[ريمون سمير]

مشكلة فى جهاز H5 الجهاز كان مشغل 4 اقمار على الديزك فغيرت قمر بعد ذلك الجهاز مش عايز يشغل اكتر من 2 قمر ومضيع تردد كتير وقنوات كتيربرجاء المساعدة

[Operamini2015]

كل قمر ادخل عليه واديله رقم الديزك يعنى مثلا النايل سات 1 وهتبيرد2 وهكذا وانشالله يشتغل

[ريمون سمير]

الف شكر يا باشا على رد حضرتك انا عملت كدة بالفعل بس الجهاز مش عايز يشغل اكتر من قمرين وبيفصل الباقى رغم تحديد الاقمار

[ايمن ابوميدو]

ياغالى الحل الامثل والنهائى لهذا الجهاز دايزك ترومان الجديد وده تمنه 25ج اى حد هيقول جبناه وجربناه هقوله لا دا لسا نازل السوق من يومين الدايزك حجمه كبير اد كف ايدك وله غطاء اخضر اللون بيركب عليه بعد ماتوصل واتحدى لو مااشتغلش الاتش 5 كان عندى 4 اجهزة نفس المشكلة اقسم بالله اتحلت مع الدايزك دا وشغال طلقة بس المهم هتعمل ضبط مصنع وتحمل السوفت 154 فقط وتبحث يدوى وعيش

[ريمون سمير]

استاذ / ايمن انا اشتريت لة دايزك ترومان بس بصراحة معرفش اذا كان هو اللى حضرتك قصدك علية ولاء لا بس هو المشكلة دى مش ايسى اشارة

[mina sarwat]

المشاركة الأصلية كتبت بواسطة ريمون سمير

استاذ / ايمن انا اشتريت لة دايزك ترومان بس بصراحة معرفش اذا كان هو اللى حضرتك قصدك علية ولاء لا بس هو المشكلة دى مش ايسى اشارة

طالما محصلش فية قفلة سلك والترددات شغالة كويس على القمرين اللى عندك يبقى مش ايسى اشارة

[ريمون سمير]

أستاذ / مينا الف شكر لمتابعة حضرتك بس الجهاز مش مشغل بعض الترددات رغم ان في ترددات السيجنل عالى فيها والديزك اللى كاان مشغل 4 أقمار مش عايز يشغل غير 2 وجربت كذا دايزك وكمان وانا بركب قمر التركى السلك لمس بعضة

[mina sarwat]

استاذ ريمون لوحصل فية قفلة سلك وجالك على شاشة التيلفزيون الرسالة اللى بتيجى لما السلك يلمس بعضة يبقى للاسف دا ايسى اشارة وتاكد حضرتك من موضوع قفلة السلك ورد على

[ميجر]

اسوا جهاز في السوق

[ريمون سمير]

هو فعلا جاب رسالة تقريبا كان مكتوب السلك قصير او حاجة شبة كدة ومتشكر جدا لتعبك يا باشا

[mina sarwat]

كدة للاسف يبقى ايسى لانة الجهاز ملوش حماية زى الاجهزى وكدة تبقى عايز ايسى اشارة عرفنى انت منين وانا ممكن ادلك بس مش هاقولك على عنوان صريح لان دا ممنوع

[ريمون سمير]

اوك يا باشا انا من الوايلى بس ممكن تقولى هو في حدود كام

[mina sarwat]

معلش يا استاذ ريمون على التاخير المكان مش بعيد عليك تروح باب اللوق وتسال على سنتر الفلكى الدور الاول وياريت تاخد الجهاذ معاك عشان يركبلك الايسى وانت واقف وتتاكد انة شغال تمام وانا اشتريتة من غير تركيب ب40 ج وانت وشطارتك

[ريمون سمير]

الف شكر استاذ / مينا على تعبك معايا

[kmoh]

المشاركة الأصلية كتبت بواسطة mina sarwat

استاذ ريمون لوحصل فية قفلة سلك وجالك على شاشة التيلفزيون الرسالة اللى بتيجى لما السلك يلمس بعضة يبقى للاسف دا ايسى اشارة وتاكد حضرتك من موضوع قفلة السلك ورد على

هذا الكلام غير صحيح لأن جهازى عمل شورت لوحدة التيونر LNB عدة مرات وبعد ضبط الكابل وفك المس بين السلك الشعر والسلك النحاس وإعادة تركيب الكابل يعود للعمل بدون مشاكل .. تحياتى