[الامبراطور محمد]

كشفت شركة اتصالات عن عروض جديدة لخدمات الانترنت في السوق المصري، والتي تستهدف من خلاله توسيع معدل الانتشار ورفع الكفاءة والانتاجية في إطار تنمية المجتمع، حيث طرحت الشركة باقات جديدة من الانترنت المنزلي ADSL. وأشارت الشركة الى حزمة من باقات الانترنت المنزلي "الغير محدودة" لتتيح العديد من الخيارات التي تتناسب مع احتياجات المستخدمين المختلفة، حيث تبدأ الباقات بسرعة 1 ميجا بسعر 95 جنية. وقالت اتصالات انها تقدم أقوي عرض للأنترنت في مصر عن طريق إطلاق باقة سرعة 2 ميجا بقيمة 110 جنية بسعة تحميل غير محدودة، و تتوالي الباقات بسرعة 4 ميجا بسعر 160 جنية، و باقة بسرعة 8 ميجا بسعر 250 جنية. و تقدم اتصالات مصر كذلك عدد من الباقات المحدودة حيث تبدأ بسرعة 1 ميجا بسعة تحميل 10 جيجا بسعر 50 جنية. بالإضافة إلى باقة التورنيدو بسعة تحميل 5 جيجا بسعر 70 جنية، و كذلك باقة التورنيدو بسعة تحميل 45 جيجا بسعر 149 جنية فقط. وأوضح المهندس خالد ربيع الرئيس التنفيذي لقطاع الأعمال بشركة اتصالات مصر، أن العرض الذي تعلن عنه الشركة اليوم هو أفضل عرض على الإطلاق تم طرحه في السوق المصري فيما يتعلق بالأنترنت الثابت وهو متاح للعملاء الجدد والحاليين. وأكد ربيع أن الشركة تستهدف بهذه الباقات الجديدة مزيد من الانتشار في كافة أرجاء الجمهورية، خاصة وأن الأسعار الجديدة تلبي احتياجات كافة طبقات المجتمع و تتوافق مع الاتجاه للقطاع بتقديم أفضل مستوى خدمة للعميل بأقل الأسعار، وهي تعد أفضل العروض المطروحة للأنترنت الثابت من حيث السرعات والاسعار .

المصدر https://www.youm7.com/story/2015/9/2...7#.VedgsX0nIrg

[محمد وندوز]

كلاممممممممممممممم

[PAKAR55P]

لو الكلام ده مظبوط هكون اول واحد يشترك فورا

[ابراهيم الاهلاوى]

الكلام ده حقيقي مية في المية
1 ميجا ... 95 جنيه .... 100 جيجا
2 ميجا ... 110 جنيه .... 150 جيجا
4 ميجا ... 160 جنيه .... 150 جيجا
8 ميجا ... 250 جنيه .... 200 جيجا
دي الأسعار و دي الإستخدام العادل .. يبقي احلي لو ضاعفوا سعة الإستخدام العادل

[فيوتشر مان]

عروض عاديه والفروق بسيطه

[mohamed_1_samy]

كل السرعه متعلى كل ميكون معدل الاستهلاك اكتر للباقه يعنى ال 150 جيجا مع ال 4 ميجا تخلص اسرع من ال 2 ميجا

وطبعا وضع استخدام عادل دا شئ زباله

[semsemstar]

ياجماعه هو لو الشركة قفلت الخط لداعى ان سعة الباقة انتهت وطبعا سعة التحميل ده فى ايد الشركة هاتلاقيها هيا هيا
يعنى ضحك على الناس
فين الانترنت بلا قيود اللى اتكلموا عليه بس هو مجرد كلام

[وحيد الحديدي]

دا تبقي فل الفل

[HANIGOL]

يادى الاستخدام العادل دا بجد حاجة غريبة عايزين يحددوا النت وخلاص هو لو عملها غير محدودة هيجرالة حاجة ولو هى مفتوحة مين هيحمل 24 ساعة 30 يوم مش عارف هما عايزين اية بالظبط فى موضوع عادل دا

[Egyptian Pharo]

جشع و احتكاااااااااار ليس الا

هو دا النت فى مصر و مستحيل يكون فيه افضل

[محمود احمد89]

خبر صحيح فعلا وانا مشترك فى اتصالات على سرعه 512
ولكن لما إتصلت بالشركه قالولى ان العرض متاح حاليا للمشتركين الجدد
أما العملاء الحاليين سيتوافر العرض لهم خلال الأسبوعين المقبلين

[HANIGOL]

لو لغى الاستخدام العادل فى الاسعار دى مصر كلها هتبقى عندة بكرة فى مكسب اكتر من كدة ولا الموضوع فى قصص تانية احنا منعرفهاش وملهمش الحق انهم يلغوا الاستخدام العادل علشان الاتفاقات بين الشركات ؟؟؟؟؟؟؟؟

[بيزوووووو]

الاسعار دى بجد وباقى الشركات زى لينك نفس السعر

مع الفرق انى لينك عاملة 50 فى المائة لمدة 6 شهور

بس فى نقطة لازم تاخدوا بالكم منها كويس اوى

وانتوا بتعملوا تعاقد جديد او هيتغيروا شركة النت

لازم تعرف السنترال اللى انت تابع لية بيشتغل على الفايبر

ولا خط نحاس لو نحاس اشترك عادى وانت مطمن

اما لو شغال ع الفايبر فانصحك حاليا مش تشترك

لانى المصرية للاتصالات مرخمة ع كل الشركات

ما عدا تى داتا علشان تبعهم وبتجبرك تشترك معاهم

انا بقالى 4 شهور النت فاصل عندى بسبب الموضوع دة

وانا متعاقد مع لينك ولسة مرجعش لحد دلوقتى

[الكابتن حسن2]

يعنى ممكن احول من تى داتا
الى شركه اتصالات مصر انا مش فاهم ايه الموضوع

[data2008]

اسعار محدوده الشركات دى بتستهبل
1 ميجا ... 95 جنيه .... 100 جيجا
2 ميجا ... 110 جنيه .... 150 جيجا
4 ميجا ... 160 جنيه .... 150 جيجا
8 ميجا ... 250 جنيه .... 200 جيجا

ميكفوش حد الجيجا دى