[AhmedMedhat93]

أنا عايز أشتري تلفزيون جديد و محتار بين
سامسونج 48 بوصة موديل j500
و LG 49 بوصة موديل 49LF550
و بصراحة عاوز حد يكون مجرب قبل كدة و عنده خبرة يقولى رأيه فى الموضوع دة لأن بصراحة الموضوع مؤرق جدا خصوصا أني كنت شاري شاشة قبل كدة و طلعت فى منتهي السوء .... شكرا مقدما لكل من سيساهم فى تنويري بمعلوماته

[AhmedMedhat93]

ايه يا شباب محدش جرب أى نوع منهم و عنده رأى :)

[وحيد الحديدي]

الافضل LG
ويا سلام بقي لو بقيت شاشه led ماركه LG

[FAIR]

التجربة دي منقولة من جروب Don't shop here

المشاركة الأصلية كتبت بواسطة AhmedMedhat93

بنصح اى حد ميشتريش تلفزيون سامسونج..من سنه اشتريت شاشة سامسونج 40 بوصه LED 3D بعد 10 شهور التلفزيون فصل صوت وصورة تماما دخلت فى مشاكل معاهم بسبب خدمه العملاء اللى زى الزفت وقعدت 21 يوم من عير تلفزيون بسبب التوكيل المحترم رايه وفى الاخر غيرو الزجاجه اللى فى الشاشه واشتغل ومن حوالى اسبوعين نص الشاشه السفلى راح من الاضاءه وبقى ضلمه وجم تانى وغيرو نفس الزجاجه اللى فى الشاشه ودلوقتى الصوت باظ خالص ومبقاش فى صوت وكل ده وانا فى الضمان..احب اقول ان اول مره جهاز حماية المستهلك ساعدني اخد حقى اما من أسبوعين جم غيروها بعد يومين لانهم عارفين انى كنت هشتكيهم تانى اما بكره ان شاء الله انا هشتكيهم مباشرة وهعملهم محضر فى القسم كمان ومش هقبل باى تصليح تانى ان شاء الله ومش هقبل الا بالتغيير باذن الله ولو هنوصل لمحاكم

[AhmedMedhat93]

حقيقي شكرا يا شباب الظاهر فعلا أن سامسونج توكيلها مش حلو و LG أفضل أن شاء الله هشتريها :)

[bebo606]

والله الإنسان المصري غلبان فعلا

** اسوأ منتجات في العالم موجودة في مصر سواء شاشات تليفزيون او ثلاجات او غسالات او ريسيفرات او اجهزة تكيف وغيره وغيره ...........

** اكتر شعب يتنصب عليه ومن مين للأسف الشديد من أبناء جنسه ( مصريين يعني )

** اسوأ خدمة ما بعد البيع في العالم موجوده في مصر تشتري اي جهاز بالشيء الفلاني وبعد شهور واحيانا أيام الجهاز فيه مشكلة ولما تتصل بخدمة العملاء او الدعم الفني كأنك بتشحت منهم وتترجاهم وتبوس على ايديهم لحد مايسألوا عنك

** اسوأ نت في مصر من حيث السرعة ومن حيث قيمة الاشتراك في العالم موجود في مصر

وقس على ذلك الكثير والكثير !!!!!!!!!!!!!!!!!!!!!!!!!!!

لك الله ياشعب مصر المطحون المسكين المضحوك عليه دائما

تحياتي وتقديري لحضراتكم

[AhmedMedhat93]

المشاركة الأصلية كتبت بواسطة FAIR

التجربة دي منقولة من جروب Don't shop here

الواحد بعد ما شاف البوستات بصراحة حاجة حزن الحزن يا ولاد الناس بتشتم فى كل الشركات توشيبا و سامسونج و LG حتي بناسونيك يا راجل طلعت فشنك الواحد شكله كدة مش هيجيب حاجة أصلا !

[waelsawan]

المشاركة الأصلية كتبت بواسطة bebo606

والله الإنسان المصري غلبان فعلا

** اسوأ منتجات في العالم موجودة في مصر سواء شاشات تليفزيون او ثلاجات او غسالات او ريسيفرات او اجهزة تكيف وغيره وغيره ...........

** اكتر شعب يتنصب عليه ومن مين للأسف الشديد من أبناء جنسه ( مصريين يعني )

** اسوأ خدمة ما بعد البيع في العالم موجوده في مصر تشتري اي جهاز بالشيء الفلاني وبعد شهور واحيانا أيام الجهاز فيه مشكلة ولما تتصل بخدمة العملاء او الدعم الفني كأنك بتشحت منهم وتترجاهم وتبوس على ايديهم لحد مايسألوا عنك

** اسوأ نت في مصر من حيث السرعة ومن حيث قيمة الاشتراك في العالم موجود في مصر

وقس على ذلك الكثير والكثير !!!!!!!!!!!!!!!!!!!!!!!!!!!

لك الله ياشعب مصر المطحون المسكين المضحوك عليه دائما

تحياتي وتقديري لحضراتكم

للاسف هذا هو الحال فى بلدنا وان قولنا كده بنبقى ضد البلد ولكى الله يا مصر

[hazzuma]

الفكرة كمان فى أنه بعد المنتج اليابانى ما نقص فى السوق أول الألفية الجديدة، ،الصين دخلت مكانه وأصبحت الجودة فى النازل،الى أن وصلنا لما نحن فيه الأن،تحياتى

[AhmedMedhat93]

ايه العمل يا رجالة طيب يعني الحكاية طلعت بلح كدة

[hasan aladawy]

سامسونج بلا منازع وعن تجربة صورة رائعة افضل 1000مرة من صورة lg

[AhmedMedhat93]

المشاركة الأصلية كتبت بواسطة hasan8

سامسونج بلا منازع وعن تجربة صورة رائعة افضل 1000مرة من صورة lg

معاك والله يا باشا أن سامسونج صورتها أفضل من ال جي و بناسونيك أحسن منهم الاتنين على فكرة بس المشكلة اللى كلنا بنتكلم فيها دلوقتي هي جودة المنتج نفسه اللى بيقعد كام شهر ألا مكنش أسبوع و يبوظ و الضمان الغير محترم للعميل و مش بيقدم خدمة محترمة لينا