[sami7676]

عندى طبق بريفكس 180 بقاله 5 سنين ؤبقالى فتره مشوفتوش وطلعت امبارح وفوجئت ان طبقه الطلاء وقعت بالكامل وتحول لونه الى اللون البنى بالكامل صدى بالكامل رغم ان عندى طبق اخر بريفكس ايضا فى مكان اخر بقاله 10 سنين وزى ما هو لم يصدأ و بحالته الجيدة فما سبب ذلك وهل يؤثر ذلك على الاشاره وما الحل هل اعاده طلائه صعبة ومكلفه وهل الطلاء يستاهل التعب ولا اسيه زى ما هو وجزاكم الله خيرا

[حماد]

الى صدا مش الومنيوم ... ده مصنوع من الصاج المجلفن يا غالى... علشان كده مع عوامل الجو تاثر وصدا كما رايت...

والاخر الومنيوم...

[dreamman]

وحل لمعالجة الطبق ده باظ ولا ايه

[عادل عامر]

عند جارى طبق ذية ودهناة شحم خفيف عشان الصدا

[sami7676]

يعني هو كده باظ ولا ايه وهل يؤثر ذلك على جودة الإشارة وهل اسيبه كده ولا اعمل ايه ارجو النصيحة

[عادل عامر]

ولا باظ ولا حاجة شغال يا غالى

[playstation.2]

المشاركة الأصلية كتبت بواسطة sami7676

يعني هو كده باظ ولا ايه وهل يؤثر ذلك على جودة الإشارة وهل اسيبه كده ولا اعمل ايه ارجو النصيحة

هو بالطبع سيؤثر على الإشارة لأن نوع الطلاء والذي أصبح غير موجود على طبقك الآن بالإضافة إلى معدن الطبق من العوامل الهامة لإستقبال جيد لكن المشكلة لن تكون بتأثر الإشارة لأنها ستقل درجة أو إثنين ليس إلا ولكن المشكلة في أن الطبق سيتم تلفة تدريجياً بما يسمى بأنه ( هتاكله البارومة ) بسبب الصدأ وعوامل التعرية

[فني تركيبات]

المشاركة الأصلية كتبت بواسطة sami7676

يعني هو كده باظ ولا ايه وهل يؤثر ذلك على جودة الإشارة وهل اسيبه كده ولا اعمل ايه ارجو النصيحة

عليك بصنفره الطبق جيدا
ثم مسح الاتربه الناتجه من الصنفره بقطعه قماش
ثم شراء عدد 4 عبوات رش دوكو من النوع المطفى وليس اللميع
ورش الطبق جيدا وتغطيه جميع المساحات
وان شاء الله سوف يعمل كأنه جديد

[playstation.2]

المشاركة الأصلية كتبت بواسطة ابراهيم مصراوى

عليك بصنفره الطبق جيدا
ثم مسح الاتربه الناتجه من الصنفره بقطعه قماش
ثم شراء عدد 4 عبوات رش دوكو من النوع المطفى وليس اللميع
ورش الطبق جيدا وتغطيه جميع المساحات
وان شاء الله سوف يعمل كأنه جديد

الله ينور عليك يا أستاذ إبراهيم ومتابعة لا تأتي إلا من عملاق

[hassanaboail]

هل الطلاء الجديد الدوكوا المطفي هل يرجع الطبق لاصله في جوده الاشاره ولا بيفقد بعض الشيئ في الاشارات لاني سمعت ان الطلاء الاصلي للبرفكس الصاج قوي جدا في عكس الاشاره للقطعه هل الدهان الجديد سيكوان بنفس قوه دهان الطبق الاصلي

[فني تركيبات]

المشاركة الأصلية كتبت بواسطة hassanaboail

هل الطلاء الجديد الدوكوا المطفي هل يرجع الطبق لاصله في جوده الاشاره ولا بيفقد بعض الشيئ في الاشارات لاني سمعت ان الطلاء الاصلي للبرفكس الصاج قوي جدا في عكس الاشاره للقطعه هل الدهان الجديد سيكوان بنفس قوه دهان الطبق الاصلي

ان شاء الله لن تفقد شئ من الاشاره
ولو انت عايز شغل اصلى يبقى عليك بنزول حله الطبق والذهاب الى اقرب ورشه دوكو سيارات وعمل اللازم

[الحاج شريف]

المشاركة الأصلية كتبت بواسطة hassanaboail

هل الطلاء الجديد الدوكوا المطفي هل يرجع الطبق لاصله في جوده الاشاره ولا بيفقد بعض الشيئ في الاشارات لاني سمعت ان الطلاء الاصلي للبرفكس الصاج قوي جدا في عكس الاشاره للقطعه هل الدهان الجديد سيكوان بنفس قوه دهان الطبق الاصلي

الطلاء يا أخى حسن ابو علي للحفاظ علي الطبق ولادخل له بالإشاره والطلاء الأصلى "الكتروستاتيك " دوكو برضه ولكن مرشوش فى فرن الطلاء بياخد شحنه والطبق بياخد شحنه عكسيه فينجذب الطلاء إلى الطبق طوال مده بقاؤه فى الفرن ولذا تلاقى طبقه الدوكو خفيفه ومنتظمه صعب الحصول عليها برشاش كمبروسور زى طلاء العربيات وهى جديده .
إعمل زى ماقال لك الأستاذ عادل صنفره ونضفه وادهنه شحم خفيف الغرض هو المحافظه على الصاج علشان البارومه كما قال الباشمهندس احمد playstation2 ، لكن وهوه حتى مصدى مازال يعكس الإشاره من غير مشاكل فما تكبرش الموضوع وتصرف ع الفاضى
مع تحياتى

[sami7676]

جزاكم الله خيرا جميعا انا اصنفره بصنفره عاديه يعنى بتاعه الحيطان يعنى.؟ واجيب الشحم ده منين نوع معين ولا ايه عشان هعمله النهرده ان شاء الله

[خالد الغمراوى]

شحم عادى توكل على الله

[hamdyafify2000]

بارك الله فيك