[ledo1]

السلام عليكم ورحمة الله وبركاته
عندى رسيفر استرونج 4920A وعندى مشاكل فى بعض الترددات مع العلم ان الطبق عندى متر وانا من محافظة السويس وأرجوا من حضراتكم ان تقتحوا صدركم لى :-
1- الباقه الفرنسيه عندى على تردد 11680 إشارتها ضعيفه جدا وبالنهار الصوره بيكون فيها تقطيع ومن العشاء الى تانى يوم التردد الخاص بالباقى بيكون خارج الخدمه ولما كلمت الفنى بتاع الدش قال التردد ده أصلا ضعيف وصعب الإشاره تعله فى التردد ده
2- التردد 11662 بيكون شغال كويس جدا من الصباح الى المغرب وبعد كده التردد مش بيكون فيه إشاره خالص فهل ده طبيعى ولا لأ
3- التردد 11899 ضعيف ومش لاقط اشاره
انا عايز افهم منكم يا جماعه هو فعلا الترددات دى ضعيفه ومتشتغلش على طبق متر ولا الفنى مش عايز يتعب نفسه ويجى ويضبط الطبق وشكرا

[اسامه حامد]

وعليكم السلام

نعم صحيح اخى الكريم

هذه الترددات تحتاج الى طبق 120 على الاقل وضبط الطبق جيدآ

لكي تشتغل بثبات

[ledo1]

الف شكر يا أستاذ أسامه على الرد وجزاك الله خير

[hazzuma]

تعمل بشكل جيد على طبق متر وقطعة قديمة،شريطة الظبط الدقيق للطبق،تحياتى