصلية كتبت بواسطة PRO WAEL

مع انه اصبح منتهى السهولة ،،

بص يا باشا
نوع العدسة عدسة عادية قديمة من اللى ب 15 جنية
التردد الهام جدا واللى علية القنوات بتاعة القمر وهو التردد الوحيد على القمرواللى بظبط عليه هو تردد 11293 27500 V
والطريقة المتناهية السهولة جبت بيها القمر فى 5 دقايق باشارة 98% هو انى ظبطت الطبق على الاوربى اقصد الارتفاع وده اهم شئ ،،هويت المسامير اللى بتحرك الطبق يمين ويسار وسبت الارتفاع نفس ارتفاع الاوربى . واتحركت ببطئ ناحية القبلة لقطت القمر فى ثوانى معدودة برسيفر عادى هيروشيما . والموضوع غاية فى السهولة اذا اتبعت التعليمات وحركت الطبق بنفس ارتفاع الاوربى يا جميل وبالتوفيق .

اولا تسلم على الشرح .. ثانياً الحاجات التقنية دي مليش فيها قوي انا كنت جايب دهوك وبعدين تقريبا المسامير فكت والدش وقع ومعرفتش اجيبها تاني
ربنا يسهل اعرف اجيبها ولا لأ

[PRO WAEL]

ربنا يسهل وتعرف تجبها يا غالى وحاول متقلقش الموضوع شيق

[emadmody2010]

يعني انا اروح انهي قمر بالضبط واحط التردد ؟

[PRO WAEL]

علشان الافغانى ولا دهوك ؟؟ عامة مش هيفرق الاتنين جنب بعض اوى انت تدخل على البحث اليدوى وتكتب التردد بالريموت ومعامل الترميز مكان اى قمر يعجبك مش هتفرق وبمجرد متحرك الطبق ويصطدم بالاشارة هيلقط معاك . بس ابقى اكتب اقوى تردد للقمر علشان ييجى معاك بسرعه .